खास चेलों 13:32 - Garhwali

³² “अर परमेस्वर न हमरा पितरों का दगड़ा मा जु करार कैरी छौ, वेका बारा मा हम तुमतै शुभ समाचार सुणौन्द्‍यां।

गढवली नयो नियम

³² अर हम तुम तैं वीं सौं का बारा मा जु हमारा पुरणो बट्टी पिता परमेश्वर ल कैरी छै, यु शुभ सन्देश प्रचार सुनांणा छा।

खास चेलों 13:32 Referans Kwoze

रोमियों 4:13

अर यू सब कुछ मूसा का दियां नियम-कानून का मुताबिक नि ह्‍वे, बल्किन मा पिता परमेस्वर न त वेसे भि पैलि पितर अब्राहम का दगड़ा मा करार कैरी छौं, कि उ अर वेका वंश का लोग ईं दुनियां का वारिस होला। अर यू सब त इलै नि ह्‍वे, किलैकि वेन नियम-कानूनों को पालन कैरी, बल्किन मा यू त इलै ह्‍वे किलैकि पितर अब्राहम न पिता परमेस्वर पर बिस्वास कैरी। अर पिता परमेस्वर न भि वेतैं एक धरमी मनखि का रुप मा स्वीकार कैरी।

खास चेलों 26:6

मगर आज मि पर मुकदमा चलणु च, किलैकि मि वे करार पर आस रखदु जु कि परमेस्वर न हमरा पितरों का दगड़ा मा कर्युं छौ।

रोमियों 9:4

अर या बात मि इलै बोन्‍नु छौं, किलैकि हम लोग इस्राएली छां, अर पिता परमेस्वर न हमतै अपणी औलाद होणु खुणि चुण्यूं च। अर हमरा पितरों न निर्जन जगा मा पिता परमेस्वर का बड़ा-बड़ा कामों तैं होन्द देखि। अर वेन ऊंका दगड़ा मा कई करार करिनी, अर मूसा रैबर्या का द्‍वारा हमरा पितरों तैं नियम-कानून दिनी, अर इन भि सिखै की कै तरीका से हमतै पिता परमेस्वर की भक्‍ति करण चयेणी, जु कि वेकी नजर मा सही च। अर वेन ऊंका दगड़ा मा भौत सा करार भि करिनी।

खास चेलों 13:38

“इलै, हे मेरा भै-बैंणो, हम इन परचार करद्‍यां कि, परमेस्वर का रैबर्या मूसा का दियां नियम-कानूनों का द्‍वारा तुम निरदोष नि ठैरि सकद्‍यां, मगर यीशु मसीह पर बिस्वास करण से ही तुम निरदोष ठैरि सकद्‍यां। अर जु कुई भि यीशु मसीह पर बिस्वास करदु, वे मनखि तैं हरेक पाप बटि माफी मिलदी अर ईं बात का बारा मा तुम जाणि ल्या।

रोमियों 10:15

अर जब तक पिता परमेस्वर कैतैं ऊंका पास बतौण वळु ही नि भेजलु तब तक लोग वेका बारा मा कनकै सुणी सकदिन? मगर सच्‍चै त या च कि वेन अपणा बारा मा इस्राएली लोगु तैं बतै, जन कि पवित्रशास्‍त्र मा भि लिख्यूं च कि, “कथगा धन्य छिन वु लोग, जु कि शुभ समाचार सुणौन्दिन।”

खास चेलों 5:42

अर खास चेला हरेक दिन मन्दिर अर घौर-घौर जैके लोगु तैं सिखौन्दा छा, अर ईं बात को शुभ समाचार देन्दा छा कि यीशु ही मसीह च।

खास चेलों 3:19

इलै अपणा पापों से पस्ताप कैरा, अर परमेस्वर का पास वापिस ऐ जा, ताकि तुमरा पाप पूरि तरौं से माफ ह्‍वे जा,

लूका 2:10

तब स्वर्गदूत न ऊंकू बोलि, “डौऽरा ना, किलैकि सुणा, मि तुमतै एक शुभ समाचार सुणान्दु, जु सब लोगु तैं बड़ी खुशी द्‍यालु।

लूका 1:19

तब स्वर्गदूत न वेतैं जबाब देई कि, “मि जिब्राईल छौं, अर मि परमेस्वर का समणि खड़ु रौन्दु, अर मितैं त्वे बटि बात करणु कू अर त्वेतै यू शुभ समाचार सुनाणु कू भेज्यूं च।

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

खास चेलों 13:23

अर जु करार परमेस्वर न कैरी छौ वेन वेतैं पूरु करणु खुणि राजा दाऊद का वश मा बटि इस्राएली लोगु खुणि छुटकारा देण वळा यीशु तैं भेजि।

खास चेलों 14:15

अरे भैयों, रुका-रुका, तुम यू क्या कना छाँ? हम भि त तुमरि तरौं मनखि छां। अर तुमतै यू शुभ समाचार सुनौणा छां ताकि तुम यों सब बेकार की चीजों से दूर रै सैका, अर ज्यून्दा परमेस्वर की तरफा ह्‍वे जा, जैन यू आसमान या धरती अर समुन्दर अर जु कुछ भि यों मा च उ सब कुछ बणै।

रोमियों 1:2

अर ये शुभ समाचार को करार परमेस्वर न पैलि बटि अपणा रैबर्यों का द्‍वारा पवित्रशास्‍त्र मा लिखीं बातों मा करवै छौ।