खास चेलों 1:8 - Garhwali

⁸ अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

गढवली नयो नियम

⁸ पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

खास चेलों 1:8 Referans Kwoze

मत्ती 28:19

इलै तुम जा, अर सब जाति का लोगु तैं चेला बणा, अर ऊंतैं पिता, पुत्र अर पवित्र आत्मा का नौ से बपतिस्मा द्‍या,

मरकुस 16:15

अर वेन ऊंकू बोलि, “तुम पूरि दुनियां मा जैके शुभ समाचार को परचार दुनियां का सब लोगु तैं सुणा।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

खास चेलों 5:32

अर यों बातों का गवा हम छां अर पवित्र आत्मा भि च, अर यू पवित्र आत्मा परमेस्वर न ऊंतैं दियूं च जु की वेकी आज्ञा को पालन करदिन।”

खास चेलों 4:33

अर खास चेला प्रभु यीशु का मुरदो मा बटि ज्यून्द होण की गवै का बारा मा बड़ी सामर्थळ बतौन्दा छा। अर ऊं सभ्यों पर परमेस्वर की बड़ी किरपा छै।

खास चेलों 6:8

अर स्तिफनुस पर परमेस्वर की बड़ी किरपा अर सामर्थ छै, इलै उ अदभुत काम अर चमत्कारिक चिन्‍न कैरिके दिखान्दु छौ।

रोमियों 10:18

मगर मेरु सवाल त यू च, कि क्या लोग न शुभ समाचार तैं नि सुणी? हाँ, ऊंन सुणी च, किलैकि पवित्रशास्‍त्र मा लिख्यूं च कि, “ऊंको रैबार पूरि धरती मा फैली गै, अर ऊंका द्‍वारा बुलयां वचन दुनियां मा चौतरफि फैली गैनी।”

यूहन्ना 15:27

अर तुम भि मेरी गवै दिल्या, किलैकि तुम शुरु बटि ही मेरा दगड़ा मा छाँ।”

लूका 10:19

अर सुणा, जन लोग गुरौ अर बिच्छीयों तैं खुटों तौळ पितेड़ देन्दी, ठिक उन्‍नि मि भि तुमतै दुसमन की पूरि ताकत पर अधिकार देन्दु। अर कै भि चीज से तुमतै नुकसान नि होलु।

खास चेलों 1:5

किलैकि यूहन्‍ना न त पाणिळ बपतिस्मा दिनी, मगर अब से कुछ दिनों का बाद तुम पवित्र आत्मा का द्‍वारा बपतिस्मा पैल्या।”

मत्ती 24:14

अर परमेस्वर का राज का ये शुभ समाचार को परचार पूरि दुनियां मा किये जालु, ताकि सब जातियों पर गवै हो, अर येका बाद अन्त ऐ जालु।”

खास चेलों 2:32

अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

खास चेलों 22:15

किलैकि जु तिन देखि अर सुणी च, ऊं सब बातों की गवै तू लोगु का समणि दिलै।

खास चेलों 13:31

अर भौत दिनों तक प्रभु यीशु अपणा खास चेलों तैं दिखै जु वेका दगड़ा मा गलील मुलक बटि यरूशलेम नगर मा अयां छा, अर अब यू ही वु लोग छिन जु कि और लोगु का समणि वेका गवा छिन।

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

खास चेलों 3:15

अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

खास चेलों 1:22

याने कि जब हमरु प्रभु यीशु हमरा दगड़ा मा छौ वे बगत बटि लेके अब तक जु लोग हमरा दगड़ा मा छिन, ऊंमा बटि एक मनखि तैं चुणै जौ। ताकि उ मनखि भि ईं बात को गवा ह्‍वे कि यीशु तैं मुरदो मा बटि ज्यून्द किये गै।”

खास चेलों 8:1

अर यू ज्वान शाऊल भि स्तिफनुस की हत्या मा राजी छौ। तब कुछ भक्‍त लोगु न ऐके स्तिफनुस तैं कबर मा दफनै दिनी, अर वेका बानो बड़ु मातम कैरी। अर वे दिन बटि ही यरूशलेम नगर का बिस्वासी समुदाय पर बड़ु सतौ औण लगि गै, अर खास चेलों का अलावा सब बिस्वासी लोग यहूदिया अर सामरिया का मुलक मा तितर-बितर ह्‍वे गैनी।

लूका 24:29

पर ऊंन वेतैं रोकी के बोलि कि, “रुमुक को बगत च अर रात होण वळी च, इलै तू हमरा दगड़ा मा इखि रुकी जा।” तब यीशु ऊंका दगड़ा मा रौणु कू वे गौं मा चलि गै।