खास चेलों 14:19 - Garhwali

¹⁹ मगर कुछ यहूदी जाति का लोग अन्ताकिया अर इकुनियुम नगरों बटि ऐनी, अर ऊंन कुछ लोगु तैं अपणी तरफा कैरी दिनी। तब ऊंन पौलुस तैं जान से मरण खुणि वेतैं ढुंगे, अर वेतैं मुरयूं समझि के खिखोड़ी के लि गैनी अर नगर से भैर ढोळि दिनी।

गढवली नयो नियम

¹⁹ पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

खास चेलों 14:19 Referans Kwoze

2 तीमुथियुस 3:11

अन्ताकिया, इकुनियुम अर लुस्‍त्रा का नगरों मा जु-जु दुख मिन उठैनि, ऊंका बारा मा भि तू जणदी ही छैई। फिर भि प्रभु न मितैं यों सब मुसीबतों बटि छुड़ै।

2 कुरिन्थि 11:25

अर तीन बार त मि जांठों ही जांठों पीटयों, अर एक बार मि पर ढुंग्यो किये गै। अर तीन बार इन ह्‍वे कि मि जाज मा सफर कनु छौ, त जाज अधा समुन्दर मा ही टूटी गै अर एक रात अर एक दिन मिन समुन्दर का बीचों-बीच काटी।

खास चेलों 14:5

अर एक दिन इन ह्‍वे, कि यहूदी लोग अर जु यहूदी जाति का नि छा ऊं सब लोगु न अपणा अधिकारी लोगु का दगड़ा मा मिली के पौलुस अर बरनबास को अपमान करण की, अर ऊंतैं ढुंग्योण की जाळसाजि बणै,

खास चेलों 13:45

मगर जब यहूदी जाति का लोगु न इथगा भीड़ देखि, त ऊंतैं देखि के यू लोग जलत्यौण लगि गैनी। अर पौलुस जु की परमेस्वर की बातों तैं बतौणु छौ वेका मा खिलाप अनाप-सनाप बुलण लगि गैनी।

2 कुरिन्थि 11:23

अर वु लोग बड़ु मोन करदिन कि वु यीशु मसीह की सेवा करणा छिन। पर अब मि भि एक मूरख की तरौं तुमतै चितै देन्दु, कि मि यीशु मसीह खुणि भौत मेनत कनु छौं अर कई बार जेलखाना डळै ग्यों, अर भौत बार लोगु न मितैं बुरी तरौं से मारी, इख तक की कई बार मुरण वळु भि छौ मगर बचि ग्यों। अर मेरा दगड़ा मा यू सब इलै ह्‍वे किलैकि मि यीशु मसीह को सेवक छौं।

खास चेलों 7:58

अर वेतैं ढुंग्योण खुणि ऊ लोग वेतैं नगर बटि भैर खिखोड़ी के लि गैनी। अर जथगा गवा स्तिफनुस का खिलाप मा छा ऊंन अपणा-अपणा कपड़ों तैं शाऊल नौ का एक ज्वान मनखि का समणि जमा करिनी।

1 कुरिन्थि 15:31

हे मेरा भै-बैंणो, मि कै दिन भि मोरि सकदु, मगर मि कसम खै के बुल्दु कि तुमरि खातिर मेरु मोन भौत बड़ु होन्दु, किलैकि तुम हमरा प्रभु यीशु मसीह पर बिस्वास करद्‍यां, इलै मि कसम खै के बुल्दु कि मितैं हरेक दिन मौत को सामना कन पोड़दु।

खास चेलों 17:13

और जब थिस्सलुनीकी नगर का यहूदी लोगु तैं इन पता चलि कि, पौलुस बिरीया नगर मा भि परमेस्वर का वचन को परचार कनु च, त यों यहूदी लोगु न इख ऐके दंगा मचौण, अर लोगु तैं उकसौणु शुरु कैरी दिनी।

खास चेलों 9:16

अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

खास चेलों 22:20

अर जब तुमरा गवा स्तिफनुस तैं जान से मरे जाणु छौ, त वे बगत मि भि उखि खड़ु होयुं छौ। अर ऊं लोगु का कपड़ों की देख-रेख कनु छौ, जौन वेकी हत्या कैरी, हाँ, प्रभु वामा मेरु हाथ भि छौ।’

खास चेलों 14:21

अर दिरबे नगर मा पौंछण का बाद पौलुस अर बरनबास न शुभ समाचार सुणै, अर भौत सा लोगु तैं बिस्वासी बणै दिनी। अर येका बाद ऊ लुस्‍त्रा, इकुनियुम अर पिसिदिया मुलकों का अन्ताकिया नगर मा वापस ऐ गैनी।

खास चेलों 13:14

तब वु पिरगा नगर बटि निकळि के पिसिदिया मुलक का अन्ताकिया नगर मा पौंछिनी, अर सब्त का दिन पर प्रार्थना भवन मा बैठ गैनी।

खास चेलों 14:1

अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

खास चेलों 14:2

मगर जौं यहूदी लोगु न बिस्वास नि कैरी छौ, ऊंन दुसरि जाति का लोगु तैं भड़कै, अर यों का मनों मा बिस्वासी भै-बैंणो का खिलाप मा बुरै भोरी दिनी।

खास चेलों 14:4

तब नगर का लोगु मा फूट पोड़ि गै, अर कुछ लोग प्रभु का चेलों का जनै, अर कुछ लोग यहूदी लोगु का जनै ह्‍वे गैनी।

खास चेलों 14:18

अर यू सब बुलण का बाद भि ऊंन यू काम करण ही चै, मगर पौलुस अर बरनबास न ऊं लोगु तैं बड़ी मुस्किलन रोकी, कि भीड़ का लोग ऊं खुणि बलिदान नि चड़ा।

खास चेलों 14:26

अर उख बटि ऊ पाणि का जाज मा बैठि के सीरिया मुलक का अन्ताकिया नगर मा ऐ गैनी। अर ये ही नगर का बिस्वासी भै-बैंणो न पौलुस अर बरनबास तैं चुणी के भेजि छौ, अर जै काम तैं वु पूरु कैरिके वापस औणा छा, वे काम खुणि ही ये नगर का लोगु न परमेस्वर की किरपा अर मदद मिलणु खुणि वेसे प्रार्थना कैरी छै।

खास चेलों 15:26

अर यू चुण्यां मनखि वु छिन जौन प्रभु यीशु मसीह का खातिर अपणी जान की बाजी भि लगै दिनी।

2 कुरिन्थि 11:26

अर मिन भौत सि जगों को सफर करण का बगत अपणा जीवन मा भौत सि मुसीबतों तैं झेली। जन कि, गाड-गदन्यों तैं पार करण को बगत, डाकुओं का द्‍वारा, अर मेरा अपणा यहूदी लोगु का द्‍वारा, अर ऊं लोगु का द्‍वारा भि जु की यहूदी जाति का नि छिन। अर मितैं नगरों मा, निर्जन जगों मा, समुन्दर मा दुख-तकलीफ झिलण पोड़ीनी, इख तक ऊं लोगु का द्‍वारा भि मितैं सतयै गै, जु की झूठ्‍ठ बोलि के खुद तैं यीशु मसीह को बतौन्दिन।

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।