खास चेलों 17:4 - Garhwali

⁴ तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

गढवली नयो नियम

⁴ कुछ यहूदियों ल, अर परमेश्वर कु डौर मनणवला भौत सैरा अन्यजाति (यूनानियों) लुखुं अर भक्त मुख्य जननियों ल जु बात सूंणि छै वे पर विश्वास कैरी, अर पौलुस अर सिलास का दगड़ी मिली गैनी।

खास चेलों 17:4 Referans Kwoze

खास चेलों 17:12

इलै ऊं लोगु मा बटि भौत सा यहूदी लोगु न, अर खास-खास यूनानी जनानियों न, अर बैखों न भि ऊंकी बातों पर बिस्वास कैरी।

खास चेलों 14:4

तब नगर का लोगु मा फूट पोड़ि गै, अर कुछ लोग प्रभु का चेलों का जनै, अर कुछ लोग यहूदी लोगु का जनै ह्‍वे गैनी।

खास चेलों 13:43

अर जब वा सभा समाप्‍त ह्‍वे गै, त भौत सा यहूदी, अर जु लोग यहूदी रीति-रिवाज तैं मनण लगि गै छा वु लोग पौलुस अर बरनबास का पिछनै ह्‍वे गैनी। तब ऊं दुईयों न ऊं लोगु का दगड़ा मा बात-चित कैरिके समझै कि परमेस्वर की किरपा मा बणयां रा।

2 कुरिन्थि 8:5

अर हमुन इन सोची छौ कि वु लोग अपणी हैसियत का मुताबिक ही द्‍याला, मगर ऊंन हमरि सोच से भि जादा दिनी, किलैकि ऊंन पिता परमेस्वर की मरजी तैं पूरु होणु खुणि खुद तैं वेका हाथों मा सौंपी दिनी, अर वेका बाद ऊंन मितैं ईं बात का बारा मा बतै कि वु क्या करण चाणा छिन।

खास चेलों 28:24

अर कुछ लोगु न पौलुस की बातों पर बिस्वास कैरी, पर कुछ लोगु न बिस्वास नि कैरी।

खास चेलों 15:22

अर बिस्वासी समुदाय का सब लोगु तैं, खास चेलों अर अध्यक्ष लोगु तैं याकूब की बुलिं बात अच्छी लगिनी। तब ऊं लोगु न इन फैसला कैरी कि हम मा बटि कुछ लोगु तैं चुणी के पौलुस अर बरनबास का दगड़ा मा अन्ताकिया नगर कू भेजि जौ। तब ऊंन यहूदा तैं जैकू बरसब्बा भि बुल्दिन अर सीलास तैं चुणी, अर यू लोग बिस्वासी भै-बैंणो का मुखिया छा।

खास चेलों 13:50

मगर यहूदी लोग न कुछ आदर-सम्मानित भक्‍त जनानियों तैं, अर नगर का मुख्य लोगु तैं भड़कै दिनी, ताकि यू पौलुस अर बरनबास का खिलाप मा ह्‍वे जा। तब यों लोगु न ऊं पर जुलम करण शुरु कैरी दिनी, अर पौलुस अर बरनबास तैं अपणा मुलक बटि भैर निकाळि दिनी।

खास चेलों 21:28

अर चिल्‍लै के बोलि, “हे इस्राएली लोगु, ये मनखि तैं सजा देण मा हमरि मदद कैरा, किलैकि यू उई आदिम च जु हमरा लोगु का खिलाप मा, नियम-कानूनों अर हमरा मन्दिर का खिलाप मा, सब जगा का लोगु तैं शिक्षा देन्दु, इख तक की यूनानी लोगु तैं मन्दिर मा लेके येन ईं पवित्र जगा तैं भि अशुद्ध कैरियाली।”

खास चेलों 19:10

अर दुई साल तक इन्‍नि चलणु रै, ताकि आसिया मुलक का लोग, यहूदी लोग, अर यूनानी जाति का लोग प्रभु का वचन तैं सुणी सैका।

खास चेलों 18:4

अर पौलुस हरेक सब्त का दिन पर प्रार्थना भवन मा जैके यहूदियों अर यूनानी लोगु का दगड़ा मा वाद-विवाद करदु छौ, अर ऊंका मन तैं अपणी तरफा करण की कोसिस करदु छौ।

खास चेलों 17:34

मगर कुछ लोगु न पौलुस की बातों पर बिस्वास कैरी, अर वेका दगड़ा मा मिली गैनी। अर जु लोग वेका दगड़ा मा ह्‍वे गै छा ऊंमा बटि अरियुप्गुस न्याय बैठक को एक सदस्य छौ जैको नौ दियुनिसियुस छौ, अर दमरिस नौ की एक जनानि, अर यों का अलावा और लोग भि छा।

खास चेलों 17:17

इलै वु प्रार्थना भवन मा यहूदी लोगु का दगड़ा, अर परमेस्वर की भक्‍ति करण वळा लोगु का दगड़ा, अर बजार मा औण-जाण वळा लोगु का दगड़ा मा, हरेक दिन वाद-विवाद करदु छौ।

खास चेलों 16:3

अर पौलुस चान्दु छौ, कि तीमुथियुस वेका दगड़ा मा अऽ। इलै वेन वे मुलक का यहूदी लोगु का बाना वेको खतना करवै, ताकि उ वेकू कुछ नि बोलि सैका। किलैकि यहूदी लोग जणदा छा, कि वेको बुबा यूनानी जाति को च।

खास चेलों 15:40

अर पौलुस न सीलास तैं चुणी। अर बिस्वासी भै-बैंणो न प्रार्थना कैरिके ऊंतैं प्रभु का सुपुर्द कैरी दिनी, ताकि ऊं पर प्रभु की किरपा बणि रौ। तब ऊ उख बटि चलि गैनी।

खास चेलों 15:32

यहूदा अर सीलास खुद भि परमेस्वर का रैबर्या छा, इलै ऊंन भौत सरी बातों का द्‍वारा बिस्वासी भै-बैंणो की हिम्मत बढै, अर बिस्वास मा ऊंतैं और भि जादा मजबूत कैरी।

खास चेलों 15:27

इलै हमुन यहूदा अर सीलास तैं भेजि, ताकि वु खुद भि तुमतै चिठ्‍ठी मा लिखी बात बतै द्‍या।

खास चेलों 14:1

अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

खास चेलों 4:23

तब यू दुई उख बटि छुटी के बिस्वासी लोगु का पास ऐ गैनी। अर जब पतरस अर यूहन्‍ना अपणा बिस्वासी लोगु का पास पौंछिनी, त यों न ऊंतैं वु सब बात बतैनि, जु कुछ मुख्य पुरोहितों अर अध्यक्षों न ऊंकू बोलि छै।

खास चेलों 2:44

अर सब बिस्वासी लोग मिली-जुली के रौन्दा छा, अर जु कुछ भि ऊंमा छौ वेतैं ऊ आपस मा बांटि देन्दा छा।

यूहन्ना 7:35

तब यहूदी आपस मा बुलण लगि गैनी कि, “यू मनखि कख जाण वळु च, कि यू हमतै नि मिललु? क्या यू ऊं यहूदी लोगु का बीच मा जालु जु तितर-बितर ह्‍वेके रौणा छिन, अर ऊंका बीच मा जैके ऊं लोगु तैं उपदेस द्‍यालु जु यहूदी जाति का नि छिन?

खास चेलों 17:10

अर फिर बिस्वासी भै-बैंणो न पौलुस अर सीलास तैं रातों-रात बिरीया नगर कू भेजि दिनी, अर उख पौंछण का बाद यू दुईया का दुई यहूदियों का प्रार्थना भवन मा गैनी।

खास चेलों 17:14

तब उखा बिस्वासी भै-बैंणो न तुरन्त ही पौलुस तैं उख बटि भेजि, कि उ इख बटि निकळि के समुन्दर की तरफा चलि जौ। पर सीलास अर तीमुथियुस उखि रै गैनी।