खास चेलों 11:14 - Garhwali

¹⁴ अर वु ऐके तुम लोगु तैं वचन सुणालु, अर वे वचन तैं सुणी के त्वेतै अर तेरा घौर का लोगु तैं बचयै जालु।’

गढवली नयो नियम

¹⁴ उ त्वे तैं इन बात बतालो, जै बट्टी पिता परमेश्वर त्वे तैं अर तेरु पूरा परिवार तैं बचालो’

खास चेलों 11:14 Referans Kwoze

खास चेलों 16:15

अर जब वींन अपणा घौर का सब लोगु समेत बपतिस्मा ले दिनी, त वींन हम से बिन्ती कैरी कि, “अगर तुम सच्‍चि मा मितैं प्रभु पर बिस्वास रखण वळी समझद्‍यां त आज मेरा घौर मा चलि के बासा रा।” अर वींन अपणा घौर औणु खुणि हमतै मणै दिनी।

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 10:6

अर वु चमड़ा का काम करण वळा शमौन का इख मैमान बणि के रुक्युं च, अर वेको घौर समुन्दर का छाला पर च।”

खास चेलों 10:2

अर यू परमेस्वर को भक्‍त छौ, अर यू अर येका घौर का सब लोग परमेस्वर पर अपणी पूरि सरदा रखदा छा। अर यू गरीब लोगु तैं भौत दान-दकछिणा देन्दु छौ, अर जादातर परमेस्वर बटि प्रार्थना कनु रौन्दु छौ।

खास चेलों 2:39

किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

यूहन्ना 12:50

अर मि जणदु छौं, कि वेकी आज्ञा सभ्यों तैं सदनि का जीवन की तरफा लेके जान्दी। इलै जु कुछ भि मि बोन्‍नु छौं, जन मेरा पिता न मितैं सिखै, उन्‍नि मि बोन्‍नु छौं।”

यूहन्ना 6:63

अर जीवन देण वळु त परमेस्वर को आत्मा च, पर सरील बटि कुई फैदा नि होन्दु। अर जु बात मिन तुम मा बुलिनी, वु सब परमेस्वर की आत्मा बटि अईं छिन, अर जीवन देण वळी भि छिन।

यूहन्ना 4:53

तब नौना का बुबा तैं या बात याद ऐ गै, कि यू उई बगत छौ, जब यीशु न वेकू बोलि छौ, “तेरु नौनु ज्यून्दु च।” फिर वेन अर वेका घौर का सब लोगु न यीशु पर बिस्वास कैरी।

लूका 19:10

किलैकि मनखि को पुत्र हरच्यां लोगु तैं खुजै के बचौणु खुणि ही अयूं च।”

मरकुस 16:16

अर जु मनखि बिस्वास करलु, अर बपतिस्मा ल्यालु, वेतैं ही बचयै जालु, पर जु मनखि बिस्वास नि करलु, वु दोषी ठैरैये जालु।

1 कुरिन्थि 1:16

हाँ, मिन स्तिफनास का घौर का लोगु तैं भि बपतिस्मा दिनी, अर अगर जु मिन यों का अलावा कै दुसरा तैं भि बपतिस्मा दिनी, त उ मितैं याद नि च।

खास चेलों 18:8

तब प्रार्थना भवन का मुखिया क्रिस्पुस अर वेका घौर का सब लोग न प्रभु पर बिस्वास कैरी। अर कुरिन्थि नगर का भौत सा लोगु न पौलुस का द्‍वारा वचन तैं सुणी के बिस्वास कैरी, अर बपतिस्मा भि लिनी।

खास चेलों 10:43

अर परमेस्वर का सब रैबर्या वेकी गवै देन्दिन, कि जु कुई वे पर बिस्वास करदु ऊंका पाप वेका नौ का द्‍वारा माफ किये जाला।”

यूहन्ना 6:68

फिर शमौन पतरस न वेतैं जबाब देई, “हे प्रभु, हमुन कै मा जाण? किलैकि सदनि को जीवन देण वळी बात त तुम मा ही छिन।

खास चेलों 11:13

अर उख कुरनेलियुस भै न हमतै बतै कि मिन एक स्वर्गदूत तैं अपणा घौर मा खड़ु होयुं देखि अर वे स्वर्गदूत न वेकू बोलि कि, ‘अपणा कुछ लोगु तैं याफा नगर मा भेज अर उख बटि शमौन जैकू पतरस भि बुले जान्दु वेतैं इख बुलवौ।