3 यूहन्ना 1:6 - Garhwali

⁶ अर जौं लोगु की भलै खुणि तिन भौत कुछ कैरी ऊं लोगु न समुदाय का समणि तेरा प्यार की गवै दिनी। अर या बात त्वे खुणि अच्छी होलि, कि जब ऊ सफर कैरा त तू ऊं लोगु तैं ठिक उन्‍नि विदा कैर जन कि परमेस्वर का सेवकों खुणि करण चयेणु।

गढवली नयो नियम

⁶ ऊंमा बट्टी कुछ लुखुं ल मण्डलि का विश्वासियों का दगड़ी तेरा प्रेम का बारा मा बतै जु तु अपड़ा विश्वासियों बट्टी करदी। अब मि त्वे कु बुल्णु छो, कि तु इन विश्वासी दगड़ियों कि मदद कैरी जु एक जगह बट्टी दुसरी जगह शुभ संदेश कु प्रचार कनु कु यात्रा करदा छिनी, किलैकि इन कन पिता परमेश्वर तैं अच्छो लगद।

3 यूहन्ना 1:6 Referans Kwoze

तीतुस 3:13

अर अपुल्‍लोस भै अर वकील जेनास तैं तुरन्त भेजण को इंतजाम कैर, अर जु कुछ भि ऊंका सफर खुणि जरुरी च वामा कैं भि बात की कमी नि हो।

खास चेलों 15:3

तब समुदाय का कुछ लोग ऊंतैं छुड़णु खुणि कुछ दूर तक गैनी। अर यू लोग फीनीके अर सामरिया मुलकों बटि ह्‍वेके गैनी, अर उखा बिस्वासी भै-बैंणो तैं ऊं लोगु का बारा मा बतै जु यहूदी जाति का नि छा कि ऊंन प्रभु यीशु तैं कनकै अपणा जीवन मा स्वीकार कैरी, अर ईं बात का बाना सब लोग खुश ह्‍वे गैनी।

1 पतरस 2:20

अर अगर जु तुम गळत काम करण की वजै से मार खन्द्‍यां अर दुख तैं चुपचाप से सौन्द्‍यां, त या मा तुमरि तारीफ कि कुई बात नि च, पर अगर जु तुम भला काम करण का बाद भि दुख सौन्द्‍यां, त ईं बात का बदला मा पिता परमेस्वर तुमतै आसीस द्‍यालु।

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

फिलिप्पी 4:14

मगर फिर भि तुम लोगु न बुरा बगत मा मेरु साथ देके अच्छु काम कैरी।

2 कुरिन्थि 1:16

अर मिन इन योजना बणईं छै कि मकिदुनिया मुलक जान्द दौं मि तुमरा पास से ह्‍वेके जौं। अर उख बटि यहूदिया मुलक कू जाण दौं भि मि तुमरा पास ह्‍वेके जौं, अर जब मि यहूदिया मुलक कू जाणु रौलु त तुम लोग मेरी मदद कर्यां, मगर मेरी या योजना सफल नि ह्‍वे सैकी।

रोमियों 15:24

अभि मि स्पेन देस जाण की योजना बणौणु छौं, अर जब मि इन करलु त वे बगत पर मि तुमरा पास रोम मा रुकी जौलु। अर कुछ बगत तक तुमरि संगत मा रै के बड़ु आनन्द मणौलु। अर वेका बाद तुम मेरा अगनै का सफर खुणि मेरी मदद भि कैरी सकद्‍यां।

खास चेलों 21:5

अर उख सात दिन रौण का बाद हम उख बटि जाण लगि ग्यां, तब उखा सब बिस्वासी लोग, अपणी जनानियों अर बच्‍चों समेत हमतै छुड़णु कू नगर का भैर तक ऐनी, अर वे समुन्दर का छाला पर हमुन घुंडा टेकी के प्रार्थना कैरी।

3 यूहन्ना 1:12

अर सब लोग दिमेत्रियुस भै की तारीफ करदिन, अर उ परमेस्वर की सच्‍चै का मुताबिक ही अपणा जीवन तैं चलौन्दु। अर मि भि ईं बात को गवा छौ अर तू जणदी छै कि मेरी गवै सच्‍चि च।

खास चेलों 15:29

बस तुम लोग इन कैरा कि, मूरत का अगनै चड़ये जाण वळी चीजों से, ल्वे खाण-पीण से, अर गौळा दबै के मुरयां जानबरों की सिकार से, अर दुसरा का दगड़ा मा गळत सम्बन्ध बणौण से, इन्दरि सब बातों से तुम दूर रा, अर जब तुम यों सब बातों से दूर रैल्या, त तुमरो भलु ही होलु। “‘अच्छा त फिर सलाम, प्रभु तुमतै आसीस द्‍यो।’”