2 तीमुथियुस 2:25 - Garhwali

^25-26 अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

गढवली नयो नियम

²⁵ उ विरोधियों तैं नम्रता से समझौ, क्य पता पिता परमेश्वर ऊं तैं पश्चताप कनु को मन द्यो, कि उ भि मसीह का बारा मा सचै तैं जनण को मौका दे।

2 तीमुथियुस 2:25 Referans Kwoze

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

1 तीमुथियुस 2:4

अर परमेस्वर की इच्छा या च कि सब मनखियों तैं बचयै जौ, अर ज्वा बात सच्‍च च वेतैं ऊ ढंगल जाणि सैका।

1 पतरस 3:15

पर यीशु मसीह तैं अपणु प्रभु जाणि के दिल से वेतैं पूरु आदर-सम्मान द्‍या। अर अगर कुई मसीह पर लगईं आस का बारा मा तुम से पूछो, त वेतैं जबाब देणु खुणि हमेसा तयार रा।

1 यूहन्ना 5:16

अर अगर तुम मा बटि कुई कै भै या बैंण तैं इन पाप करद देखो, जु की वेतैं परमेस्वर बटि हमेसा खुणि दूर नि करदु, त तुमतै वे खुणि प्रार्थना करण चयेणी। अर परमेस्वर वेतैं जीवन द्‍यालु, जैन इन पाप नि कैरी जैकी वजै से उ मनखि परमेस्वर से दूर ह्‍वे जौ। मगर कुछ पाप इन्द्रया भि छिन जु कि ऊंतैं परमेस्वर बटि हमेसा खुणि दूर कैरी देन्दिन, अर इन्दरि बातों का बारा मा प्रार्थना करणु खुणि मि नि बुल्दु।

खास चेलों 8:22

इलै अपणी ईं बुरै का बाना पस्ताप कैर अर प्रभु से प्रार्थना कैर। अर क्या पता परमेस्वर तेरा ये ख्याल तैं माफ कैर द्‍यो।

2 तीमुथियुस 3:7

अर यू जनानियां सब किसमे शिक्षाओं तैं सीख जनदिन, पर सच्‍चै क्या च ईं बात तैं नि जणदिन।

मत्ती 11:29

मेरा जुवा तैं अपणा मथि ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु।

याकूब 1:17

किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

खास चेलों 5:31

अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्‍वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको।

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

यूहन्ना 5:34

पर मितैं अपणा बारा मा मनखियों की तरफा बटि गवै की कुई जरुरत नि च। फिर भि मि या बात इलै बतौणु छौं, ताकि तुमतै बचयै जौ।

मरकुस 1:15

अर वेन बोलि कि, “सुणा, बगत पूरु ह्‍वे गै अर परमेस्वर को राज नजदीक ऐ गै, इलै अपणा-अपणा पापों से पस्ताप कैरा अर ये शुभ समाचार पर बिस्वास कैरा।”

तीतुस 3:2

अर कैतैं बदनाम करण वळा नि बणा, अर लड़ै-झगड़ा करण वळा ना हो पर शान्त सभौ का हो, अर नमर बणि के सब मनखियों का दगड़ा मा रा।

1 तीमुथियुस 6:11

पर हे तीमुथियुस परमेस्वर का सेवक, तू यों सब बातों बटि अलग रौ। अर धरमी मनखि बणणे की कोसिस कैर, अर हमेसा परमेस्वर की भक्‍ति कैर अर यीशु मसीह पर बिस्वास कैर, अर सभ्यों बटि प्यार कैर। अर सबर रखण अर नमर सभौ को ह्‍वेके जीवन बितौ।

खास चेलों 5:21

अर यू सुनण का बाद वु सुबेर होन्दी मन्दिर मा जैके उपदेस देण लगि गैनी। तब महा पुरोहित अर वेका सब दगड़्या ऐनी, अर ऊंन न्याय समिति का सब लोगु तैं अर इस्राएली लोगु का सब अध्यक्षों तैं इकट्‍ठा कैरी, अर सिपयों तैं आदेस दिनी कि, “जेलखाना बटि ऊं लोगु तैं इख लेके आ।”

मत्ती 21:32

अर यू मि इलै बोन्‍नु छौं किलैकि यूहन्‍ना बपतिस्मा देण वळु यू बतौणु खुणि ऐ कि मनखि तैं कनकै धरमी जीवन जीण चयेणु, अर तुम लोगु न वेकी बातों पर बिस्वास नि कैरी, पर चुंगी लेण वळो न अर वेश्याओं का जन दुसरा पापि लोगु न वेकी बातों पर बिस्वास कैरी। अर यू दिखण का बाद भि तुम लोगु न मन से पस्ताप नि कैरी, अर ना ही वेकी बातों पर बिस्वास कैरी।”