खास चेलों 18:25 - Garhwali

²⁵ अर येतैं प्रभु का बाटे की पूरि शिक्षा अच्छे तरौं से दिये गै छै। अर यू यीशु का बारा मा मन लगै के सही-सही सुणान्दु अर सिखौन्दु छौ। मगर येतैं यूहन्‍ना का द्‍वारा दिये जाण वळा बपतिस्मा का बारा मा ही पता छौ।

गढवली नयो नियम

²⁵ वेल परमेश्वर का रस्ता पर चलणै की शिक्षा पै छै अर मन लगै के उ यीशु का बारा मा ठिक-ठिक सुणांद अर सिखांदु छो, पर उ भस यूहन्ना का बपतिस्मा का बारा मा ही जंणदो छो।

खास चेलों 18:25 Referans Kwoze

खास चेलों 19:3

वेन ऊं बटि पूछी, “त फिर तुमुन कन्द्रयो बपतिस्मा लिनी?” ऊंन बोलि, “अरे, जु बपतिस्मा यूहन्‍ना देन्दु छौ।”

रोमियों 12:11

अर तुम लोग मेनत करण मा अळकसि नि बणा, बल्किन मा आत्मिक खुशी से भरपूर रा, अर प्रभु की सेवा कना रा।

खास चेलों 19:23

अर यों ही दिनों मा इफिसुस नगर मा प्रभु का बाटा का बानो दंगा होण लगि गै।

खास चेलों 19:9

मगर ऊं मदि कुछ लोग जादा ढीट ह्‍वे गैनी, अर ऊंन वे रैबार तैं मनण से इनकार कैर दिनी, अर सब लोगु का समणि प्रभु का बाटा का बारा मा अनाप-सनाप बोन्‍न लगि गैनी। इलै पौलुस प्रार्थना भवन तैं छोड़ि के चलि गै, अर बिस्वासी लोगु तैं अफ दगड़ा मा लि गै। अर तुरन्‍नस मनखि की पाठसाला मा पौलुस हरेक दिन बिस्वासी लोगु का दगड़ा मा बात-चित कनु रै।

खास चेलों 9:2

तब उ महा पुरोहित का पास गै, अर वेन वे बटि दमिश्क नगर का प्रार्थना भवनों का मुखिया लोगु खुणि चिठ्‍ठी मांगि, कि प्रभु यीशु पर बिस्वास करण वळु जु भि मिललु ऊंतैं बन्धी बणै के यरूशलेम नगर मा लये जौ, अब चै उ जनानि हो या बैख।

मरकुस 12:14

अर ऊंन यीशु का पास ऐके बोलि, “गुरुजी, हम जणदा छां कि तुम सच्‍चा छाँ, अर कै की परवा नि करद्‍यां, किलैकि तुम कै का दगड़ा मा पक्षपात नि करद्‍यां, पर सच्‍चै से परमेस्वर का बाटा का बारा मा सिखौन्द्‍यां। इलै हमतै बता, कि तुम क्या सोचद्‍यां कि हमतै नियम का मुताबिक रोमी महाराजा तैं कर देण चयेणु, या नि देण चयेणु?”

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।

2 तीमुथियुस 2:4

अर जु मनखि परमेस्वर का सिपै को काम करदु, उ दुनियां का कामों मा नि फसदु, किलैकि उ हमेसा अपणा चुनण वळा अधिकारी तैं खुश रखण चान्दु जु कि वेतैं अगनै लि जान्दु।

खास चेलों 16:17

अर वा नौनि पौलुस अर हमरा पिछनै ऐके चिल्‍लै के बोन्‍न लगि गै कि, “यू लोग सबसे महान परमेस्वर का सेवक छिन, जु की तुमतै बचौण वळा बाटा का बारा मा बतौणा छिन।”

खास चेलों 13:10

“हे शैतान की औलाद, अर सब अच्छे का दुसमन तू त झूठ्‍ठों अर धोखा देण वळु छैई, क्या तू प्रभु का सही बाटा बटि लोगु तैं गळत बाटा पर लि जाण कभि नि छोड़ि सकदी?

लूका 7:29

अर यू सुणी के सब लोगु न अर इख तक कि चुंगी लेण वळु न भि यूहन्‍ना की बात सुणी के वे बटि बपतिस्मा लेई, अर यू माणी दिनी की परमेस्वर धरमी च।

मरकुस 1:3

निर्जन जगा मा जोर-जोर से धै लगै के बुलण वळे की आवाज औणी च कि, ‘प्रभु को बाटु तयार कैरा, वे खुणि बाटु सीदु कैरा।’”

लूका 1:4

ताकि तुम यू जाणि जा, कि जौं बातों की शिक्षा तुमुन पै, ऊ अटल छिन।

खास चेलों 18:26

अर यू प्रार्थना भवन मा बेधड़क ह्‍वेके बुलण लगि गै। अर जब प्रिस्किल्‍ला बैंण अर अक्‍किला भै न येकी बातों तैं सुणी, त वु येतैं अपणा घौर लि गैनी, अर येतैं परमेस्वर का बाटा का बारा मा और अच्छा तरीके से बतै।