खास चेलों 18:19 - Garhwali

¹⁹ अर जब वु इफिसुस नगर मा पौंछिनी, त पौलुस न यों दुईयों तैं इखि छोड़ि दिनी, अर खुद प्रार्थना भवन मा जैके यहूदी लोगु का दगड़ा मा वाद-विवाद करण लगि गै।

गढवली नयो नियम

¹⁹ वेल इफिसुस शहर पौंछि के प्रिस्किल्ला अर अक्विला तैं उख छोड़ी। अर इफिसुस शहर तैं छुड़ण से पैली उ यहूदियों का मिलणा का भवन मा जै के यहूदी लुखुं दगड़ी बातचित कन लगि गै।

खास चेलों 18:19 Referans Kwoze

2 तीमुथियुस 1:18

अर मि इन आस रखदु कि आखिरी मा होण वळा न्याय का दिन पर प्रभु उनेसिफुरुस पर दया कैरो। किलैकि तू अच्छे से जणदी छैई, कि इफिसुस नगर मा उनेसिफुरुस न कथगा अच्छी सेवा कैरी छै।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

इफिसुस 1:1

हे मेरा भै-बैंणो मि पौलुस छौं अर मि पिता परमेस्वर की मनसा से यीशु मसीह को खास चेला छौं। अर मि या चिठ्‍ठी इफिसुस नगर मा रौण वळा बिस्वासी समुदाय का सब लोगु खुणि लिखणु छौं, जु कि यीशु मसीह पर बिस्वास करण वळा पवित्र लोग छिन।

1 कुरिन्थि 16:8

मगर पिन्तेकुस्त का त्योवार तक मिन इफिसुस नगर मा ही रौण।

1 कुरिन्थि 15:32

अर इफिसुस नगर का लोगु न मेरु बड़ु विरोध कैरी, अर ऊ मि पर जंगळि जानबर की तरौं कटणु कू ऐनी। अर अगर मुरयां लोगु तैं ज्यून्द नि किये जालु, त विरोध करण वळा लोगु का खिलाप मा जु कुछ भि मिन कैरी, वेको कुई फैदा नि ह्‍वे। तब हम भि इन बोलि सकद्‍यां कि, “अरे भोळ त हमुन भि मुरण ही च, चला, हम सब खूब खा-प्या।”

खास चेलों 20:16

पौलुस पिन्तेकुस्त का त्योवार तैं मनौण का बानो जथगा जल्दी ह्‍वे सकदु छौ यरूशलेम नगर कू जाण चाणु छौ, इलै वेन इन ठाणि की इफिसुस नगर का पास बटि ह्‍वेके चलि जौ, ताकि आसिया मुलक मा वेतैं जादा बगत नि लगु।

खास चेलों 19:1

अर जब अपुल्‍लोस कुरिन्थि नगर मा छौ, त पौलुस मैंल्या मुलक बटि ह्‍वेके इफिसुस नगर मा पौंछी। अर वेतैं उख कुछ बिस्वासी लोग मिलिनी, अर पौलुस न ऊं बटि पूछी कि,

खास चेलों 18:24

अपुल्‍लोस नौ को एक यहूदी मनखि जैको जनम सिकन्दरिया नगर मा ह्‍वे छौ। यू भौत अच्छु गुरु अर पवित्रशास्‍त्र को भौत अच्छु जानकार छौ, अर यू इफिसुस नगर मा ऐ।

खास चेलों 18:4

अर पौलुस हरेक सब्त का दिन पर प्रार्थना भवन मा जैके यहूदियों अर यूनानी लोगु का दगड़ा मा वाद-विवाद करदु छौ, अर ऊंका मन तैं अपणी तरफा करण की कोसिस करदु छौ।

दिब्य दरस 2:1

तब यीशु न मिकू बोलि कि, “इफिसुस नगर मा रौण वळा बिस्वासी समुदाय का दूत खुणि इन लिख कि: “यीशु जैका दैंणा हाथ मा सात गैंणा छिन, अर जु सोने की सात दीपदानों का बीच मा चलदु च उ इन बुल्दु कि:

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”

2 तीमुथियुस 4:12

अर तुखिकुस भै तैं मिन इफिसुस नगर मा भेज्यूं च।

खास चेलों 19:26

अर तुमुन अफि देखि अर सुणी भि च कि ये पौलुस न इफिसुस नगर मा ही ना, मगर आसिया मुलक का लगभग सब नगरों का लोगु तैं भकलैयेलि। अर उ इन बुल्दु, कि हाथों द्‍वारा बणईं मूरत द्‍यबता नि छिन।

खास चेलों 19:17

अर या बात इफिसुस नगर का सब यहूदी अर यूनानी लोगु तैं पता चलि गै, अर वु लोग भौत जादा डौऽरी गैनी। अर ज्वा बात ह्‍वे छै वां की वजै से प्रभु यीशु की बडै होण लगि गै।

खास चेलों 18:21

अर जब पौलुस उख बटि जाण लगि गै, त वेन इन बोलि के ऊं बटि विदै ले कि, “अगर जु परमेस्वर की इच्छा होलि, त मि तुम लोगु का पास फिर औलु।” तब पौलुस न इफिसुस नगर बटि पाणि का जाज से अपणी यात्रा शुरु कैरी।

खास चेलों 18:20

अर जब उखा लोगु न वेसे बिन्ती कैरी कि, “पौलुस भै, कुछ दिनों तक हमरा इख ही रुक्यां रा,” त वेन मना कैर दिनी।

खास चेलों 19:28

अर देमेत्रियुस सुनार की ईं बात तैं सुणी के वु कारीगर भौत गुस्सा ह्‍वे गैनी अर ऊंन चिल्‍लै के बोलि, “इफिसुस की देवी अरतिमिस ही महान च।”

खास चेलों 19:35

तब आखिर मा वे नगर का अधिकारी न ऊं लोगु तैं चुप करै। अर बोलि, “मेरा इफिसुस नगर का भै-बैंणो, कु नि जणदु कि हम इफिसुस नगर का लोग महान देवी अरतिमिस का मन्दिर, अर आसमान बटि वेकी पोड़ि मूरत की रखवळी करद्‍यां।

खास चेलों 20:17

तब पौलुस न मिलेतुस नगर बटि इफिसुस नगर का बिस्वासी समुदाय का अध्यक्षों खुणि रैबार भेजि, कि तुम इख ऐ जा।

खास चेलों 21:29

अर ऊं लोगु न इन इलै बोलि, किलैकि यों लोगु न पैलि इफिसुस नगर का त्रुफिमुस भै तैं नगर मा पौलुस का दगड़ा मा देखि छौ, इलै ऊंन समझि की पौलुस वेतैं भि मन्दिर मा लेके ऐ गै।