2 तीमुथियुस 4:8 - Garhwali

⁸ अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

गढवली नयो नियम

⁸ प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

2 तीमुथियुस 4:8 Referans Kwoze

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

1 पतरस 5:4

अर जब परधान चरवाह यीशु परगट होलु, त तुमतै वु मुकुट मिललु जैकी सान कभि खतम नि होलि।

1 पतरस 1:4

ज्वा कि एक विरासत का रुप मा हम खुणि स्वर्ग मा रखी च, अर वा विरासत कभि नि मिटण वळी च, ज्वा कि सदनि तक रौण वळी अर शुद्ध च।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

1 कुरिन्थि 9:25

अर हरेक उ मनखि जु दौड़ मा सामिल होण चान्दु, पैलि उ भौत मेनत करदु अर अपणी हरेक इच्छा तैं मरदु अर यू सब कुछ त उ जीतणु खुणि करदु, ताकि उ जीत का इनाम तैं पै सैको जैन एक दिन नास ह्‍वे जाण। मगर मि तुमतै बतै देन्दु कि हम बिस्वासी लोग सब कुछ पिता परमेस्वर खुणि करद्‍यां अर हमतै इन्द्रयो इनाम मिलण जैको नास कभि नि होण।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

दिब्य दरस 1:7

देखा, यीशु बादळों का दगड़ा-दगड़ि औण वळु च, अर हरेक आंख वेतैं दिखली, अर ऊ भि वेतैं दिखला जौन वेतैं मारी छौ। अर धरती मा जथगा भि गोत्र का लोग छिन, ऊ सभ्या का सभि अपणी-अपणी छति भटकाला। हाँ, यू ही सच्‍च च। आमीन।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।

2 तीमुथियुस 2:5

अर अगर कुई कुस्ति लड़दु, त वेतैं नियमों का मुताबिक लड़ण पोड़लु, निथर वेतैं इनाम नि मिललु।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

1 कुरिन्थि 2:9

मगर जन कि पवित्रशास्‍त्र मा भि लिख्यूं च कि, “जु बात आंख्यों न नि दिखिनी अर ना ही कन्दूड़ो न सुणिनी, अर जु बात मनखियों का ख्याल मा भि नि ऐनी, ऊं सानदार बातों तैं परमेस्वर न ऊं खुणि तयार कैरिके रख्युं च, जु वेसे प्यार करदिन।”

दिब्य दरस 22:20

अर यीशु जु कि यों सब बातों की गवै देन्दु उ इन बुल्दु, “हाँ, मि जल्द औण वळु छौं।” हे मेरा प्रभु यीशु, जल्द अऽ। आमीन।

दिब्य दरस 4:10

तब ऊ चौबीस अध्यक्ष राजगद्‍दी पर बैठण वळा का समणि भ्वीं मा पोड़ि के वेकी भक्‍ति करदिन, जु कि हमेसा-हमेसा तक ज्यून्द च। अर अपणा-अपणा मुकुट तैं निकळि के वेकी राजगद्‍दी का समणि रखदिन अर इन बुल्दिन कि,

दिब्य दरस 4:4

अर वीं राजगद्‍दी का चौतरफि चौबीस राजगद्‍दीयां और भि छै। अर यों राजगद्‍दियों पर मिन चौबीस अध्यक्षों तैं बैठयूं देखि, जौं का सफेद कपड़ा पैरयां छा अर ऊंका मुण्ड़ो पर सोना का मुकुट रख्यां छा।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

2 तीमुथियुस 1:18

अर मि इन आस रखदु कि आखिरी मा होण वळा न्याय का दिन पर प्रभु उनेसिफुरुस पर दया कैरो। किलैकि तू अच्छे से जणदी छैई, कि इफिसुस नगर मा उनेसिफुरुस न कथगा अच्छी सेवा कैरी छै।

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

रोमियों 8:23

अर या धरती ही ना, बल्किन मा हम बिस्वासी लोग भि जौं तैं वेन पैलि अपणु पवित्र आत्मा दिनी, हम भि ईं धरती का जन पीड़ा अर परेसानियों मा रै के वेको इंतजार कना छां, कि परमेस्वर की औलाद होण का नाता आखिर कब उ हम पर लग्यां इळजामो अर पापों से छुटकारु द्‍यालु?

रोमियों 2:5

मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।

मत्ती 24:36

तब यीशु न ऊंकू इन भि बोलि, “वे दिन अर वे बगत का बारा मा कुई भि नि जणदु, नऽ त स्वर्गदूत अर ना ही मनखि को पुत्र, पर केवल पिता परमेस्वर ही जणदु।

मत्ती 7:22

अर न्याय का दिन पर भौत सा लोग मिकू बुलला, ‘प्रभु, हे प्रभु, हमुन त तुमरा नौ से भविष्यबाणी कैरी छै, खबेसों तैं निकाळि छौ, अर तुमरा नौ से भौत सा चमत्कार भि करिनी, त क्या प्रभु तुमुन हमतै नि पछ्याणी।’

1 थिस्सलुनीकी 5:4

मगर हे मेरा भै-बैंणो, तुम अन्धेरा मा नि छाँ इलै उ दिन अगर तुम पर चोर की तरौं अचानक से भि ऐ जालु, त तुमतै कै बात की भि हैरानी नि होलि।

2 कुरिन्थि 5:2

अर हम स्वर्ग जाण की इच्छा रखद्‍यां ताकि हमतै स्वर्ग वळु सरील मिली जौ, किलैकि ईं दुनियां का सरील मा हमतै भौत दुख-तकलीफ झिलण पोड़दिन।

लूका 10:12

पर मि तुमतै बतै देन्दु, कि न्याय का दिन ये नगर का लोगु की हालत सदोम नगर का लोगु की हालत से भि जादा खराब होलि।”

1 कुरिन्थि 3:13

अर जब प्रभु सब लोगु को न्याय करलु, त हरेक मनखि का काम परगट ह्‍वे जाला कि वेन कन काम कैरी, किलैकि जन सोने की परख आग से किये जान्दी, ठिक उन्‍नि आग सब कुछ परगट कैरी द्‍याली अर इन साबित करली कि हरेक मनखि का काम कन्द्रया छिन।

फिलिप्पी 3:11

ताकि मि भि कनि ना कनकै मुरदो मा बटि ज्यून्द होण को भागी ह्‍वे जौं।

2 थिस्सलुनीकी 2:8

अर जब पाप को पुत्र परगट होलु, त उ शैतान का द्‍वारा दिईं ताकत से आलु। अर हरेक किसम का झूठ्‍ठा चमत्कारिक चिन्‍न, अर अदभुत काम कैरिके दिखालु। अर पाप का पुत्र को विणास होण से पैलि उ यू सब कुछ करलु। मगर जब प्रभु यीशु दुबरा आलु, त अपणा औण की ताकत से वेतैं अपणी फूकळ ही नास कैरी द्‍यालु।

2 तीमुथियुस 1:10

पर जब हमरु बचौण वळु यीशु मसीह ईं दुनियां मा ऐ, तब वेन परमेस्वर की किरपा हम पर परगट कैरी अर वेन ही मौत की ताकत को नास कैरी। अर जथगा भि लोगु न वेका शुभ समाचार तैं अपणा जीवन मा स्वीकार कैरी, वेन ऊं लोगु तैं परमेस्वर का दगड़ा मा सदनि को जीवन जीण को मौका दियाली।

इब्रानी 12:11

सच्‍च त यू च कि जब परमेस्वर हमतै अनुसासन सिखौन्दु त वे बगत हमतै बिल्कुल भि खुशी नि मिलदी, बल्किन मा हमतै पीड़ा होन्दी च, मगर वेका बाद मा उ हमतै धरमी जीवन जीण खुणि अर सदनि को जीवन देण खुणि हमतै अनुसासन सिखौन्दु।