खास चेलों 16:13 - Garhwali

¹³ अर सब्त का दिन पर हम लोग नगर का गेट से भैर गाडा का छाला पर ग्यां। अर हमतै इन लगि कि इख प्रार्थना करण की कुई जगा ह्‍वेलि, अर उख कुछ जनानियां इकट्‍ठा होईं छै अर हम ऊंका दगड़ा मा बात-चित करण लगि ग्यां।

गढवली नयो नियम

¹³ यहूदियों को विश्राम को दिन हम नगर का द्वार का भैर गाड का छाला यु समझी के ग्यां कि इख यहूदियों कु प्रार्थना की जगह हवेलि। अर बैठी कै ऊं जननियों बट्टी जु कट्ठा हवे छा बात कन लगि गैनी।

खास चेलों 16:13 Referans Kwoze

खास चेलों 13:14

तब वु पिरगा नगर बटि निकळि के पिसिदिया मुलक का अन्ताकिया नगर मा पौंछिनी, अर सब्त का दिन पर प्रार्थना भवन मा बैठ गैनी।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

खास चेलों 21:5

अर उख सात दिन रौण का बाद हम उख बटि जाण लगि ग्यां, तब उखा सब बिस्वासी लोग, अपणी जनानियों अर बच्‍चों समेत हमतै छुड़णु कू नगर का भैर तक ऐनी, अर वे समुन्दर का छाला पर हमुन घुंडा टेकी के प्रार्थना कैरी।

खास चेलों 20:7

अर जब हम त्रोआस नगर मा छा, त हप्‍ता का पैला दिन पर इन ह्‍वे कि हम बिस्वासी लोगु का दगड़ा मा प्रभु-भोज खुणि इकट्‍ठा होयां छा। अर पौलुस लोगु तैं उपदेस देण लगि गै किलैकि दुसरा दिन वेतैं उख बटि जाण छौ, इलै अधि राति तक उ उपदेस देणु रै।

खास चेलों 18:4

अर पौलुस हरेक सब्त का दिन पर प्रार्थना भवन मा जैके यहूदियों अर यूनानी लोगु का दगड़ा मा वाद-विवाद करदु छौ, अर ऊंका मन तैं अपणी तरफा करण की कोसिस करदु छौ।

खास चेलों 17:2

अर पौलुस हमेसा की तरौं, यहूदी प्रार्थना भवन मा गै। अर तीन हप्‍तों का तीन सब्त का दिनों पर वेन पवित्रशास्‍त्र मा बटि यहूदी लोगु का बीच मा वाद-विवाद कैरी।

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

खास चेलों 13:42

अर जब पौलुस अर बरनबास वे प्रार्थना भवन बटि जाण लगि गैनी, तब लोगु न ऊं बटि बिन्ती कैरी कि दुसरा सब्त का दिन भि तुम लोग ईं बात का बारा मा हमतै बतयां।

यूहन्ना 8:2

रात खुलदि यीशु मन्दिर मा ऐ। तब सभि लोग वेका पास ऐनी अर उ बैठि के ऊंतैं उपदेस देण लगि गै।

लूका 13:10

अर यीशु सब्त का दिन पर एक प्रार्थना भवन मा उपदेस देणु छौ।

मरकुस 16:15

अर वेन ऊंकू बोलि, “तुम पूरि दुनियां मा जैके शुभ समाचार को परचार दुनियां का सब लोगु तैं सुणा।

मत्ती 13:2

अर इन ह्‍वे, कि एक बड़ी भीड़ इकट्‍ठा होण लगि गै, इलै उ नाव मा चैड़ि गै, अर भीड़ का सब लोग छाला पर छा।

खास चेलों 9:20

अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

खास चेलों 16:16

अर एक दिन इन ह्‍वे कि हम प्रार्थना करण वळी जगा कू जाणा छा, त हमतै एक गुलाम नौनि मिली जिं मा भविष्य बतौण वळी बुरी आत्मा छै। अर या नौनि लोगु को भविष्य बतै के अपणा मालिक लोगु खुणि भौत कुछ कमै देन्दी छै।