खास चेलों 14:22 - Garhwali

²² अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

गढवली नयो नियम

²² अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”

खास चेलों 14:22 Referans Kwoze

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

2 तीमुथियुस 3:12

अर या बात सच्‍च च, कि जु लोग यीशु मसीह पर बिस्वास कैरिके परमेस्वर की भक्‍ति करण को जीवन जीण चनदिन, ऊं सभ्यों तैं भि सतयै जालु।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

2 तीमुथियुस 1:8

इलै तीमुथियुस एक-दुसरा तैं हमरा प्रभु यीशु का बारा मा बतौण खुणि सरम मैसूस नि कैर। अर मि प्रभु का काम का बानो जेलखाना मा छौं, इलै मि बटि मिलणु खुणि भि सरम मैसूस नि कैर, पर शुभ समाचार का परचार करणु खुणि परमेस्वर की दिईं ताकत से दुख-तकलीफ झिलणु खुणि मेरा दगड़ा मा तयार रौ।

खास चेलों 18:23

अर उ कुछ दिनों तक अन्ताकिया नगर मा ही रै, फिर उख बटि निकळि के गलाति अर फ्रूगिया मुलकों का बिस्वासी लोगु तैं ऊंका बिस्वास मा मजबूत कनु रै।

मत्ती 10:38

अर जु कुई अपणी क्रूस तैं लेके मेरा पिछनै नि चलदु उ भि मेरु चेला होण का लैख नि ह्‍वे सकदु।

दिब्य दरस 7:14

अर मिन बोलि कि, “हे मेरा प्रभु, मितैं त नि च पता पर तुमतै पता होलु।” अर वेन मिकू बोलि कि, “यू वु लोग छिन, जौन बड़ी पीड़ा सै अर वामा बटि निकळि के अयां छिन, अर ऊंन अपणा कपड़ों तैं मेम्‍ना का ल्वे मा ध्वेके के खुद तैं सफेद कर्युं च।

2 पतरस 1:11

अर इन कैरिके तुम हमरा पिता परमेस्वर अर बचौण वळा यीशु मसीह का राज्य मा जै सकिल्या जु कि सदनि को च, अर यां को तुमतै पूरु अधिकार दिये जालु।

खास चेलों 9:16

अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

1 कुरिन्थि 1:8

अर पिता परमेस्वर तुमतै आखिरी का दिन तक बिस्वास मा और भि जादा मजबूत करलु, ताकि हमरा प्रभु यीशु मसीह का दिन पर जब उ न्याय करलु, त तुम निरदोष ठैरा।

खास चेलों 15:41

अर सीरिया मुलक अर किलिकिया मुलक बटि ह्‍वेके वेन बिस्वासी समुदाय का भै-बैंणो तैं ऊंका बिस्वास मा मजबूत कैरी।

खास चेलों 15:32

यहूदा अर सीलास खुद भि परमेस्वर का रैबर्या छा, इलै ऊंन भौत सरी बातों का द्‍वारा बिस्वासी भै-बैंणो की हिम्मत बढै, अर बिस्वास मा ऊंतैं और भि जादा मजबूत कैरी।

लूका 24:26

क्या यू जरुरी नि छौ कि मसीह ये दुख तैं उठौ अर अपणा आदर-सम्मान तैं पौ?”

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।

1 थिस्सलुनीकी 3:13

अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

खास चेलों 13:43

अर जब वा सभा समाप्‍त ह्‍वे गै, त भौत सा यहूदी, अर जु लोग यहूदी रीति-रिवाज तैं मनण लगि गै छा वु लोग पौलुस अर बरनबास का पिछनै ह्‍वे गैनी। तब ऊं दुईयों न ऊं लोगु का दगड़ा मा बात-चित कैरिके समझै कि परमेस्वर की किरपा मा बणयां रा।

खास चेलों 6:7

अर इनकै परमेस्वर को वचन और भि जादा फैलदी गै, अर यरूशलेम नगर मा बिस्वासी लोगु की गिनती और भि जादा ह्‍वे गै। अर भौत सा पुरोहितों न बिस्वास कैरी अर यू भि ऊंका दगड़ा मा मिली गैनी।

मरकुस 10:30

ऊं लोगु तैं धरती पर सतयै जालु, मगर फिर भि ईं दुनियां मा ऊंतैं अपणु घौर-बार, भै-बैंणो, अर अपणा ब्वे-बबा, अपणा पुंगड़ा-पटलों बटि सौ गुणा मिललु, अर औण वळा युग मा ऊ सदनि का जीवन तैं भि पाला।

मरकुस 9:47

अर अगर जु तेरी आंख त्वेसे पाप करौणी च त तू वींतैं निकाळि दे, किलैकि त्वे खुणि यू जादा खूब च कि तू कांणु ह्‍वेके परमेस्वर का राज मा जा। अर अगर जु तू अपणा दुई आंख्यों समेत नरकलोक मा डळै जाणि छैई, त फिर त्वेतै क्या फैदा ह्‍वे।

यूहन्ना 3:5

अर यीशु न बोलि, “मि तुम से सच्‍चि बोन्‍नु छौं, कि जबरि तक कुई मनखि पाणि अर पवित्र आत्मा से जनम नि ल्यालु, तबरि तक उ परमेस्वर का राज मा दाखिल नि ह्‍वे सकदु।

मत्ती 19:24

मि तुम बटि फिर से बोन्‍नु छौं, कि एक ऊंट को स्यूण का छेद बटि निकळण सरल च, मगर सेठ मनखि को परमेस्वर का राज मा दाखिल होण बड़ु कठिन च।”

यूहन्ना 15:18

यीशु न फिर से चेलों कू बोलि, “अगर दुनियां का लोग तुम से नफरत करदिन, त तुम ईं बात तैं याद कर्यां कि ऊं लोगु न तुम से पैलि मिसे भि नफरत कैरी।

खास चेलों 11:26

अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

खास चेलों 14:20

तब बिस्वासी लोग ऐनी अर पौलुस का चौतरफि खड़ा ह्‍वे गैनी, अर पौलुस उठी अर ऊंका दगड़ा वे ही नगर मा वापिस चलि गै। अर वेका दुसरा दिन उ बरनबास भै का दगड़ा मा दिरबे नगर कू चलि गैनी।

खास चेलों 14:28

पौलुस अर बरनबास अन्ताकिया का बिस्वासी लोगु का दगड़ा मा भौत दिनों तक रैनी।

फिलिप्पी 1:29

अर यीशु मसीह की वजै से ही तुमतै इन हिम्मत मिली कि तुम ना केवल बिस्वास करण मा, बल्किन दुख झिलण का बगत मा भि अपणी हिम्मत बणै के रखी सैका।

1 पतरस 2:21

अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

1 पतरस 5:9

हे मेरा भै-बैंणो, तुम लोग बिस्वास मा मजबूत बणयां रा, अर शैतान को मुकाबला कैरा। किलैकि जन दुख-तकलीफ तुम लोग सौणा छाँ, ठिक उन्‍नि दुख-तकलीफ ईं दुनियां मा दुसरा बिस्वासी भै-बैंणा भि सौणा छिन।