खास चेलों 12:8 - Garhwali

⁸ अर वेन वेकू इन भि बोलि, “सुण, अपणी कमर बान्ध अर अपणा जुता पैर।” अर पतरस न उन्‍नि कैरी, फिर स्वर्गदूत न वेकू इन भि बोलि, “अपणा कपड़ा पैरि के मेरा पिछनै अऽ।”

गढवली नयो नियम

⁸ अर स्वर्गदूत ल पतरस बट्टी बोलि, “अपड़ो कमर बाँध के जुत्ता पैरी।” अर वेल उन ही कैरी, फिर स्वर्गदूत ल वे बट्टी बोलि, “अपड़ो कुर्ता पैरी के मेरा पिछनै हो ले।”

खास चेलों 12:8 Referans Kwoze

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

लूका 12:37

अर धन्य छिन ऊ नौकर जौं तैं ऊंको मालिक औन्द का बगत बिज्युं देखो, अर मि तुम बटि सच्‍च बोन्‍नु छौं, कि मालिक अपणी कमर कसी के ऊंकी सेवा करलु अर खाणुक खाणु कू बैठालु, अर ऊं खुणि खाणुक परोसलु।

खास चेलों 12:7

तबरि वीं कुठड़ी मा एक स्वर्गदूत उख खड़ु ह्‍वे, अर एक बड़ु उज्याळु चमकी। अर ये स्वर्गदूत न पतरस पर हाथ लगै के वेतैं निन्द बटि बिंजाळी। तब स्वर्गदूत न वेकू बोलि, “पतरस उठ, चल जल्दी कैर।” अर संगुळा वेका हाथों बटि अफि खुलि के भ्वीं पोड़ि गैनी।

खास चेलों 12:9

अर पतरस वेका पिछनै-पिछनै जेलखाना बटि भैर ऐ गै, मगर वेतैं इन पता नि चलि कि वेका दगड़ा जु कुछ भि स्वर्गदूत का द्‍वारा किये जाणु च वु सब कुछ सच्‍च च, बल्किन मा पतरस इन समझणु छौ कि उ अभि भि दरसन ही दिखणु च।

मरकुस 6:9

तुम जुता पैरि के जा मगर दुई कुरता नि रखा।”

खास चेलों 8:26

अर एक दिन इन ह्‍वे, कि प्रभु का एक स्वर्गदूत न फिलिप्पुस कू बोलि कि, “फिलिप्पुस चल, वु निर्जन बाटु जु दक्छिण दिसा की तरफा च अर यरूशलेम नगर बटि गाजा नगर कू जान्दु तू उख जा।”

खास चेलों 27:23

किलैकि जै परमेस्वर पर मि बिस्वास रखदु अर जैकी सेवा करदु, वे ही परमेस्वर को स्वर्गदूत राति मेरा पास ऐके खड़ु ह्‍वे। अर वेन बोलि कि,