खास चेलों 10:45 - Garhwali

⁴⁵ अर खतना कियां बिस्वासी लोग जु कि पतरस का दगड़ा मा अयां छा ऊंन देखि, कि जु लोग यहूदी जाति का नि छिन ऊंतैं भि पवित्र आत्मा को दान दिल खोली के दिये गै। अर यू देखि के वु लोग हकदक ह्‍वे गैनी।

गढवली नयो नियम

⁴⁵ जु यहूदी विश्वासी जूंको खतना हुयुं छो पतरस का दगड़ी अयुं छा, व सभि यु देखि के दंग होला कि पवित्र आत्मा को भांडो अन्यजातियों तैं भि मिली।

खास चेलों 10:45 Referans Kwoze

खास चेलों 10:23

तब पतरस न ऊंतैं भितर बुलै, अर ऊंकी खातिरदारि कैरी। अर दुसरा दिन पतरस तयार ह्‍वे अर ऊंका दगड़ा मा चलि गै, अर याफा नगर का कुछ बिस्वासी भै भि वेका दगड़ा गैनी।

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

इफिसुस 2:11

इलै हे मेरा भै-बैंणो, ईं बात तैं हमेसा याद रखा कि तुम लोग जनम से यहूदी जाति का नि छा। अर जौं यहूदी लोगु न खतना का रिवाज तैं अपणा सरील मा मनखियों का द्‍वारा पूरु करै, उई यहूदी लोग तुम खुणि बुल्दिन कि, “अरे यू त वु लोग छिन जौं को खतना नि च होयुं।”

गलातियों 2:15

“अर हम दुईया का दुई जनमजात यहूदी छां, अर एक बगत इन छौ जब हम ऊं लोगु तैं पापि मणदा छा, जु कि यहूदी जाति का नि छिन।

खास चेलों 2:33

अर इन कैरिके यीशु न पिता परमेस्वर की दैंणी तरफा सबसे ऊँचो पद पै, अर पिता का कियां करार का मुताबिक पिता बटि पवित्र आत्मा तैं पैके वे करार तैं पूरु कैरी। अर आज वे ही करार का मुताबिक पवित्र आत्मा तैं वेन हम पर भि भरपूरी से दियाली। अर जु कुछ भि तुम दिखणा अर सुनणा छाँ, यू सब कुछ पवित्र आत्मा को काम च।

खास चेलों 11:3

अर ऊंन वेकू बोलि कि, “तू इन्द्रया लोगु का घौर मा गै, जौन अपणा सरील मा खतना का रिवाज तैं पूरु नि कर्युं छौ अर तिन ऊंका दगड़ा मा खाणु भि खै।”

खास चेलों 11:2

अर जब पतरस यरूशलेम नगर मा ऐ, तब खतना कियां बिस्वासी लोग वेका दगड़ा मा वाद-विवाद करण लगि गैनी।

रोमियों 5:5

अर जब हम वे पर अपणी आस बणै के रखद्‍यां, तब हमतै कुई सरम नि औन्दी, किलैकि पिता परमेस्वर न अपणी पवित्र आत्मा का द्‍वारा अपणु प्यार हमरा मनों मा भरपूरी से दियाली।