खास चेलों 10:33 - Garhwali

³³ इलै मिन तुमतै बुलाणु खुणि अपणा लोगु तैं तुरन्त भेजि, अर या बात अच्छी च कि तुम इख ऐ भि ग्यां। अब जु कुछ भि वचन परमेस्वर न तुमतै दिईं, वु सब कुछ सुनणु खुणि ही हम इख इकट्‍ठा होयां छां, अर परमेस्वर भि हमरा बीच मा च।”

गढवली नयो नियम

³³ “तब मिल त्वे तैं इख बुलै अर अपड़ा इख ऐ के बड़ी कृपा कैरी; अब हम सभि इख पिता परमेश्वर का संमणी छा कि जु बात वेल तुम तैं बतै, हम सभि भि वेका बारा मा जांण सका।”

खास चेलों 10:33 Referans Kwoze

याकूब 1:19

हे मेरा प्यारा भै-बैंणो, तुम ईं बात तैं समझि ल्या, कि हरेक मनखि बात सुनणु कू तयार रौ, अर सोची समझि के बुलण वळु अर गुस्सा करण मा कम हो।

गलातियों 4:14

अर मेरी ईं बिमारि का बाना तुम लोगु तैं दिक्‍कत झिलण पोड़ि, मगर फिर भि तुम लोगु न मि बटि नफरत नि कैरी अर ना ही मेरु तिरिस्कार कैरी, मगर तुमुन मितैं परमेस्वर का एक दूत का जन या इन बोलि सकद्‍यां कि यीशु मसीह का जन स्वीकार कैरी।

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

खास चेलों 28:28

“इलै तुम भि जाणि जा कि परमेस्वर को बचौण वळु वचन अब ऊं लोगु का पास भि भेजि गै, जु कि यहूदी जाति का नि छिन अर वु लोग वेका बारा मा सुणला।” [

मरकुस 10:15

अर मि तुम बटि सच्‍चि बोन्‍नु छौं, कि परमेस्वर का राज मा वे ही मनखि न जै सकण, जु परमेस्वर का राज तैं एक छुटा बच्‍चा की तरौं स्वीकार करलु।”

मत्ती 18:4

अर जु कुई अफ तैं ये बच्‍चा का जन नमर सभौ को बणालु, वु परमेस्वर का राज मा सबसे खास होलु।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

मत्ती 19:30

पर भौत सा लोग जु पैलि छिन, वु आखिरी ह्‍वे जाला, अर जु आखिरी छिन वु पैलि ह्‍वे जाला।”

खास चेलों 10:32

अर अब इन कैर की कैतैं याफा नगर मा भेज अर उख बटि शमौन तैं बुलवै के लऽ जैकू पतरस भि बुले जान्दु। अर उ चमड़ा का काम करण वळा शमौन का इख मैमान का रुप मा रुक्युं च।’ अर वेको घौर समुन्दर का छाला पर च।

खास चेलों 10:34

तब पतरस न बोलि, “अब मि सच्‍चि मा जाणि ग्यों, कि परमेस्वर कै का दगड़ा मा भि भेदभाव नि करदु,