खास चेलों 16:6 - Garhwali

⁶ अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

गढवली नयो नियम

⁶ अर उ फ्रूगिया प्रदेश अर गलातिया का प्रदेश बट्टी हवे के गैनी, अर पवित्र आत्मा ल ऊं तैं एशिया प्रान्त मा वचन सुनांण से मना कैरी।

खास चेलों 16:6 Referans Kwoze

खास चेलों 18:23

अर उ कुछ दिनों तक अन्ताकिया नगर मा ही रै, फिर उख बटि निकळि के गलाति अर फ्रूगिया मुलकों का बिस्वासी लोगु तैं ऊंका बिस्वास मा मजबूत कनु रै।

खास चेलों 16:7

अर जब ऊ मूसिया मुलक का नजदीक पौंछिनी त ऊंन बितूनिया मुलक मा जाण को विचार कैरी, मगर यीशु की आत्मा न ऊंतैं उख जाणे की इजाजत नि दिनी।

खास चेलों 11:12

अर पवित्र आत्मा न मितैं बिन हिचकिचयां ऊंका दगड़ा मा जाणु कू बोलि, अर मेरा दगड़ा मा यू छह बिस्वासी भै भि उख जाणु कू पैटि गैनी। अर तब हम कुरनेलियुस नौ का एक मनखि का घौर कू ग्यां।

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।

2 तीमुथियुस 4:10

किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

खास चेलों 19:10

अर दुई साल तक इन्‍नि चलणु रै, ताकि आसिया मुलक का लोग, यहूदी लोग, अर यूनानी जाति का लोग प्रभु का वचन तैं सुणी सैका।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”

दिब्य दरस 1:4

आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।

इब्रानी 11:8

अर बिस्वास का द्‍वारा ही पितर अब्राहम तैं जब परमेस्वर का द्‍वारा बुलये गै, त वु आज्ञा माणी के वीं जगा कू निकळि, जिं जगा को वु हकदार होण वळु छौ। हालांकि वु नि जणदु छौ कि वु कख जाणु मगर फिर भि वु चलि गै।

2 तीमुथियुस 1:15

अर तू जणदी ही छैई, कि आसिया मुलक का भौत सरा बिस्वासी लोग मितैं छोड़ के चलि गैनी। जौं मा बटि फूगिलुस अर हिरमुगिनेस छिन।

2 कुरिन्थि 1:8

हे मेरा भै-बैंणो, हम इन चन्द्‍यां कि तुम ईं बात से अणजाण नि रा, कि हमुन आसिया मुलक मा कन-कन दुख-तकलीफ झिलनी। हाँ, हमुन इथगा दुख-तकलीफ झिलनी कि ऊंतैं सौण हमरि ताकत से भैर छौ, इख तक कि हमुन उम्मीद भि छोड़याली छै, कि अब हम ज्यून्दा भि रौला कि ना।

1 कुरिन्थि 16:1

हे मेरा भै-बैंणो, तुमुन चिठ्‍ठी मा यरूशलेम नगर का गरीब बिस्वासी लोगु का बारा मा मि बटि पूछी छौ। अर जन मिन गलाति मुलक का बिस्वासी समुदाय खुणि बोलि ठिक उन्‍नि मि तुम खुणि भि बुल्दु कि,

1 कुरिन्थि 12:11

अर यू सब काम एक ही पवित्र आत्मा का द्‍वारा होनदिन। अर पिता परमेस्वर कै मनखि तैं क्या बरदान देण चाणु यू सब वु अपणी मनसा का मुताबिक ही करदु।

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

खास चेलों 20:16

पौलुस पिन्तेकुस्त का त्योवार तैं मनौण का बानो जथगा जल्दी ह्‍वे सकदु छौ यरूशलेम नगर कू जाण चाणु छौ, इलै वेन इन ठाणि की इफिसुस नगर का पास बटि ह्‍वेके चलि जौ, ताकि आसिया मुलक मा वेतैं जादा बगत नि लगु।

खास चेलों 20:4

अर इन ह्‍वे कि जब पौलुस न अपणी यात्रा शुरु कैरी, त वेका दगड़ा मा बिरीया नगर को पुरूर्स को नौनु सोपत्रुस, अर थिस्सलुनीकी नगर को अरिस्तर्खुस अर सिकुन्दुस, अर दिरबे नगर को गयुस, अर आसिया मुलक को तुखिकुस अर त्रुफिमुस छा, अर ऊंका दगड़ा मा तीमुथियुस भि छौ। अर यों न आसिया मुलक तक वेका दगड़ा मा यात्रा कैरी।

खास चेलों 10:19

पतरस अभि तक वे दरसन का बारा मा सुचणु ही छौ, कि तबरि पवित्र आत्मा न वेकू बोलि, “सुण, तीन लोग त्वेतै खुज्याणा छिन।

लूका 1:2

अर ऊं लोगु न, जौन खुद पैलि बटि यों बातों तैं देखि अर वचन को परचार करण की सेवा कैरी, ऊंन ही यू वचन हम मा पौंछे।

खास चेलों 6:9

मगर उख एक प्रार्थना भवन छौ जैमा वु लोग औन्दा छा जु की गुलामी से आजाद होयां छा। तब यों लोगु का बीच मा बटि कुरेनी, सिकन्दरिया अर किलिकिया अर आसिया मुलकों का कुछ लोग स्तिफनुस का दगड़ा मा वाद-विवाद करणु खुणि खड़ा ह्‍वेनि। अर वाद-विवाद करण लगि गैनी,

खास चेलों 8:29

तब पवित्र आत्मा न फिलिप्पुस कू बोलि, “नजदीक जैके रथ का दगड़ा-दगड़ि मा चल।”

खास चेलों 21:27

अर जब शुद्धिकरण का सात दिन पूरा होण वळा छा, त आसिया मुलक का कुछ यहूदी लोगु न पौलुस तैं मन्दिर मा देखि। अर ऊंन भीड़ का लोगु तैं पौलुस का खिलाप मा उकसै, अर वेतैं पकड़ी दिनी।

रोमियों 16:5

अर ऊंका घौर मा जमा होण वळा समुदाय का सब लोगु तैं भि मेरु सलाम। अर मेरा प्यारा भै इपैनितुस तैं भि मेरु सलाम, जु कि आसिया मुलक मा पैलु मनखि छौ जैन यीशु मसीह का पिछनै चलण शुरु कैरी।

1 कुरिन्थि 16:19

अर इख आसिया मुलक का बिस्वासी लोग तुमकु सलाम बोन्‍ना छिन। अर अक्‍किला अर वेकी घरवळी प्रिस्का बैंण, अर ऊंका घौर मा इकट्‍ठा होण वळा बिस्वासी समुदाय का लोग भि तुमकु दिल से सलाम बुलणा छिन।