खास चेलों 16:9 - Garhwali

⁹ अर पौलुस न रात मा उख एक दरसन देखि। अर वेन देखि, कि मकिदुनी जाति को एक मनखि खड़ु ह्‍वेके वे बटि बिन्ती कैरिके बोन्‍नु च कि, “इख मकिदुनी मुलक मा ऐके हमरि मदद कैरा।”

गढवली नयो नियम

⁹ अर पौलुस ल राती एक दर्शन देखि की एक मकिदुनिया प्रान्त का रौंण वला एक आदिम खड़ो हुयुं, वेमा बिनती कैरी के बोलि छों “समुद्र का पार उतरी कै मकिदुनिया प्रान्त मा ऐ, अर हमारी मदद कैर।”

खास चेलों 16:9 Referans Kwoze

खास चेलों 19:21

अर यों सब बातों का बाद पौलुस न मकिदुनिया अर अखया मुलकों बटि ह्‍वेके यरूशलेम नगर जाण को विचार कैरी, अर वेन अपणा मन मा सोची कि, “वेका बाद त मितैं रोम भि जाण जरुरी च।”

खास चेलों 18:5

अर जब सीलास अर तीमुथियुस मकिदुनिया मुलक बटि ऐनी, तब पौलुस प्रभु का वचन तैं सुनौण मा अपणु पूरु बगत लगौण लगि गै, अर यहूदियों तैं गवै दे देके इन साबित कनु रै कि यीशु ही मसीह च।

रोमियों 15:26

किलैकि मकिदुनिया अर अखया मुलक का बिस्वासी लोगु न चन्दा इकट्‍ठा कर्युं च, अर या बात ऊंतैं अच्छी लगि कि ऊ यरूशलेम नगर का बिस्वासी लोगु मा बटि जु लोग गरीब छिन ऊंकी मदद कैरा।

खास चेलों 20:1

अर जब इफिसुस नगर को माहौल जरा शान्त ह्‍वे गै, त पौलुस न बिस्वासी लोगु तैं बुलै अर ऊंकी हिम्मत बढै, अर तब ऊं बटि विदै लेके मकिदुनिया मुलक कू जाण लगि गै।

1 थिस्सलुनीकी 4:10

अर सच्‍चि मा तुम पूरा मकिदुनिया मुलक का सब बिस्वासी लोगु बटि उन्‍नि प्यार करद्‍यां। मगर फिर भि मेरा भै-बैंणो, हम तुमतै समझै देन्द्‍यां, कि तुम एक-दुसरा बटि और भि जादा प्यार कैरा।

2 कुरिन्थि 12:7

अर मि ऊं चीजों का खातिर भि बड़ु मोन कैरी सकदु छौं, जु दिब्य दरसन मा पिता परमेस्वर न मितैं दिखैनि, मगर परमेस्वर न शैतान तैं इन इजाजत दिनी कि वेका दूत का द्‍वारा मेरा सरील मा कष्‍ट हो, ताकि मि जादा बड़ु मोन नि कैरुं।

2 कुरिन्थि 11:9

अर जब मि तुमरा बीच मा छौ त वे बगत मितैं भौत चीजों की जरुरत छै, मगर मिन तुम लोगु तैं जरा भि परेसान नि कैरी। अर जब मकिदुनिया मुलक बटि कुछ बिस्वासी लोग ऐनी, त वे बगत ऊंन मेरी जरुरतों तैं पूरु कैरी। अर वे बगत मिन पूरि कोसिस कैरी कि मि तुम पर बोझ नि बणु अर अगनै भि मेरी इन्‍नि कोसिस राली कि मि तुम पर बोझ नि बणु।

2 कुरिन्थि 9:2

किलैकि मि जणदु छौं, कि तुम मदद करण खुणि तयार छाँ। अर मि मकिदुनिया नगर का बिस्वासी भै-बैंणो तैं बड़ा मोन कैरिके बतौणु छौं, कि अखया मुलक का बिस्वासी लोग पिछलै एक साल बटि मदद करणु खुणि तयार बैठयां छिन। अर तुमरा ये जोस न ऊंका भितर खुशी पैदा कैरियाली।

2 कुरिन्थि 8:1

हे मेरा भै-बैंणो, अब मि तुमतै पिता परमेस्वर की वीं किरपा का बारा मा बतौण चाणु छौं, ज्वा वेन मकिदुनिया मुलक मा रौण वळा बिस्वासी समुदाय का लोगु का जीवनों मा कैरी।

2 कुरिन्थि 7:5

अर जब हम मकिदुनिया मुलक मा अयां, त हमतै उख आराम कन को भि मौका नि मिली। हमुन हर बार दुख ही पै, इख तक कि हमरा मनों मा डौऽर ऐ गै किलैकि दुसमन हमतै परेसान करणा छा।

खास चेलों 20:3

अर यूनान देस मा पौंछी के पौलुस तीन मैना तक उखि रै। अर जब वु उख बटि पाणि का जाज को सफर शुरु कैरिके सीरिया मुलक कू जाण वळु छौ, त वेतैं पता चलि गै कि यहूदी लोगु न वेका खिलाप मा जाळसाजि कैरियाली, इलै वेन मकिदुनिया मुलक बटि ही वापिस जाण को विचार बणै दिनी।

खास चेलों 10:30

तब कुरनेलियुस न जबाब देई, “आज से ठिक चार दिन पैलि दुफरे तीन बजी का करीब मि घौर मा ये ही बगत पर प्रार्थना कनु छौ, कि तबरि मिन देखि कि एक आदिम चमकिला कपड़ा पैरयूं मेरा समणि खड़ु ह्‍वे गै।

खास चेलों 10:3

अर एक दिन इन ह्‍वे कि दुफरे तीन बजी का करीब कुरनेलियुस न एक दरसन देखि, कि परमेस्वर को एक स्वर्गदूत वेका पास ऐ अर वेन वेकू बोलि, “हे कुरनेलियुस”

खास चेलों 9:38

अर याफा नगर का बिस्वासी लोगु न सुणी कि पतरस लुद्‍दा नगर मा च, त ऊंन दुई लोगु तैं वेका पास भेजि के वेसे बिन्ती कैरी कि, “तुम जल्दी से जल्दी हमरा पास ऐ जा।” अर यू लुद्‍दा नगर याफा नगर का नजदीक ही छौ।

खास चेलों 16:10

अर जब पौलुस न यू दरसन देखि, त हमुन तुरन्त इन विचार कैरी कि हमतै मकिदुनिया मुलक मा जाण चयेणु, किलैकि हम समझि गै छा कि परमेस्वर हमतै उख बुलाणु च, ताकि उख जैके हम शुभ समाचार सुणा।

खास चेलों 16:12

अर उख बटि हम फिलिप्पी नगर मा पौंछयां, अर यू मकिदुनिया मुलक को खास नगर छौ, जख कि रोमी लोग रौन्दा छा।

खास चेलों 19:22

इलै पौलुस न अपणा दुई मददगार लोगु तैं याने की तीमुथियुस अर इरास्तुस तैं पैलि मकिदुनिया मुलक मा भेजि दिनी। अर खुद पौलुस कुछ दिनों खुणि आसिया मुलक मा ही रुक्युं रै।

खास चेलों 19:29

तब पूरा नगर मा घपरोळ होण लगि गै, अर यों लोगु न मकिदुनिया मुलक का रौण वळा गयुस अर अरिस्तर्खुस तैं पकड़ी दिनी, जु कि पौलुस का दगड़ा मा यात्रा कैरिके इख अयां छा। अर भागी के यों तैं वे घौर मा लि गैनी, जख नाटक होन्दा छा।

खास चेलों 27:2

अर हमुन अद्रमुत्तियुम नगर बटि पाणि का एक जाज मा बैठि के अपणु सफर शुरु कैरी। अर ये जाज न आसिया का बंदरगाहों से ह्‍वेके जाण छौ, अर हमरा दगड़ा मा मकिदुनिया मुलक को अरिस्तर्खुस भै भि छौ, जु की थिस्सलुनीकी नगर को रौण वळु छौ।