खास चेलों 13:43 - Garhwali

⁴³ अर जब वा सभा समाप्‍त ह्‍वे गै, त भौत सा यहूदी, अर जु लोग यहूदी रीति-रिवाज तैं मनण लगि गै छा वु लोग पौलुस अर बरनबास का पिछनै ह्‍वे गैनी। तब ऊं दुईयों न ऊं लोगु का दगड़ा मा बात-चित कैरिके समझै कि परमेस्वर की किरपा मा बणयां रा।

गढवली नयो नियम

⁴³ अर जब यहूदियों का मिलणा का भवन मा बट्टी यहूदी सभा उठि गै त यहूदियों अर यहूदी मत मा बदलियां अन्यजाति भक्तों मा बट्टी बहुत सा पौलुस अर बरनबास का पिछनै हवे गैनी; अर ऊंल पौलुस अर बरनबास बट्टी बात कैरी के समझै, कि पिता परमेश्वर की कृपा मा बणयां रा।

खास चेलों 13:43 Referans Kwoze

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

2 यूहन्ना 1:9

अर जु मनखि यीशु मसीह की शिक्षा मा बणयूं नि रौन्दु, बल्किन मा वेतैं छोड़ि के दूर चलि जान्दु, त वेका पास परमेस्वर नि च। पर जु मनखि वेकी शिक्षा मा बणयूं रौन्दु, वेका पास पिता अर पुत्र दुई छिन।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

इब्रानी 12:15

अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

कुलुसी 1:28

अर वे ही मसीह को परचार हम लोग करद्‍यां अर लोगु तैं चितै देन्द्‍यां, अर हरेक मनखि तैं अपणा पूरा ज्ञान से सिखौन्द्‍यां, ताकि हरेक मनखि तैं एकदम सिद्ध बणै के पिता परमेस्वर का समणि खड़ु कैरी सैका।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

फिलिप्पी 4:1

हे मेरा प्यारा भै-बैंणो, मेरु मन तुम लोगु से मिलण को भौत करदु, किलैकि मि तुम से भौत प्यार करदु। अर मि तुम से बिन्ती करदु कि तुम प्रभु का पिछनै इन्‍नि चलणा रा अर यां मा ही मेरी खुशी च, किलैकि तुम लोग मि खुणि एक मुकुट का रुप मा इनाम छाँ।

फिलिप्पी 3:16

इलै आज हम जख तक पौंछी ग्यां, वेका मुताबिक अगनै भि चलण रौला।

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

गलातियों 5:1

अर या आजादी हमतै यीशु मसीह का द्‍वारा मिली च ताकि हम आजादी का जीवन तैं जी सैका। इलै अपणा बिस्वास तैं मजबूत बणै के रखा, अर नियम-कानूनों का बोझ तैं फिर से अपणा कन्धों पर नि उठा।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

2 कुरिन्थि 5:11

अर हम जणदा छां कि पिता परमेस्वर पर अपणी पूरि सरदा रखण को मतलब क्या च, इलै ही हम लोगु तैं सच्‍चै का बारा मा बतौन्द्‍यां ताकि वु भि सच्‍चै तैं स्वीकार कैरी सैका। अर परमेस्वर ईं बात का बारा मा जणदु च, अर मितैं पूरि उम्मीद च कि तुम भि वांका बारा मा खूब अच्छे से जणद्‍यां।

रोमियों 11:6

अर अगर जु वेन ऊंतैं अपणी किरपा से चुणी, त यां को मतलब यू च कि वेन ऊंतैं ऊंका कामों की वजै से नि चुणी जु ऊंन करिनी। अगर कामों की वजै से होन्दु, त दान का रुप मा ज्वा किरपा पिता परमेस्वर करदु, वांको कुई मतलब नि होन्दु।

रोमियों 5:21

इलै जन पाप न मौत का द्‍वारा अपणु राज बणै के रखी, ठिक उन्‍नि पिता परमेस्वर की महान किरपा भि राज कनि च, ताकि हम वेका समणि सच्‍चा साबित ह्‍वे सैका। अर हमरा प्रभु यीशु मसीह का द्‍वारा हमतै सदनि को जीवन मिली सैको।

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

रोमियों 3:24

मगर तभि भि पिता परमेस्वर की महान किरपा न इन साबित कैरी, कि हम वेकी नजर मा धरमी छां। अर यू वेन अपणा पुत्र प्रभु यीशु मसीह का द्‍वारा कैरी, जब वेन हमतै हमरा पापों से माफी दिनी, अर वे दण्ड से छुटकारु दे जु कि हमतै मिलण वळु छौ।

खास चेलों 17:34

मगर कुछ लोगु न पौलुस की बातों पर बिस्वास कैरी, अर वेका दगड़ा मा मिली गैनी। अर जु लोग वेका दगड़ा मा ह्‍वे गै छा ऊंमा बटि अरियुप्गुस न्याय बैठक को एक सदस्य छौ जैको नौ दियुनिसियुस छौ, अर दमरिस नौ की एक जनानि, अर यों का अलावा और लोग भि छा।

खास चेलों 17:4

तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

खास चेलों 16:14

अर ऊंमा बटि लुदिया नौ की एक जनानि छै अर वा थुआतीरा नगर की छै, वा परमेस्वर की भक्‍त छै अर बैंगनि रंग का कपड़ों को व्यापार करण वळी छै। अर प्रभु न वींका मन तैं खोली दिनी, ताकि वा पौलुस की शिक्षा तैं ध्यान से सुणी सैको।

खास चेलों 14:3

तब पौलुस अर बरनबास एक लम्बा बगत तक उखि रैनी, अर प्रभु का बारा मा बड़ी हिम्मतळ परचार कना रैनी। अर प्रभु न ऊंका द्‍वारा अदभुत चिन्‍न अर चमत्कार का काम कैरिके इन साबित कैरी दिनी, कि वेकी किरपा का बारा मा जै वचन को परचार वु लोग कन छिन उ सच्‍च च।

2 पतरस 3:14

इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

1 पतरस 5:12

हे मेरा दगड़्यों, सिलवानुस एक इन भै च जैतैं मि भरोसा का लैख समझदु, वेका द्‍वारा मि या चिठ्‍ठी तुम लोगु खुणि लिखौणु छौं। अर ईं चिठ्‍ठी मा मिन कुछ शब्द ही लिखवैनी, ताकि तुमरा हौसला बढ़ो। अर मि इन गवै देन्दु, कि जु बात ईं चिठ्‍ठी मा लिखीं छिन, ऊ सब बात पिता परमेस्वर की सच्‍चि किरपा से छिन, अर तुम सब यों बातों मा मजबूत बणयां रा।

गलातियों 5:4

अर तुम मा बटि जथगा भि लोग नियम-कानूनों को पालन करण का द्‍वारा परमेस्वर की नजर मा धरमी होण की कोसिस कना छिन, अर यीशु मसीह पर बिस्वास नि करदिन त मि तुमतै बतै देन्दु कि तुम सब वेसे अर परमेस्वर की किरपा से भि दूर ह्‍वे ग्यां।

खास चेलों 28:23

तब ऊंन पौलुस का दगड़ा मा बात-चित करणु खुणि एक दिन ठैरै। अर जब उ दिन ऐ, त भौत सा लोग वे घौर मा जमा ह्‍वेनि, जै घौर मा पौलुस रुक्युं छौ। तब पौलुस ऊंतैं यीशु का बारा मा, मूसा का दियां नियम-कानूनों का बारा मा, अर रैबर्यों की किताबों बटि समझौण लगि गै, अर वेन परमेस्वर का राज का बारा मा भि अपणी गवै दे, अर यू सब बिंगौन्द-बिंगौन्द सुबेर बटि रुमुक ह्‍वे गै।

खास चेलों 17:17

इलै वु प्रार्थना भवन मा यहूदी लोगु का दगड़ा, अर परमेस्वर की भक्‍ति करण वळा लोगु का दगड़ा, अर बजार मा औण-जाण वळा लोगु का दगड़ा मा, हरेक दिन वाद-विवाद करदु छौ।

खास चेलों 13:50

मगर यहूदी लोग न कुछ आदर-सम्मानित भक्‍त जनानियों तैं, अर नगर का मुख्य लोगु तैं भड़कै दिनी, ताकि यू पौलुस अर बरनबास का खिलाप मा ह्‍वे जा। तब यों लोगु न ऊं पर जुलम करण शुरु कैरी दिनी, अर पौलुस अर बरनबास तैं अपणा मुलक बटि भैर निकाळि दिनी।

खास चेलों 6:5

अर या बात बिस्वासी समुदाय का सब लोगु तैं ठिक लगि, अर ऊंन स्तिफनुस तैं चुणी, अर यू अच्छु बिस्वासी अर पवित्र आत्मा से भरपूर छौ। अर येका दगड़ा-दगड़ि ऊंन फिलिप्पुस, प्रुखुरुस, अर नीकनोर अर तीमोन तैं, अर परमिनास, अर अन्ताकिया नगर का नीकुलाउस तैं चुणी जु कि यहूदी बणि गै छौ।

खास चेलों 2:10

अर कुछ लोग त फ्रूगिया अर पंफूलिया मुलक का छिन, अर कुछ त मिस्र मुलक बटि अयां। अर कुरेने नगर का आस-पास का लीबिया मुलक बटि भि, इख तक कि रोम नगर बटि भि अयां मुसाफिरों तैं भि अपणी-अपणी भाषा सुन्यौणी च, अर जु लोग पैलि बटि यहूदी छिन अर वु जौन यहूदी धरम तैं स्वीकार कैरियाली हम सभ्यों तैं भि अपणी-अपणी भाषा सुन्यौणी च।

मत्ती 23:15

“हे शास्‍त्री अर फरीसी दल का लोगु, तुम पर हाय च, अर तुम बड़ा ढोंगि छाँ, किलैकि तुम एक मनखि तैं यहूदी बणौणु खुणि दिन-रात एक कैरी देन्द्‍यां। अर जब तुम वे मनखि तैं यहूदी बणै देन्द्‍यां त इन कैरिके तुम वेतैं अफ से भि जादा नरकलोक का लैख बणै देन्द्‍यां।

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

तीतुस 2:11

किलैकि सब मनखियों तैं बचौणु खुणि ही परमेस्वर की किरपा परगट किये गै।

खास चेलों 18:7

तब पौलुस प्रार्थना भवन तैं छोड़ि के परमेस्वर का भक्‍त तीतुस यूस्तुस नौ का मनखि का घौर मा गै, जु कि यहूदी जाति को नि छौ। अर येको घौर प्रार्थना भवन से चिपक्युं छौ।