खास चेलों 17:15 - Garhwali

¹⁵ अर कुछ लोग पौलुस का दगड़ा मा एथेन्स नगर तक वेतैं पौंछाणु खुणि गैनी। तब पौलुस न ऊंमा सीलास अर तीमुथियुस खुणि इन रैबार दिनी, कि ऊंकू बुलयां की जथगा जल्दी ह्‍वे सैको मेरा पास ऐ जयां।

गढवली नयो नियम

¹⁵ कुछ आदिम पौलुस का दगड़ी एथेंस शहर तक गैनी, पर पौलुस की ईं आज्ञा का दगड़ी उ बिरीया चलि गैनी की सिलास अर तीमुथियुस जल्दी ही वे म भेजि दिये जाला।

खास चेलों 17:15 Referans Kwoze

1 थिस्सलुनीकी 3:1

अर तुम बटि दूर होण की वजै से जब हम बटि नि रये गै, त तुमरा बारा मा जनणु खुणि हमुन तीमुथियुस तैं तुमरा पास भेजि, ताकि उ तुमतै बिस्वास का बारा मा अच्छा से समझौ अर बिस्वास मा और भि जादा मजबूत बणौ। मिन अर सिलवानुस न एथेन्स नगर मा ही रुकणे की ठाणि। अर तीमुथियुस परमेस्वर को सेवक च, अर मसीह का शुभ समाचार तैं सुनौण मा हमरु एक भै च।

खास चेलों 18:5

अर जब सीलास अर तीमुथियुस मकिदुनिया मुलक बटि ऐनी, तब पौलुस प्रभु का वचन तैं सुनौण मा अपणु पूरु बगत लगौण लगि गै, अर यहूदियों तैं गवै दे देके इन साबित कनु रै कि यीशु ही मसीह च।

खास चेलों 18:1

येका बाद पौलुस एथेन्स नगर तैं छोड़ि के कुरिन्थि नगर कू चलि गै।

तीतुस 3:12

अर तीतुस, जब मि तेरा पास अरतिमास या तुखिकुस भै तैं भेजलु, तब तू निकुपुलिस नगर मा औण की कोसिस कैरी। किलैकि अबरि दौं मेरी ह्‍यूँद कटण की इखि सोची च।

खास चेलों 17:21

(अर या बात ऊंन इलै बोलि, किलैकि एथेन्स नगर का लोग अर उख रौण वळा परदेसी लोगु की एक आदत छै, कि वु हमेसा नई-नई बातों तैं सिखण अर बुलण मा ही अपणु पूरु बगत लगौन्दा छा, अर कुछ नि करदा छा)।

खास चेलों 17:16

अर पौलुस एथेन्स नगर मा सीलास अर तीमुथियुस को इंतजार कनु छौ, अर ये नगर मा मूरतों की भरमार तैं देखि के उ अपणी आत्मा मा भौत दुखी ह्‍वे।

खास चेलों 15:3

तब समुदाय का कुछ लोग ऊंतैं छुड़णु खुणि कुछ दूर तक गैनी। अर यू लोग फीनीके अर सामरिया मुलकों बटि ह्‍वेके गैनी, अर उखा बिस्वासी भै-बैंणो तैं ऊं लोगु का बारा मा बतै जु यहूदी जाति का नि छा कि ऊंन प्रभु यीशु तैं कनकै अपणा जीवन मा स्वीकार कैरी, अर ईं बात का बाना सब लोग खुश ह्‍वे गैनी।

खास चेलों 17:14

तब उखा बिस्वासी भै-बैंणो न तुरन्त ही पौलुस तैं उख बटि भेजि, कि उ इख बटि निकळि के समुन्दर की तरफा चलि जौ। पर सीलास अर तीमुथियुस उखि रै गैनी।

खास चेलों 17:22

तब पौलुस न वीं बैठक मा जमा होंया लोगु का बीच मा खड़ु ह्‍वेके ऊंकू बोलि, “हे एथेन्स नगर का लोगु, मि दिखणु छौं कि तुम हर बात मा द्‍यबतों तैं भौत जादा मनण वळा छाँ।