खास चेलों 1:2 - Garhwali

² अर वेन अपणा चुण्यां खास चेलों तैं पवित्र आत्मा का द्‍वारा आज्ञा भि दिनी, अर येका बाद वेतैं स्वर्ग मा उठये गै।

गढवली नयो नियम

² पर यांसे पैली की यीशु स्वर्ग मा पिता परमेश्वर का द्वारा उठै जांदु वेल अपड़ा बारह प्रेरितों तैं पवित्र आत्मा का सामर्थ ल आज्ञा द्ये जौं तैं वेल चुणि छो।

खास चेलों 1:2 Referans Kwoze

खास चेलों 1:9

अर जब यीशु न या बात बोलि दिनी, त उ खास चेलों का दिखदी-दिखदी मथि स्वर्ग मा उठये गै, अर जब उ जाणु छौ, त एक बादळ न वेतैं ऊंका आंख्यों बटि लुके दिनी, वेका चेला वेतैं टक लगै के दिखणा छा। अर देखा, उबरि सफेद कपड़ा पैरयां दुई आदिम चेलों का समणि ऐके खड़ा ह्‍वेनि।

इब्रानी 9:24

इलै यीशु मसीह मनखियों का द्‍वारा बणयां मन्दिर की पवित्र जगा मा नि गै, जु कि असली चीजों को एक नमूना च, मगर उ वेका बदला स्वर्ग मा गै जख उ हमरि खातिर पिता परमेस्वर का समणि हाजिर रौन्दु।

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

यूहन्ना 20:21

अर यीशु न ऊंकू फिर से बोलि, “तुमतै शान्ति मिलु। अर जन पिता न मितैं भेजि, उन्‍नि मि भि तुमतै भेजदु छौं।”

यूहन्ना 13:18

तब यीशु न फिर से बोलि, “मि तुम सभ्यों का बारा मा नि बोन्‍नु छौं, किलैकि जौं तैं मिन चुण्यालि, ऊ कन्द्रया छिन मि जणदु छौं। फिर भि यू इलै होणु च ताकि पवित्रशास्‍त्र को वु वचन पूरु हो जु कि इन च कि, “‘जैन मेरी रुट्‍टी खै, वेन ही मि पर लथि उठे।’

यूहन्ना 13:3

अर यीशु न यू जाण्यालि छौ, कि पिता न सब कुछ मेरा हाथ मा सौंप्याली, अर मि परमेस्वर की तरफा बटि अयूं छौं, अर अब फिर से परमेस्वर का पास जाण वळु छौं।

दिब्य दरस 21:14

अर ये नगर की दिवाल बारह बुनियादो पर खड़ि छै, अर ऊं पर यीशु का बारह खास चेलों का नौ लिख्यां छा।

दिब्य दरस 3:22

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍न।”

दिब्य दरस 3:16

अब जब तुम नऽ त ठण्ड़ा छाँ अर ना गरम, तुम त गुनगुना छाँ इलै मि तुमतै अपणा गिच्‍चा बटि उगळी द्‍यूलु।

दिब्य दरस 3:13

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु।”

दिब्य दरस 2:29

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु।”

दिब्य दरस 2:11

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु वेतैं दुसरि मौत को दुख नि झिलण पोड़लु।”

दिब्य दरस 2:7

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, मि वेतैं जीवन देण वळा डाळा को फल खाणु कू द्‍यूलु, जु कि स्वर्ग मा परमेस्वर का पास च।”

दिब्य दरस 1:1

ईं किताब मा वु बात लिखी छिन जौं तैं यीशु मसीह न अपणा दिब्य दरसन का द्‍वारा मि पर परगट कैरी। अर यू सब बात वेन पिता परमेस्वर बटि पैनी, ताकि उ अपणा सेवकों पर ऊं घटनाओं का राज तैं परगट कैरो जु कि भौत जल्द पूरि होण वळी छिन। अर यों सब बातों तैं यीशु न अपणा स्वर्गदूत का द्‍वारा मि यूहन्‍ना पर परगट कैरी, मि जु कि यीशु को सेवक छौं।

2 पतरस 3:2

ताकि तुम परमेस्वर का पवित्र रैबर्यों का द्‍वारा पैलि बटि बुलयां वचन तैं याद कैरा। अर हमरा परमेस्वर अर बचौण वळा प्रभु की आज्ञाओं तैं जु कि तुमतै खास चेलों का द्‍वारा दिये गैनी, ऊं सब बातों तैं अपणा ध्यान मा रखा।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

इफिसुस 2:20

तुम लोग एक मन्दिर छाँ। अर जु लोग खास चेला अर परमेस्वर का रैबर्या छिन, वु वेकी बुनियाद छिन। अर ये मन्दिर का कुणों को ढुंगो खुद यीशु मसीह च।

गलातियों 1:1

हे मेरा भै-बैंणो, मि पौलुस अर वु सब बिस्वासी भै-बैंणा जु कि मेरा दगड़ा मा छिन, मि या चिठ्‍ठी गलाति मुलक मा रौण वळा बिस्वासी समुदाय का लोगु खुणि लिखणु छौं। मेरा दगड़्यों, मितैं नऽ त कै खास मनखि न, अर ना ही लोगु द्‍वारा खास चेला का रुप मा चुणै गै, बल्किन मा मितैं त यीशु मसीह अर पिता परमेस्वर न खास चेला का रुप मा चुणी, हाँ, वे ही पिता परमेस्वर न जैन यीशु मसीह तैं मुरदो मा बटि ज्यून्द कैरी, अर वेन ही खुद यू काम कैरी।

खास चेलों 1:13

अर जब यू लोग यरूशलेम नगर मा ऐनी, त वे घौर का मंज्यूळ मा गैनी जख यू सब रुक्यां छा। अर यों लोगु का नौ इन छिन, पतरस, यूहन्‍ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई को नौनु याकूब, शमौन जेलोतेस, अर याकूब को नौनु यहूदा।

खास चेलों 1:11

अर यों न चेलों कू बोलि, “हे गलीली लोगु, तुम किलै खड़ु ह्‍वेके आसमान जनै टक लगै के दिखणा छाँ? यू ही यीशु जु तुमरा पास बटि स्वर्ग मा उठये गै, ठिक इन्‍नि वेन औण भि च जन तुम वेतैं स्वर्ग मा जान्द दिखणा छाँ।”

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

यूहन्ना 17:13

“हे मेरा पिता, अब मि तेरा पास औणु छौं अर दुनियां मा रौन्द ही मि यों बातों तैं बोन्‍नु छौं। ताकि जन खुशी मितैं होणी च, उन्‍नि ऊंतैं भि भौत खुशी हो।

यूहन्ना 16:28

हाँ, मि पिता परमेस्वर की तरफा बटि इख अयूं छौं, अर अब ईं दुनियां तैं छोड़ि के पिता मा जाणु छौं।”

यूहन्ना 13:1

अर फसह का त्योवार से पैलि यीशु जाणि गै, कि दुनियां तैं छोड़ि के पिता का पास चलि जाणु को बगत नजदीक ऐ गै। तब वेन जु वेका दगड़ा मा रौन्दा छा, ऊंतैं जन प्यार उ पैलि करदु छौ, उन्‍नि प्यार उ आखिरी का दिन तक कनु रै।

यूहन्ना 6:70

तब यीशु न ऊंतैं जबाब देई, “क्या मिन तुम बारह तैं नि चुणी? तभि भि तुम मा बटि एक मनखि शैतान च।”

यूहन्ना 6:62

अगर जु तुम मनखि का पुत्र तैं स्वर्ग जान्द दिखल्या, जख उ पैलि छौ त फिर तुमरो क्या जि होलु?

यूहन्ना 3:34

किलैकि जैतैं परमेस्वर न भेजि, उ त केवल परमेस्वर की ही छुईं करदु। अर इन वु इलै करदु किलैकि परमेस्वर वेतैं पवित्र आत्मा भरपूरी से देन्दु।

यूहन्ना 1:16

अर वेकी भरपूर किरपा बटि हम सभ्यों तैं आसीस पर आसीस मिली।”

लूका 24:51

अर उ ऊंतैं आसीस देणु ही छौ, कि यीशु ऊं से अलग ह्‍वे गै अर स्वर्ग मा उठये गै।

लूका 9:51

अर जब उ बगत नजदीक औण लगि गै, कि यीशु स्वर्ग मा उठये जौ। तब वेन यरूशलेम नगर मा जाण को पक्‍कु विचार बणै, अर उखा कू निकळि गै।

मरकुस 6:30

अर जौं बारह खास चेलों तैं यीशु न भेजि छौ, वु वापिस ऐके यीशु का पास इकट्‍ठा ह्‍वेनि, अर जु कुछ ऊंन कैरी अर सिखै, वेका बारा मा यीशु तैं बतै।

मत्ती 12:28

पर अगर जु मि परमेस्वर की आत्मा की मददळ खबेसों तैं निकळदु, त ईं बात तैं सुणिल्या कि परमेस्वर को राज तुमरा नजदीक ऐ गै।

मत्ती 3:16

अर यीशु न बपतिस्मा ले अर जन्‍नि उ पाणि बटि भैर निकळि ठिक उन्‍नि स्वर्ग खुलि गै, अर वेन परमेस्वर का आत्मा तैं कबूतर का रुप मा उतरद देखि अर अपणा मथि औन्द देखि।

दिब्य दरस 2:17

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, वेतैं मि वु खाणुक द्‍यूलु जु कि सदनि को जीवन देन्दु, अर एक सफेद ढुंगो भि द्‍यूलु जै पर एक नयू नौ लिख्यूं होलु, अर वेका अलावा वे नौ का बारा मा कैतैं भि पता नि होलु।”

खास चेलों 1:22

याने कि जब हमरु प्रभु यीशु हमरा दगड़ा मा छौ वे बगत बटि लेके अब तक जु लोग हमरा दगड़ा मा छिन, ऊंमा बटि एक मनखि तैं चुणै जौ। ताकि उ मनखि भि ईं बात को गवा ह्‍वे कि यीशु तैं मुरदो मा बटि ज्यून्द किये गै।”