खास चेलों 15:36 - Garhwali

³⁶ अर कुछ दिनों का बाद पौलुस न बरनबास कू बोलि, “बरनबास भै, इन करद्‍यां कि जौं-जौं नगरों मा हमुन प्रभु को वचन सुणै, उख जैके बिस्वासी भै-बैंणो बटि मिलद्‍यां अर दिखद्‍यां कि ऊंका हाल समाचार कन छिन।”

गढवली नयो नियम

³⁶ कुछ बगत बाद पौलुस ल बरनबास मा बोलि कि “जूं-जूं शहरों मा हम ल प्रभु को वचन सुणै छो आवा फिर उख जै के अपड़ा विश्वासी भयों तैं दिखा की उ कन छिन।”

खास चेलों 15:36 Referans Kwoze

खास चेलों 14:6

मगर ऊंतैं ईं बात का बारा मा पता चलि गै, तब ऊ लुकाउनिया मुलक का लुस्‍त्रा अर दिरबे नगरों मा अर आस-पास का गौं मा चलि गैनी।

खास चेलों 13:4

तब बरनबास अर शाऊल पवित्र आत्मा का द्‍वारा सिलूकिया नगर कू भेजि गैनी अर इख पौंछण का बाद ऊ एक पाणि का जाज मा बैठि के साइप्रस टापू कू चलि गैनी।

खास चेलों 13:51

तब ऊं दुईया का दुईयों न अपणा खुटों पर लगि धूळ तैं झाड़ि अर इकुनियुम नगर कू चलि गैनी।

2 कुरिन्थि 11:28

अर यों सब बातों का अलावा कुछ और बात भि छिन जौं को बखान मिन नि कैरी, पर मि तुमतै बतै देन्दु कि बिस्वासी समुदाय का लोगु खुणि हरेक दिन मितैं बड़ी चिन्ता लगि रौन्दी।

रोमियों 1:11

किलैकि मितैं तुम बटि मिलण कि भौत मनसा च, ताकि तुमतै परमेस्वर की तरफा बटि कुई आसिरबाद दे सैकु, ज्यां से कि तुम और भि जादा मजबूत ह्‍वे जा।

खास चेलों 14:1

अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

2 तीमुथियुस 1:4

अर तीमुथियुस जब तू मेरा बाना रुवे छै, ऊ सब मितैं याद औन्दु। अर मेरी इच्छा होन्दी कि मि त्वे बटि मिलु, ताकि मेरी खुशी को कुई ठिकाणु नि रौ।

1 थिस्सलुनीकी 3:6

मगर तीमुथियुस अभि तुमरा इख बटि ऐ, अर वेन तुमरा बिस्वास अर प्यार का बारा मा हमतै बतै के एक अच्छी खबर सुणै। अर वेन हमतै इन भि बतै, कि तुम लोग हमतै हमेसा बड़ा प्यार से याद करद्‍यां। अर जन हम तुमतै मिलणु कू तड़पद्‍यां, तन्‍नि तुम भि हम बटि मिलणु कू तड़पद्‍यां।

खास चेलों 14:21

अर दिरबे नगर मा पौंछण का बाद पौलुस अर बरनबास न शुभ समाचार सुणै, अर भौत सा लोगु तैं बिस्वासी बणै दिनी। अर येका बाद ऊ लुस्‍त्रा, इकुनियुम अर पिसिदिया मुलकों का अन्ताकिया नगर मा वापस ऐ गैनी।

खास चेलों 7:23

अर जब मूसा चालीस साल को ह्‍वे, त वेका मन मा यू विचार ऐ कि मि अपणा इस्राएली भै-बन्दों बटि मिली के औन्दु।

मत्ती 25:43

अर जब मि तुम खुणि अणजाण छौ, त तुमुन मितैं अपणा घौर मा जगा नि दिनी। अर जब मि बिन कपड़ों को छौ, त तुमुन मितैं कपड़ा नि दिनी, अर जब मि बिमार छौ, अर जेलखाना मा छौ तब तुम मितैं मिलण कू नि अयां।’

मत्ती 25:36

अर जब मि बिन कपड़ों को छौ, त तुमुन मितैं कपड़ा दिनी, अर जब मि बिमार छौ, त तुमुन मेरी देख-रेख कैरी, अर जब मि जेलखाना मा छौ, तब तुम मितैं मिलण कू अयां।’

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

खास चेलों 13:12

अर जु कुछ भि उख ह्‍वे, वेतैं देखि के गवर्नर सिरगियुस न प्रभु यीशु पर बिस्वास कैरी, किलैकि उ प्रभु यीशु की शिक्षा तैं सुणी के हैरान ह्‍वे गै छौ।