खास चेलों 16:22 - Garhwali

²² तब भीड़ का लोग पौलुस अर सीलास का खिलाप मा जमा ह्‍वे गैनी, अर मुख्य अधिकारीयों न हुकम दिनी कि ऊंका कपड़ों तैं फाड़ा अर ऊंतैं जाठोंळ धड़का।

गढवली नयो नियम

²² तब भीड़ बट्टी लोग पौलुस अर सिलास खिलाफ मा कट्ठा हवे के ऐनी, अर राज्यपालों ल ऊंका कपड़ा फाड़ी के उतारी दींनि, अर ऊं पर बेत मरणै की आज्ञा दींनि।

खास चेलों 16:22 Referans Kwoze

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।

2 कुरिन्थि 6:5

अर कई बार हमुन मार खै अर हमतै जेलखानों मा भि डळै गै। अर कभि-कभि त हमरा खिलाप मा भीड़ इकट्‍ठा ह्‍वे जान्दी छै, मगर हमुन फिर भि कड़ी मेनत कैरी। अर कई रात्यों त हम सै भि नि छा, अर कई दिन-रात हमुन भूकि कटिनी।

इब्रानी 11:36

अर बिस्वास करण वळा कुछ लोगु को मजाक उड़ये गै, अर कुछ लोगु तैं कोड़ा मरे गैनी, इख तक कि कुछो तैं संगुळों मा बान्धि के जेलखाना मा भि बन्द किये गै।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

खास चेलों 18:12

अर जौं दिनों मा अखया मुलक को गवर्नर गल्‍लियो छौ, ये बगत यहूदी लोग एक मन ह्‍वेके पौलुस का खिलाप मा खड़ा ह्‍वे गैनी, अर वेतैं पकड़ी के न्याय आसन का समणि लि गैनी।

खास चेलों 17:5

अर यू देखि के यहूदी लोग पौलुस अर सीलास तैं देखि के फूक्योंण लगि गैनी। तब ऊंन बजार बटि कुछ गुन्ड़ो तैं जमा कैरी अर ऊंकी एक भीड़ बणै, अर नगर मा घपरोळ मचौण लगि गैनी। अर वेका बाद ऊ सभ्या का सभि जबरन यासोन का घौर मा घुसी गैनी। अर पौलुस अर सीलास तैं खुज्याणा लगि गैनी, ताकि ऊ यों दुईयों तैं लोगु का बीच मा लि जै सैका।

खास चेलों 16:37

मगर पौलुस न ऊंकू बोलि, “हम त रोमी नागरिक छां, ऊंन हमतै बिना कैं गळती का दोषी ठैरै अर सभ्यों का समणि हमतै पिटवै। अर फिर जेलखाना मा डलवै दिनी, त अब वु हमतै सुरक के किलै निकळणा छिन? इन नि ह्‍वे सकदु ऊंकू बोला कि ऊ खुद इख आ अर हमतै इख बटि भैर लि जा।”

खास चेलों 5:40

तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां।

मत्ती 27:26

तब पिलातुस न ऊंकी मांग का मुताबिक बरअब्बा तैं छोड़ दिनी, अर यीशु तैं कोड़ा लगवैनि अर क्रूस पर चड़ौणु खुणि ऊंका हाथों मा सौंप दिनी।

मत्ती 10:17

अर लोगु से चौकस रा, किलैकि उ तुमतै न्याय खुणि पंचैत का हवाला कैरी द्‍याला, अर अपणा प्रार्थना भवनों मा तुम पर कोड़ा मरवाला।

लूका 12:11

अर जब वु लोग तुमतै प्रार्थना भवनों मा, सासन करण वळो अर अधिकारीयों का पास लि जाला, त अपणा बचाव की चिन्ता नि कर्यां कि हम क्या जि बोलुला।