खास चेलों 14:5 - Garhwali

⁵ अर एक दिन इन ह्‍वे, कि यहूदी लोग अर जु यहूदी जाति का नि छा ऊं सब लोगु न अपणा अधिकारी लोगु का दगड़ा मा मिली के पौलुस अर बरनबास को अपमान करण की, अर ऊंतैं ढुंग्योण की जाळसाजि बणै,

गढवली नयो नियम

⁵ तब अन्यजाति अर यहूदी लोग अपड़ा अधिकारियों का मदद ल प्रेरितों का दगड़ी बुरो बरतौ कैरी के अर ऊं पर ढुगलयो कने की योजना बणै।

खास चेलों 14:5 Referans Kwoze

खास चेलों 14:19

मगर कुछ यहूदी जाति का लोग अन्ताकिया अर इकुनियुम नगरों बटि ऐनी, अर ऊंन कुछ लोगु तैं अपणी तरफा कैरी दिनी। तब ऊंन पौलुस तैं जान से मरण खुणि वेतैं ढुंगे, अर वेतैं मुरयूं समझि के खिखोड़ी के लि गैनी अर नगर से भैर ढोळि दिनी।

2 तीमुथियुस 3:11

अन्ताकिया, इकुनियुम अर लुस्‍त्रा का नगरों मा जु-जु दुख मिन उठैनि, ऊंका बारा मा भि तू जणदी ही छैई। फिर भि प्रभु न मितैं यों सब मुसीबतों बटि छुड़ै।

खास चेलों 17:5

अर यू देखि के यहूदी लोग पौलुस अर सीलास तैं देखि के फूक्योंण लगि गैनी। तब ऊंन बजार बटि कुछ गुन्ड़ो तैं जमा कैरी अर ऊंकी एक भीड़ बणै, अर नगर मा घपरोळ मचौण लगि गैनी। अर वेका बाद ऊ सभ्या का सभि जबरन यासोन का घौर मा घुसी गैनी। अर पौलुस अर सीलास तैं खुज्याणा लगि गैनी, ताकि ऊ यों दुईयों तैं लोगु का बीच मा लि जै सैका।

लूका 6:28

अर जु तुमतै असगार देन्दिन तुम ऊं खुणि परमेस्वर बटि आसीस मांगा। अर जु तुमरा दगड़ा मा अच्छु बरतौ नि करदिन, ऊं खुणि प्रार्थना कैरा।

मत्ती 5:44

पर मि तुमतै बतै देन्दु, कि अपणा दुसमनों बटि भि प्यार कैरा, अर जु लोग तुमतै सतौणा छिन ऊं खुणि प्रार्थना कैरा।

खास चेलों 13:45

मगर जब यहूदी जाति का लोगु न इथगा भीड़ देखि, त ऊंतैं देखि के यू लोग जलत्यौण लगि गैनी। अर पौलुस जु की परमेस्वर की बातों तैं बतौणु छौ वेका मा खिलाप अनाप-सनाप बुलण लगि गैनी।

खास चेलों 13:50

मगर यहूदी लोग न कुछ आदर-सम्मानित भक्‍त जनानियों तैं, अर नगर का मुख्य लोगु तैं भड़कै दिनी, ताकि यू पौलुस अर बरनबास का खिलाप मा ह्‍वे जा। तब यों लोगु न ऊं पर जुलम करण शुरु कैरी दिनी, अर पौलुस अर बरनबास तैं अपणा मुलक बटि भैर निकाळि दिनी।

खास चेलों 14:2

मगर जौं यहूदी लोगु न बिस्वास नि कैरी छौ, ऊंन दुसरि जाति का लोगु तैं भड़कै, अर यों का मनों मा बिस्वासी भै-बैंणो का खिलाप मा बुरै भोरी दिनी।

खास चेलों 14:4

तब नगर का लोगु मा फूट पोड़ि गै, अर कुछ लोग प्रभु का चेलों का जनै, अर कुछ लोग यहूदी लोगु का जनै ह्‍वे गैनी।

2 कुरिन्थि 11:26

अर मिन भौत सि जगों को सफर करण का बगत अपणा जीवन मा भौत सि मुसीबतों तैं झेली। जन कि, गाड-गदन्यों तैं पार करण को बगत, डाकुओं का द्‍वारा, अर मेरा अपणा यहूदी लोगु का द्‍वारा, अर ऊं लोगु का द्‍वारा भि जु की यहूदी जाति का नि छिन। अर मितैं नगरों मा, निर्जन जगों मा, समुन्दर मा दुख-तकलीफ झिलण पोड़ीनी, इख तक ऊं लोगु का द्‍वारा भि मितैं सतयै गै, जु की झूठ्‍ठ बोलि के खुद तैं यीशु मसीह को बतौन्दिन।

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।

1 थिस्सलुनीकी 2:16

किलैकि यू लोग हमतै ऊं लोगु का बीच मा शुभ समाचार को परचार करण से रुकदिन जु यहूदी जाति का नि छिन। अर इन वु इलै करदिन, कखि ऊंतैं भि बचयै नि जौ, पर इन कैरिके विरोध करण वळा वु लोग न्याय का दिन पर अफु खुणि पाप को घौडु भोरी देन्दिन। मगर ऊं लोगु पर परमेस्वर को खतरनाक गुस्सा दण्ड रुप मा ऐ गै।