खास चेलों 16:5 - Garhwali

⁵ अर इन कैरिके बिस्वासी समुदाय का लोगु को बिस्वास और भि जादा बढदी गै, अर हरेक दिन ऊंकी गिनती और भि जादा होणी रै।

गढवली नयो नियम

⁵ इन कै मण्डलि का लोग विश्वास मा मजबूत हूंदी गैनी अर गिणती मा दिनौ दिन बढ़दी गैनी।

खास चेलों 16:5 Referans Kwoze

खास चेलों 9:31

तब पूरा यहूदिया, गलील अर सामरिया का मुलकों मा रौण वळा बिस्वासी समुदाय का सब लोग बड़ा चैन से रैनी, अर प्रभु मा और भि मजबूत होणा रैनी, अर वु प्रभु तैं पूरु आदर-सम्मान दिणा रैनी, अर पवित्र आत्मा का द्‍वारा ऊंतैं हर दिन हिम्मत मिलणी रै।

खास चेलों 2:47

अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

खास चेलों 6:7

अर इनकै परमेस्वर को वचन और भि जादा फैलदी गै, अर यरूशलेम नगर मा बिस्वासी लोगु की गिनती और भि जादा ह्‍वे गै। अर भौत सा पुरोहितों न बिस्वास कैरी अर यू भि ऊंका दगड़ा मा मिली गैनी।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

खास चेलों 15:41

अर सीरिया मुलक अर किलिकिया मुलक बटि ह्‍वेके वेन बिस्वासी समुदाय का भै-बैंणो तैं ऊंका बिस्वास मा मजबूत कैरी।

कुलुसी 2:6

हे मेरा भै-बैंणो, तुमुन यीशु मसीह तैं प्रभु का रुप मा स्वीकार कैरियाली, इलै वेका मुताबिक ह्‍वेके भि चला।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

खास चेलों 12:24

अर परमेस्वर का वचन को भि जादा परचार किये गै, अर लोगु का बीच मा फैलदी गै।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

1 थिस्सलुनीकी 3:13

अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

गलातियों 5:1

अर या आजादी हमतै यीशु मसीह का द्‍वारा मिली च ताकि हम आजादी का जीवन तैं जी सैका। इलै अपणा बिस्वास तैं मजबूत बणै के रखा, अर नियम-कानूनों का बोझ तैं फिर से अपणा कन्धों पर नि उठा।

खास चेलों 11:21

अर प्रभु की ताकत ऊं लोगु का दगड़ा मा छै, अर भौत सा लोगु न बिस्वास कैरी अर प्रभु की तरफा ह्‍वे गैनी।

खास चेलों 5:14

अर भौत सा बैख अर जनानियों न जौन प्रभु पर बिस्वास कैरी वु बिस्वासी समुदाय का यों लोगु का दगड़ा मा सामिल ह्‍वे गैनी, अर यों की गिनती और भि जादा ह्‍वे गै।

खास चेलों 4:4

पर जथगा लोगु न वचन तैं सुणी ऊंमा बटि भौत सरा लोगु न बिस्वास कैरी, अर ऊं लोगु मा बैखों की संख्या ही लगभग पांच हजार छै।