खास चेलों 14:1 - Garhwali

¹ अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

गढवली नयो नियम

¹ इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।

खास चेलों 14:1 Referans Kwoze

खास चेलों 18:4

अर पौलुस हरेक सब्त का दिन पर प्रार्थना भवन मा जैके यहूदियों अर यूनानी लोगु का दगड़ा मा वाद-विवाद करदु छौ, अर ऊंका मन तैं अपणी तरफा करण की कोसिस करदु छौ।

खास चेलों 13:51

तब ऊं दुईया का दुईयों न अपणा खुटों पर लगि धूळ तैं झाड़ि अर इकुनियुम नगर कू चलि गैनी।

खास चेलों 13:46

तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।

खास चेलों 14:21

अर दिरबे नगर मा पौंछण का बाद पौलुस अर बरनबास न शुभ समाचार सुणै, अर भौत सा लोगु तैं बिस्वासी बणै दिनी। अर येका बाद ऊ लुस्‍त्रा, इकुनियुम अर पिसिदिया मुलकों का अन्ताकिया नगर मा वापस ऐ गैनी।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

रोमियों 10:12

अर अब से यहूदी लोगु मा अर ऊं लोगु मा कुई फर्क नि च, जु कि यहूदी जाति का नि छिन, किलैकि प्रभु यीशु मसीह सभ्यों को प्रभु च अर जथगा भि लोग वेका नौ तैं लेन्दिन, वु ऊं सब लोगु तैं आसीस देन्दु।

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

खास चेलों 19:17

अर या बात इफिसुस नगर का सब यहूदी अर यूनानी लोगु तैं पता चलि गै, अर वु लोग भौत जादा डौऽरी गैनी। अर ज्वा बात ह्‍वे छै वां की वजै से प्रभु यीशु की बडै होण लगि गै।

खास चेलों 19:8

फिर पौलुस तीन मैना तक इफिसुस नगर का प्रार्थना भवन मा जैके बिन डऽरयां प्रभु को वचन सुनौणु रै, अर परमेस्वर का राज का बारा मा ऊंतैं समझौणु रै अर ऊंका मनों तैं अपणी तरफा कनै की पूरि कोसिस कनु रै।

खास चेलों 18:8

तब प्रार्थना भवन का मुखिया क्रिस्पुस अर वेका घौर का सब लोग न प्रभु पर बिस्वास कैरी। अर कुरिन्थि नगर का भौत सा लोगु न पौलुस का द्‍वारा वचन तैं सुणी के बिस्वास कैरी, अर बपतिस्मा भि लिनी।

खास चेलों 17:12

इलै ऊं लोगु मा बटि भौत सा यहूदी लोगु न, अर खास-खास यूनानी जनानियों न, अर बैखों न भि ऊंकी बातों पर बिस्वास कैरी।

खास चेलों 17:4

तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

खास चेलों 13:43

अर जब वा सभा समाप्‍त ह्‍वे गै, त भौत सा यहूदी, अर जु लोग यहूदी रीति-रिवाज तैं मनण लगि गै छा वु लोग पौलुस अर बरनबास का पिछनै ह्‍वे गैनी। तब ऊं दुईयों न ऊं लोगु का दगड़ा मा बात-चित कैरिके समझै कि परमेस्वर की किरपा मा बणयां रा।

खास चेलों 11:21

अर प्रभु की ताकत ऊं लोगु का दगड़ा मा छै, अर भौत सा लोगु न बिस्वास कैरी अर प्रभु की तरफा ह्‍वे गैनी।

खास चेलों 9:20

अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

खास चेलों 21:28

अर चिल्‍लै के बोलि, “हे इस्राएली लोगु, ये मनखि तैं सजा देण मा हमरि मदद कैरा, किलैकि यू उई आदिम च जु हमरा लोगु का खिलाप मा, नियम-कानूनों अर हमरा मन्दिर का खिलाप मा, सब जगा का लोगु तैं शिक्षा देन्दु, इख तक की यूनानी लोगु तैं मन्दिर मा लेके येन ईं पवित्र जगा तैं भि अशुद्ध कैरियाली।”

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

खास चेलों 17:17

इलै वु प्रार्थना भवन मा यहूदी लोगु का दगड़ा, अर परमेस्वर की भक्‍ति करण वळा लोगु का दगड़ा, अर बजार मा औण-जाण वळा लोगु का दगड़ा मा, हरेक दिन वाद-विवाद करदु छौ।

खास चेलों 16:1

अर येका बाद पौलुस दिरबे अर लुस्‍त्रा का नगरों मा भि ऐ। अर उख तीमुथियुस नौ को एक बिस्वासी भै छौ, अर वु एक यहूदी बिस्वासी जनानि को नौनु छौ, पर वेकू बुबा यूनानी जाति को छौ।

खास चेलों 14:2

मगर जौं यहूदी लोगु न बिस्वास नि कैरी छौ, ऊंन दुसरि जाति का लोगु तैं भड़कै, अर यों का मनों मा बिस्वासी भै-बैंणो का खिलाप मा बुरै भोरी दिनी।

खास चेलों 13:5

अर ये टापू पर औण का बाद ऊ सलमीस नगर मा पौंछिनी, अर इख ऐके ऊंन यहूदियों का प्रार्थना भवनों मा परमेस्वर का वचन तैं सुणै। अर ऊंकी मदद करणु खुणि यूहन्‍ना जैकू मरकुस भि बुल्दिन ऊंका दगड़ा मा छौ।

यूहन्ना 12:20

अर जु लोग उख त्योवार मा भक्‍ति करणु कू यरूशलेम नगर मा अयां छा, ऊंमा बटि कुछ लोग यहूदी जाति का नि छा।

यूहन्ना 7:35

तब यहूदी आपस मा बुलण लगि गैनी कि, “यू मनखि कख जाण वळु च, कि यू हमतै नि मिललु? क्या यू ऊं यहूदी लोगु का बीच मा जालु जु तितर-बितर ह्‍वेके रौणा छिन, अर ऊंका बीच मा जैके ऊं लोगु तैं उपदेस द्‍यालु जु यहूदी जाति का नि छिन?

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

गलातियों 2:3

अर कै भि अध्यक्ष न मेरा दगड़्या मा अयां तीतुस भै का बारा मा नि पूछी, अर ना ही वेका खतना का बारा मा, कि वेन खतना का रिवाज तैं पूरु कर्युं च की ना। जब की उ त एक यूनानी जाति को मनखि छौ।

खास चेलों 19:10

अर दुई साल तक इन्‍नि चलणु रै, ताकि आसिया मुलक का लोग, यहूदी लोग, अर यूनानी जाति का लोग प्रभु का वचन तैं सुणी सैका।

मरकुस 7:26

अर वीं जनानि न वेसे बिन्ती कैरी कि, “प्रभु, मेरी नौनि मा बटि खबेस तैं निकाळि द्‍या।” अर या जनानि यहूदी जाति की नि छै, या सीरिया राज्य का सुरूफिनिकी इलाका की छै।

खास चेलों 2:47

अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

खास चेलों 14:19

मगर कुछ यहूदी जाति का लोग अन्ताकिया अर इकुनियुम नगरों बटि ऐनी, अर ऊंन कुछ लोगु तैं अपणी तरफा कैरी दिनी। तब ऊंन पौलुस तैं जान से मरण खुणि वेतैं ढुंगे, अर वेतैं मुरयूं समझि के खिखोड़ी के लि गैनी अर नगर से भैर ढोळि दिनी।

खास चेलों 16:2

अर लुस्‍त्रा अर इकुनियुम नगर का बिस्वासी भै-बैंणा तीमुथियुस की हर बात मा तारीफ करदा छा।

2 तीमुथियुस 3:11

अन्ताकिया, इकुनियुम अर लुस्‍त्रा का नगरों मा जु-जु दुख मिन उठैनि, ऊंका बारा मा भि तू जणदी ही छैई। फिर भि प्रभु न मितैं यों सब मुसीबतों बटि छुड़ै।