2 तीमुथियुस 3:13 - Garhwali

¹³ पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

गढवली नयो नियम

¹³ पर दुष्ट लोग अर धोखाबाज लोग और भि जादा दुष्ट काम करला, उ लुखुं तैं धोखा दयाला अर उ अफ भि दूसरों बट्टी धोखा खाला।

2 तीमुथियुस 3:13 Referans Kwoze

1 तीमुथियुस 4:1

अर पवित्र आत्मा साफ-साफ बुल्दु, कि औण वळा दिनों मा कुछ लोग बिस्वास बटि भटकी जाला, अर भरमौण वळी आत्मा का उपदेसों अर खबेसों की शिक्षा पर मन लगाला।

2 पतरस 2:20

अर या बात सच्‍च च, कि अगर ऊ लोग हमरा प्रभु अर छुटकारा देण वळा यीशु मसीह का बारा मा पूरा ज्ञान का द्‍वारा दुनियां की अशुद्ध चीजों से बचण का बाद, अगर फिर से दुनियां का कामों मा ही लगि जनदिन, त या बात साफ ह्‍वे जान्दी कि अब ऊंकी हालत पैलि से भि जादा खराब ह्‍वे जान्दी।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

2 तीमुथियुस 3:8

अर गळत शिक्षा तैं देण वळा यू लोग भि ठिक यन्‍नेस अर यम्ब्रेस का जन छिन, जौन परमेस्वर का सेवक मूसा को विरोध कैरी छौ। किलैकि गळत शिक्षा तैं देण वळा लोग भि सच्‍चै को विरोध करदिन, अर यों को दिमाग खराब ह्‍वे गै, अर इन के ऊंन अपणा बिस्वास को नास कैरियाली।

2 पतरस 3:3

अर सबसे पैलि तुमतै ईं बात का बारा मा जनण चयेणु, कि आखिरी का दिनों मा मजाक उड़ौण वळा लोग आला, अर वु अपणी बुरी इच्छाओं का मुताबिक अपणु जीवन चलला।

दिब्य दरस 13:14

अर उ धरती का लोगु तैं भरमौणु रै, किलैकि ये दैंत का पास समुन्दर वळा दैंत की तरौं चमत्कार करण को अधिकार दिये गै। अर ये दैंत न धरती का लोगु तैं समुन्दर वळा दैंत की मूरत बणौणु कू बोलि, हाँ वे ही दैंत की जैका मुण्ड़ पर तलवार से एक इन्दरि चोट लगि छै कि वेकी बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 18:23

अर ना ही त्वेमा फिर कभि द्‍यू को उज्याळु चमकळु, अर ना ही त्वेमा ब्यौला अर ब्यौलि की आवाज सुण्यालि। अर यू सब इलै होलु किलैकि तेरा दगड़ा मा व्यापार करण वळा धरती का परधान छा, अर तेरा जादु का द्‍वारा सब जाति का लोगु तैं भरमै गै छौ।

2 कुरिन्थि 6:8

अर कुछ लोग इन छिन जु कि हमतै इज्‍जत देन्दिन, मगर कुछ हम पर इळजाम लगौन्दिन। कुछ हमरि बुरै ही करदिन, मगर कुछ हम खुणि भली-भली बात बुल्दिन। अर कुछ लोग इन्द्रया भि छिन जु कि हमतै झूठ्‍ठु साबित कन चनदिन, मगर कुछ हमरि सच्‍चै तैं बतौन्दिन।