खास चेलों 18:3 - Garhwali

³ अर पौलुस ऊंका दगड़ा मा मिली के काम करण लगि गै, किलैकि पौलुस अर यों दुईयों को एक ही काम-धन्धा छौ, अर उ तम्बू बणौण को काम करदा छौ।

गढवली नयो नियम

³ पौलुस ऊं बट्टी मिलणै गै उ वे जन ही तम्बु बनांण वला छा पौलुस ल वेका दगड़ी रै के काम कैरी; इलै उ ऊंका दगड़ा मा रै।

खास चेलों 18:3 Referans Kwoze

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

2 कुरिन्थि 11:9

अर जब मि तुमरा बीच मा छौ त वे बगत मितैं भौत चीजों की जरुरत छै, मगर मिन तुम लोगु तैं जरा भि परेसान नि कैरी। अर जब मकिदुनिया मुलक बटि कुछ बिस्वासी लोग ऐनी, त वे बगत ऊंन मेरी जरुरतों तैं पूरु कैरी। अर वे बगत मिन पूरि कोसिस कैरी कि मि तुम पर बोझ नि बणु अर अगनै भि मेरी इन्‍नि कोसिस राली कि मि तुम पर बोझ नि बणु।

2 कुरिन्थि 12:13

अर या बात सच्‍चि च कि मिन तुमरा दगड़ा मा उन बरतौ नि कैरी जन मि दुसरि जगा मा रौण वळा बिस्वासी समुदाय का लोगु का दगड़ा मा करदु, जौं की शुरुवात मेरा द्‍वारा ही किये गै। अर तुमतै क्या लगदु कि मिन कुछ गळत कैरी? नऽ रे ना, मिन त अपणी जरुरत तैं पूरि करणु खुणि तुम से कुछ नि मांगि, त क्या अब मितैं तुम से माफी मंगण पोड़लि?

2 कुरिन्थि 11:7

अर मिन तुमतै पिता परमेस्वर को शुभ समाचार सुणै अर वेका बदला मा मिन तुम से रुपया नि लिनी। अर अब मितैं इन बता कि क्या मिन कुछ गळत कैरी? अरे, मिन तुमरा खातिर खुद तैं छुटो बणै दिनी, ताकि तुमतै पूरु आदर-सम्मान मिली सैको।

1 कुरिन्थि 9:14

ये ही ढंग से प्रभु न भि ठैरै कि जु लोग शुभ समाचार सुणौन्दिन, ऊंकी कमै शुभ समाचार का द्‍वारा ही हो।

1 कुरिन्थि 9:15

पर मि यों बातों मा बटि एक भि अधिकार को इस्तेमाल नि करदु। अर या बात मि तुम खुणि इलै नि लिखणु छौं, ताकि तुम मितैं कुछ द्‍या, पर मि त अपणी ईं ही बात पर बड़ु मोन करदु अब चै मि मोरि भि किलै नि जौ।

1 कुरिन्थि 9:18

अर इन्दरि हालत मा मितैं कुई इनाम नि मिलण। मगर जब मि शुभ समाचार को परचार करदु, त वेका बदला मा मि कै बटि कुछ नि लेन्दु। अर ना ही मि शुभ समाचार मा अपणा अधिकारो को इस्तेमाल करदु।

1 थिस्सलुनीकी 4:11

अर जन हमुन तुमतै आज्ञा दे छै, ठिक उन्‍नि तुम एक-दुसरा तैं बिना तकलीफ दियां अपणु जीवन बसर कैरा। अर अपणा-अपणा काम-काजों मा लग्यां रा, अर अपणा हाथोंळ की मेनत खुद कमै कैरिके अपणु जीवन ज्यां।