खास चेलों 15:3 - Garhwali

³ तब समुदाय का कुछ लोग ऊंतैं छुड़णु खुणि कुछ दूर तक गैनी। अर यू लोग फीनीके अर सामरिया मुलकों बटि ह्‍वेके गैनी, अर उखा बिस्वासी भै-बैंणो तैं ऊं लोगु का बारा मा बतै जु यहूदी जाति का नि छा कि ऊंन प्रभु यीशु तैं कनकै अपणा जीवन मा स्वीकार कैरी, अर ईं बात का बाना सब लोग खुश ह्‍वे गैनी।

गढवली नयो नियम

³ मण्डलि का लुखुं ल ऊं तैं यात्रा कु पैसा अर खांणु दगड़ा मा दींनि। जबकि पौलुस, बरनबास अर विश्वासियों ल फीनीके प्रदेश अर सामरिया प्रान्त बट्टी हवे के यात्रा कैरी, ऊंल विश्वासियों तैं बतै कि कन कै हैंका जगह का अन्यजाति ल सुसमाचार सूंणि के मसीह पर विश्वासी कैरी अर यां बट्टी सभि विश्वासी भयों तैं भौत आनन्दित कैरी।

खास चेलों 15:3 Referans Kwoze

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

खास चेलों 21:5

अर उख सात दिन रौण का बाद हम उख बटि जाण लगि ग्यां, तब उखा सब बिस्वासी लोग, अपणी जनानियों अर बच्‍चों समेत हमतै छुड़णु कू नगर का भैर तक ऐनी, अर वे समुन्दर का छाला पर हमुन घुंडा टेकी के प्रार्थना कैरी।

तीतुस 3:13

अर अपुल्‍लोस भै अर वकील जेनास तैं तुरन्त भेजण को इंतजाम कैर, अर जु कुछ भि ऊंका सफर खुणि जरुरी च वामा कैं भि बात की कमी नि हो।

1 कुरिन्थि 16:11

इलै कुई भि मनखि वेको तिरिस्कार नि कैरो। अर तुम वेकी यात्रा मा वेकी पूरि मदद कर्यां, ताकि उ ठिक ढंगल मेरा पास पौंछी सैको, किलैकि मि वेको इंतजार कनु छौं, कि उ दुसरा बिस्वासी भैयों का दगड़ा मेरा पास ऐ जौ।

1 कुरिन्थि 16:6

अर कुछ दिनों तक तुमरा ही पास रौ, अर क्या पता मि ह्‍यूँद का पूरा मैना उखि काटु। अर वेका बाद जख मि जौलु तब तुम चा त मेरा यात्रा खुणि मेरी मदद कैरी सकद्‍यां।

रोमियों 15:24

अभि मि स्पेन देस जाण की योजना बणौणु छौं, अर जब मि इन करलु त वे बगत पर मि तुमरा पास रोम मा रुकी जौलु। अर कुछ बगत तक तुमरि संगत मा रै के बड़ु आनन्द मणौलु। अर वेका बाद तुम मेरा अगनै का सफर खुणि मेरी मदद भि कैरी सकद्‍यां।

खास चेलों 15:12

अर फिर सभा का सब लोग चुपचाप ह्‍वेके बरनबास अर पौलुस की गवै तैं सुनण लगि गैनी, कि परमेस्वर न कनकै दुसरि जाति का लोगु का बीच मा ऊंका द्‍वारा बड़ा-बड़ा काम अर चमत्कार करिनी।

2 कुरिन्थि 1:16

अर मिन इन योजना बणईं छै कि मकिदुनिया मुलक जान्द दौं मि तुमरा पास से ह्‍वेके जौं। अर उख बटि यहूदिया मुलक कू जाण दौं भि मि तुमरा पास ह्‍वेके जौं, अर जब मि यहूदिया मुलक कू जाणु रौलु त तुम लोग मेरी मदद कर्यां, मगर मेरी या योजना सफल नि ह्‍वे सैकी।

खास चेलों 28:15

अर जब रोम नगर का बिस्वासी भै-बैंणो तैं हमरा औण का बारा मा पता चलि, त ऊ हमतै मिलणु खुणि अप्पियुस का बजार तक, इख तक कि कुछ लोग तीन धर्मशाळाओं नौ का नगर तक ऐनी। अर यों लोगु तैं देखि के पौलुस भै की हिम्मत बढी, अर वेन परमेस्वर को धन्यवाद दिनी।

खास चेलों 13:52

मगर बिस्वासी लोग पवित्र आत्मा मा भरपूर होण रैनी, अर भौत आनन्द मनौणा रैनी।

खास चेलों 13:48

अर या बात सुणी के दुसरि जाति का लोग भौत खुश ह्‍वे गैनी, अर प्रभु का वचन की बडै करण लगि गैनी। अर ऊं मदि जथगा लोगु तैं सदनि का जीवन जीणु खुणि चुणै गै छौ, ऊं सभ्यों न प्रभु यीशु पर बिस्वास कैरी।

खास चेलों 8:14

अर जु खास चेला यरूशलेम नगर मा रौणा छा, जब ऊंतैं ईं बात का बारा मा पता चलि कि सामरिया मुलक का लोगु न भि परमेस्वर का वचन तैं स्वीकार कैरियाली, तब ऊंन पतरस अर यूहन्‍ना तैं ऊंका पास भेजि।

लूका 15:32

पर चल, अब हमतै आनन्द अर खुशी मनौण चयेणी, किलैकि तेरु भुला जु मोरि गै छौ पर अब उ ज्यून्दु ह्‍वे गै, जु हरचि गै छौ अब उ वापिस मिली गै।’”

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

खास चेलों 15:1

अर फिर यहूदिया मुलक बटि कुछ लोग अन्ताकिया नगर मा ऐनी, अर बिस्वासी भै-बैंणो तैं सिखौण लगि गैनी अर ऊंन बोलि, “सुणा, अगर तुम परमेस्वर का सेवक मूसा का दियां नियम-कानूनों का मुताबिक अगर खतना का रिवाज तैं पूरु नि करवैल्या, त तुम लोगु तैं बचयै नि जाण।”

खास चेलों 15:4

अर जब ऊ यरूशलेम नगर मा पौंछिनी, त बिस्वासी समुदाय का लोगु न, यीशु का खास चेलों न अर अध्यक्षों न ऊंको स्वागत कैरी। तब पौलुस अर बरनबास न यों लोगु तैं बतै, कि परमेस्वर न ऊंका द्‍वारा लोगु का बीच मा कथगा बड़ा-बड़ा काम करिनी।

खास चेलों 15:22

अर बिस्वासी समुदाय का सब लोगु तैं, खास चेलों अर अध्यक्ष लोगु तैं याकूब की बुलिं बात अच्छी लगिनी। तब ऊं लोगु न इन फैसला कैरी कि हम मा बटि कुछ लोगु तैं चुणी के पौलुस अर बरनबास का दगड़ा मा अन्ताकिया नगर कू भेजि जौ। तब ऊंन यहूदा तैं जैकू बरसब्बा भि बुल्दिन अर सीलास तैं चुणी, अर यू लोग बिस्वासी भै-बैंणो का मुखिया छा।

खास चेलों 15:32

यहूदा अर सीलास खुद भि परमेस्वर का रैबर्या छा, इलै ऊंन भौत सरी बातों का द्‍वारा बिस्वासी भै-बैंणो की हिम्मत बढै, अर बिस्वास मा ऊंतैं और भि जादा मजबूत कैरी।

खास चेलों 17:15

अर कुछ लोग पौलुस का दगड़ा मा एथेन्स नगर तक वेतैं पौंछाणु खुणि गैनी। तब पौलुस न ऊंमा सीलास अर तीमुथियुस खुणि इन रैबार दिनी, कि ऊंकू बुलयां की जथगा जल्दी ह्‍वे सैको मेरा पास ऐ जयां।