खास चेलों 12:19 - Garhwali

¹⁹ अर राजा हेरोदेस अग्रिप्पा न अपणा सिपयों का द्‍वारा वेकी खोज करवै, पर पतरस को कुछ भि अता-पता नि चलि, तब हेरोदेस न ऊं पैरादारों की पूछताछ कैरिके ऊंतैं मरवौण को हुकम दिनी। अर कुछ बगत का बाद हेरोदेस यहूदिया मुलक बटि निकळि के कैसरिया नगर मा रौण लगि गै।

गढवली नयो नियम

¹⁹ तब हेरोदेस राजा ल पतरस तैं खुजांणु को आज्ञा दींनि अर वे तैं सभि जगह जांच कैरी पर नि पै। त वेल पैरादारों बट्टी सवाल जवाब कैरी अर जब उ वेको जवाब नि दे सकिनि तब वेल आज्ञा द्ये कि पैरादारों मरै जौनु; अर उ यहूदिया प्रान्त छोड़ी के कुछ बगत कैसरिया शहर मा बितै।

खास चेलों 12:19 Referans Kwoze

खास चेलों 16:27

जेलर उठी, अर जेलखाना का द्‍वार खुला देखि के वेन इन समझि की कैदी भागी गैनी। इलै वेन तलवार निकाळि अर अपणी जान लेण वळु ही छौ,

खास चेलों 21:8

अर दुसरा दिन हम उख बटि कैसरिया नगर मा पौंछयां अर उख हम शुभ समाचार को परचार करण वळा फिलिप्पुस भै बटि मिल्यां, अर वेका घौर मा रयां, अर यू खास चेला लोगु की मदद करण खुणि चुण्यां सात बिस्वासी लोगु मा बटि एक छौ।

खास चेलों 12:6

अर जब राजा हेरोदेस अग्रिप्पा पतरस तैं आम लोगु का समणि लाण वळु छौ वीं ही रात पतरस दुई सिपै का बीच मा सिणु छौ अर वेतैं दुई संगुळोन बन्धयूं छौ। अर पैरेदार जेलखाना का द्‍वार पर पैरा दिणा छा।

खास चेलों 12:4

अर राजा हेरोदेस अग्रिप्पा न पतरस तैं पकड़वै के जेलखाना मा बन्द करवै दिनी। अर वेकी निगराणी करणु खुणि सोला पैरादारों तैं ठैरै, जु कि चार दलो मा बंटयां छा। अर वेकी इन इच्छा छै कि उ पतरस तैं त्योवार का दिनों का बाद लोगु का समणि पेस कैरो, इलै वेन पतरस तैं जेलखाना मा ही बन्द रखी।

खास चेलों 8:40

मगर फिलिप्पुस न अफ तैं अशदोद नगर मा देखि। तब उ कैसरिया नगर कू जाण लगि गै, अर कैसरिया नगर मा पौंछण से पैलि वेन बाटा मा औण वळा सब नगरों मा शुभ समाचार सुणै।

मत्ती 2:13

अर जब जोतिस लोग उख बटि चलि गैनी, त प्रभु को एक दूत यूसुफ तैं सुपन्या मा दिखै अर वेन वेकू बोलि, “यूसुफ उठ, बच्‍चा अर वेकी माँ तैं लेके मिस्र देस कू चलि जा। अर जबरि तक मि त्वेकू नि बोललु तबरि तक उखि रै, किलैकि हेरोदेस ये बच्‍चा तैं खुजवौणु च, ताकि उ येतैं मरवै द्‍यो।”

खास चेलों 27:42

तब सिपयों न कैदियों तैं मरणे मनसा कैरी, ताकि कुई भि तैरी के भागी नि सैको।

खास चेलों 25:13

अर कुछ दिनों का बाद, राजा अग्रिप्पा अर वेकी भूली बिरनीके कैसरिया नगर मा गवर्नर फेस्तुस को स्वागत करणु कू ऐनी।

मत्ती 2:16

अर जब राजा हेरोदेस तैं इन पता चलि कि जोतिसों न मितैं धोखा दियाली, त उ खौं को बाग बणि गै। अर जै बगत का बारा मा जोतिसों न बोलि छौ, वेका मुताबिक वेन पता करवै के अपणा सिपयों तैं बैतलहम गौं मा अर आस-पास का ग्‍वोंऽ मा भेजि। अर आज्ञा देई कि दुई साल का या वेसे कम साल का जथगा भि नौना छिन ऊं सभ्यों तैं मारी द्‍या।

मत्ती 2:1

यहूदिया मुलक को राजा हेरोदेस अन्तिपास छौ। अर ऊं दिनों मा ही यीशु को जनम यहूदिया मुलक का बैतलहम गौं मा ह्‍वे, तब पूरब दिसा का देसों बटि कुछ जोतिस यरूशलेम नगर मा ऐनी।

खास चेलों 12:18

अर जब सुबेर ह्‍वे त सिपयों मा खळबळी मची गै कि आखिर मा पतरस कख गै होलु?