खास चेलों 14:23 - Garhwali

²³ अर ऊंन हरेक बिस्वासी समुदाय मा जैके ऊं लोगु खुणि अध्यक्ष चुणी के ठैरैनी, अर उपवास अर प्रार्थना कैरिके ऊं अध्यक्ष तैं प्रभु का हाथों मा सौंपी दिनी, जै पर ऊंन बिस्वास कैरी छौ।

गढवली नयो नियम

²³ अर ऊंल हरेक विश्वासियों की मण्डलि मा बट्टी पौलुस अर बरनबास ल पुरणा अगुवा बनांणु कु लुखुं तैं चुणै। अर उपवास का दगड़ी प्रार्थना कैरी के ऊं तैं प्रभु तैं सौंपी द्या, जै पर ऊंल विश्वास कैरी छो।

खास चेलों 14:23 Referans Kwoze

तीतुस 1:5

अर मिन तीतुस त्वेतै क्रेते नगर मा इलै छोड़ि, ताकि उख जु कुछ भि कमी छै तू वींतैं ठिक-ठाक कैर दे, अर मेरी दिईं आज्ञा का मुताबिक हरेक नगर की बिस्वासी समुदाय मा अध्यक्ष तैं चुणी के ठैरै दे।

खास चेलों 11:30

अर ऊंन ठिक इन्‍नि कैरी अर या मदद ऊंन इकट्‍ठा कैरिके बरनबास अर शाऊल का द्‍वारा बिस्वासी समुदाय का अध्यक्षों का पास भेजि।

याकूब 5:14

अर अगर तुम मदि कुई बिमार हो, त उ बिस्वासी समुदाय का अध्यक्षों तैं बुलौ। अर ऊ लोग प्रभु का नौ से वे पर तेल मळि के वे खुणि प्रार्थना कैरा।

2 तीमुथियुस 2:2

अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।

खास चेलों 20:32

अर अब मि तुमतै परमेस्वर का सुपुर्द कैरी देन्दु, अर वेकी बड़ी किरपा का वचन तैं लगातार याद करण कू बुल्दु, अर वु ही वचन तुमतै बिस्वास मा मजबूत बणै सकदु, अर जौं लोगु तैं परमेस्वर न पवित्र बणयूं च ऊं लोगु तैं यू वचन ही वारिस होण को अधिकार दे सकदु।

1 तीमुथियुस 5:22

अर कै भि मनखि पर हाथ रखी के वेतैं अध्यक्ष का पद पर रखणु कू जल्दबाजी नि कैर। अर ना ही दुसरो का पापों मा साझी हो, बल्किन मा खुद तैं पवित्र बणै के रख।

खास चेलों 20:17

तब पौलुस न मिलेतुस नगर बटि इफिसुस नगर का बिस्वासी समुदाय का अध्यक्षों खुणि रैबार भेजि, कि तुम इख ऐ जा।

3 यूहन्ना 1:1

हे मेरा प्यारा भै गयुस, मि यूहन्‍ना जु कि एक अध्यक्ष छौं, मि या चिठ्‍ठी त्वे खुणि लिखणु छौं, त्वेसे मि सच्‍चु प्यार करदु।

2 यूहन्ना 1:1

हे मेरी प्यारी बैंण, मि यूहन्‍ना जु की एक अध्यक्ष छौं, मि या चिठ्‍ठी त्वे खुणि अर तेरा बच्‍चों खुणि लिखणु छौ, तुम जु कि पिता परमेस्वर का द्‍वारा चुण्यां छा मि तुम से भौत प्यार करदु। अर केवल मि ही ना, बल्किन मा वु सब त्वेसे प्यार करदिन जु कि सच्‍चै तैं जणदिन।

1 पतरस 5:1

मि एक अध्यक्ष छौं अर जौं दुख-तकलीफो तैं यीशु मसीह न सै, ऊं सब बातों को मि भि एक गवा छौं, अर प्रभु का औण वळा वे आदर-सम्मान मा मि भि साझेदार छौं। इलै मि तुमरा बीच मा जु अध्यक्ष लोग छिन, ऊं से बिन्ती करदु कि,

1 तीमुथियुस 5:1

अर मि त्वेतै इन भि बतै देन्दु, कि कै भि दाना-स्यांणा का दगड़ा मा सख्‍तै से पेस नि ऐ, पर ऊंतैं बुबा का जन समझि के प्यार से समझौ। अर ठिक उन्‍नि ज्वानों तैं भै समझि के समझौ, अर दानी जनानियों तैं अपणी माँ का जन समझि के, अर ज्वान जनानियों तैं बैंण समझि के ऊं बटि पवित्र मन से बात किया कैर।

खास चेलों 15:6

तब खास चेला अर अध्यक्ष लोग ईं बात का बारा मा बात-चित करणु खुणि इकट्‍ठा ह्‍वेनि।

खास चेलों 15:4

अर जब ऊ यरूशलेम नगर मा पौंछिनी, त बिस्वासी समुदाय का लोगु न, यीशु का खास चेलों न अर अध्यक्षों न ऊंको स्वागत कैरी। तब पौलुस अर बरनबास न यों लोगु तैं बतै, कि परमेस्वर न ऊंका द्‍वारा लोगु का बीच मा कथगा बड़ा-बड़ा काम करिनी।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

खास चेलों 15:23

अर ऊंका हाथ ऊंन एक चिठ्‍ठी भेजि जैमा इन लिख्यूं छौ कि: सीरिया मुलक, किलिकिया मुलक, अर अन्ताकिया नगर मा रौण वळा हमरा प्यारा भै-बैंणो, तुम जु दुसरि जातियों मदि छाँ, तुम सब लोगु तैं बिस्वासी समुदाय का लोगु की तरफा बटि अर खास चेलों अर अध्यक्षों की तरफा बटि हमरु, सलाम।

खास चेलों 14:26

अर उख बटि ऊ पाणि का जाज मा बैठि के सीरिया मुलक का अन्ताकिया नगर मा ऐ गैनी। अर ये ही नगर का बिस्वासी भै-बैंणो न पौलुस अर बरनबास तैं चुणी के भेजि छौ, अर जै काम तैं वु पूरु कैरिके वापस औणा छा, वे काम खुणि ही ये नगर का लोगु न परमेस्वर की किरपा अर मदद मिलणु खुणि वेसे प्रार्थना कैरी छै।

खास चेलों 1:22

याने कि जब हमरु प्रभु यीशु हमरा दगड़ा मा छौ वे बगत बटि लेके अब तक जु लोग हमरा दगड़ा मा छिन, ऊंमा बटि एक मनखि तैं चुणै जौ। ताकि उ मनखि भि ईं बात को गवा ह्‍वे कि यीशु तैं मुरदो मा बटि ज्यून्द किये गै।”

लूका 23:46

अर यीशु न ऊँची आवाज मा बोलि, “मेरा पिता, मि अपणी आत्मा तुमरा हाथ मा सौंपणु छौं।” अर इन बोलि के यीशु न पराण छोड़ दिनी।

मरकुस 3:14

अर वेन ऊंमा बटि बारह लोगु तैं चुणी अर ऊंकू खास चेला बोलि, ताकि ऊ यीशु का दगड़ा मा रा अर वु ऊंतैं परचार करणु कू भेजूँ,

लूका 2:37

अर वा चौरासि साल की विधवा छै। अर मन्दिर मा ही रौन्दी छै, अर उपवास अर प्रार्थना कैरी-कैरिके दिन-रात परमेस्वर की सेवा मा लगि रौन्दी छै।

खास चेलों 1:24

अर लोगु न इन प्रार्थना कैरी, “हे प्रभु, तुम त सब लोगु का मन की बात तैं जणद्‍यां, इलै हमतै बता कि यों दुईयों मा बटि तुमुन कैतैं चुण्यूं च,

2 कुरिन्थि 8:19

अर इथगा ही ना, बल्किन मा समुदाय का सब लोगु न येतैं हमरा दगड़ा मा जाण खुणि ठैर्युं च। अर यू भै हमरा दगड़ा मा यरूशलेम नगर तब जालु, जब बिस्वासी भै-बैंणा दान तैं जमा कैरी द्‍याला। अर यू सब हम प्रभु तैं आदर-सम्मान देणु खुणि करणा छां, अर बिस्वासी लोगु का दगड़ा मा इन कैरिके हम ऊंकी मदद करण चाणा छां।

मत्ती 17:21

[पर खबेस तैं निकळणु खुणि प्रार्थना अर उपवास कि जरुरत होन्दी।]