खास चेलों 18:26 - Garhwali

²⁶ अर यू प्रार्थना भवन मा बेधड़क ह्‍वेके बुलण लगि गै। अर जब प्रिस्किल्‍ला बैंण अर अक्‍किला भै न येकी बातों तैं सुणी, त वु येतैं अपणा घौर लि गैनी, अर येतैं परमेस्वर का बाटा का बारा मा और अच्छा तरीके से बतै।

गढवली नयो नियम

²⁶ उ यहूदियों का मिलणा का भवन मा निडर हवे के बुल्ण लगि गै, पर प्रिस्किल्ला अर अक्विला वेकी बात सूंणि कै वे तैं अपड़ा इख ली गैनी अर परमेश्वर को रस्ता वे तैं ठिक ढंग से बतै।

खास चेलों 18:26 Referans Kwoze

इब्रानी 6:1

इलै हे मेरा दगड़्यों, आ, अर जु कुछ भि हमतै यीशु मसीह का बारा मा पैलि सिखये गै हम वीं ही शिक्षा मा नि बणयां रा, बल्किन मा बड़ा होण का नाता और भि जादा अगनै बढा अर मजबूत होन्दी जा। अर अब तुमतै यू सब बात बतौण की जरुरत नि छिन कि आखिर हमतै वु सब काम किलै छुड़ण चयेणा जु कि मौत कि तरफा लेके जनदिन, अर हमतै पिता परमेस्वर पर किलै भरोसा रखण चयेणु।

1 कुरिन्थि 12:21

अर आंखा हाथ कू नि बोलि सकदिन, “मितैं तेरी कुई जरुरत नि च,” या मुण्ड़ खुटों कू नि बोलि सकदु कि, “मितैं तुमरि कुई जरुरत नि च।”

खास चेलों 18:25

अर येतैं प्रभु का बाटे की पूरि शिक्षा अच्छे तरौं से दिये गै छै। अर यू यीशु का बारा मा मन लगै के सही-सही सुणान्दु अर सिखौन्दु छौ। मगर येतैं यूहन्‍ना का द्‍वारा दिये जाण वळा बपतिस्मा का बारा मा ही पता छौ।

खास चेलों 14:3

तब पौलुस अर बरनबास एक लम्बा बगत तक उखि रैनी, अर प्रभु का बारा मा बड़ी हिम्मतळ परचार कना रैनी। अर प्रभु न ऊंका द्‍वारा अदभुत चिन्‍न अर चमत्कार का काम कैरिके इन साबित कैरी दिनी, कि वेकी किरपा का बारा मा जै वचन को परचार वु लोग कन छिन उ सच्‍च च।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

खास चेलों 28:23

तब ऊंन पौलुस का दगड़ा मा बात-चित करणु खुणि एक दिन ठैरै। अर जब उ दिन ऐ, त भौत सा लोग वे घौर मा जमा ह्‍वेनि, जै घौर मा पौलुस रुक्युं छौ। तब पौलुस ऊंतैं यीशु का बारा मा, मूसा का दियां नियम-कानूनों का बारा मा, अर रैबर्यों की किताबों बटि समझौण लगि गै, अर वेन परमेस्वर का राज का बारा मा भि अपणी गवै दे, अर यू सब बिंगौन्द-बिंगौन्द सुबेर बटि रुमुक ह्‍वे गै।

खास चेलों 8:31

वेन बोलि, “जबरि तक कुई मितैं नि बिंगालु तबरि तक मिन कनकै बिंगण?” तब वेन फिलिप्पुस तैं अपणा रथ मा बैठणु खुणि बोलि।

यूहन्ना 7:17

अर अगर कुई परमेस्वर की मनसा पर चलण चान्दु, त उ यू जाणि जालु, कि यू उपदेस परमेस्वर की तरफा बटि च, या फिर मि अपणी तरफा बटि बोन्‍नु छौं।

लूका 24:27

तब यीशु न मूसा का द्‍वारा बुलिं बातों बटि शुरु कैरी, अर सब रैबर्यों का द्‍वारा किताबों मा लिखीं भविष्यबाणियों का बारा मा ऊं दुईयों तैं समझौण लगि गै, जु कि वेका बारा मा लिखीं छै।

लूका 19:26

अर मालिक न बोलि, ‘मि तुम बटि बोन्‍नु छौं कि, जु कुई परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च त वे बटि वु ज्ञान भि छिनै जालु।

मरकुस 10:15

अर मि तुम बटि सच्‍चि बोन्‍नु छौं, कि परमेस्वर का राज मा वे ही मनखि न जै सकण, जु परमेस्वर का राज तैं एक छुटा बच्‍चा की तरौं स्वीकार करलु।”

1 कुरिन्थि 8:2

अर जु लोग अपणा ज्ञान पर बड़ु मोन करदिन ऊ सच्‍चा वचन तैं नि जणदिन।

खास चेलों 18:18

अर येका बाद भौत दिनों तक पौलुस कुरिन्थि नगर मा रै। अर वेका बाद बिस्वासी भै-बैंणो बटि विदै लेके पाणि का जाज से सीरिया मुलक कू चलि गै, अर वेका दगड़ा मा प्रिस्किल्‍ला बैंण अर अक्‍किला भै भि छौ। अर किंख्रिया नगर मा ऐके पौलुस न अपणु मुण्ड़ मुण्ड़वै, किलैकि वेन प्रभु बटि एक मन्‍नत मंगी छै।

खास चेलों 19:8

फिर पौलुस तीन मैना तक इफिसुस नगर का प्रार्थना भवन मा जैके बिन डऽरयां प्रभु को वचन सुनौणु रै, अर परमेस्वर का राज का बारा मा ऊंतैं समझौणु रै अर ऊंका मनों तैं अपणी तरफा कनै की पूरि कोसिस कनु रै।