2 तीमुथियुस 2:24 - Garhwali

²⁴ अर प्रभु का सेवक तैं झगड़ा करण वळु नि होण चयेणु, पर वेको बरतौ सभ्यों का दगड़ा मा नमर हो। अर उ परमेस्वर का वचन तैं अच्छा से सिखौण वळु, अर हरेक बात तैं सौण वळु हो।

गढवली नयो नियम

²⁴ प्रभु का सेवक तैं झगड़ा कन वलो नि हूंण चयणु च, वे तैं सभियूं का प्रति दयालु, अर पिता परमेश्वर का वचन तैं अच्छा ढंग ल सिखांण वलो हूंण चयणु च अर लुखुं दगड़ी धीरज रखण चयणु च।

2 तीमुथियुस 2:24 Referans Kwoze

तीतुस 3:2

अर कैतैं बदनाम करण वळा नि बणा, अर लड़ै-झगड़ा करण वळा ना हो पर शान्त सभौ का हो, अर नमर बणि के सब मनखियों का दगड़ा मा रा।

तीतुस 1:7

किलैकि कै भि देख-रेख करण वळा तैं परमेस्वर का कर्ता-धर्ता होण खुणि निरदोष होण चयेणु। अर उ अडियल नि हो, नऽ त गुस्सा करण वळु, अर ना दरोळया, अर ना ही झगड़ा करण वळु, अर वेतैं गळत कमै को लालच करण वळु नि होण चयेणु,

1 थिस्सलुनीकी 2:7

पर जन दूद पिलौंण वळी माँ अपणा बच्‍चों को पालन-पोसण करदी, ठिक उन्‍नि हमुन भि तुमरा बीच मा रै के बड़ा प्यार से तुमरि देखभाल कैरी।

1 तीमुथियुस 6:11

पर हे तीमुथियुस परमेस्वर का सेवक, तू यों सब बातों बटि अलग रौ। अर धरमी मनखि बणणे की कोसिस कैर, अर हमेसा परमेस्वर की भक्‍ति कैर अर यीशु मसीह पर बिस्वास कैर, अर सभ्यों बटि प्यार कैर। अर सबर रखण अर नमर सभौ को ह्‍वेके जीवन बितौ।

कुलुसी 3:13

हाँ, तुम एक-दुसरे की सै ल्या, अर अगर तुमरा मन मा कै दुसरा मनखि का खिलाप मा कुई सिकैत हो, त एक-दुसरा तैं माफ कैरा। अर जन प्रभु न तुमतै माफ कैरी, ठिक उन्‍नि तुम भि एक-दुसरा तैं माफ कैरा।

फिलिप्पी 2:14

अर जथगा भि काम तुम कना छाँ वु सब बिना सिकैत कियां, अर बिना वाद-विवाद कियां कैरा,

फिलिप्पी 2:3

अर याद रखा, कि यू सब तुम अपणा फैदा अर झूठ्‍ठी बडै खुणि नि कैरा, मगर नमर बणि के एक-दुसरा तैं अफ से जादा खूब समझा।

इफिसुस 4:2

अर सच्‍चा मन से दीन अर नमर बणा, अर सबर रखण का दगड़ा-दगड़ि प्यार से एक-दुसरे की बातों तैं सौण वळा भि बणा।

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

तीतुस 1:9

अर देख-रेख करण वळा मनखि तैं परमेस्वर का बिस्वासयोग्य वचन मा पूरि तरौं से बणयूं रौण चयेणु, जां की वेतैं शिक्षा दिईं च, ताकि उ लोगु तैं सच्‍चु उपदेस दे सैको, अर जु लोग वीं सच्‍चि शिक्षा को विरोध करण वळा छिन, ऊंतैं समझै के उ ऊंकी बोलती बन्द कैरी द्‍यो।

2 कुरिन्थि 10:1

हे मेरा दगड़्यों, मि पौलुस यीशु मसीह की तरौं दया करण वळु, अर दीन सभौ को बणि के हमेसा तुम से बिन्ती करदु, मगर तुमरा बीच मा कुछ लोग इन्द्रया छिन जु कि इन बुल्दिन कि, “अरे, जब पौलुस तुमरा बीच रौन्दु तब उ बिल्कुल सीदु-सादु बणि के रौन्दु, मगर जब उ तुम से दूर चलि जान्दु त अपणी चिठ्‍ठीयों मा इन लिखदु जन कि उ तुमतै धमकी देणु होलु।”

खास चेलों 7:26

“अर कैं हैंका दिन मूसा न देखि कि दुई इस्राएली लोग आपस मा झगड़ा कना छिन, त उ ऊंका पास गै। अर ऊं लोगु का बीच मा मेल-जोल करण की कोसिस कैरी अर बोलि, ‘तुम त भै-भै छाँ त अपणा आपस मा झगड़ा किलै कना छाँ?’

मत्ती 12:19

अर वु न त कै का दगड़ा मा झगड़ा करलु, अर वु कै खुणि भि चिल्‍लै के नि बुललु, अर ना ही वेकी आवाज सड़कों मा सुण्यालि।

याकूब 4:2

तुम कुछ पौणे की इच्छा रखद्‍यां पर उ तुमतै नि मिलदु। इलै तुम खिरस्योन्दा छाँ अर खून भि कैरी देन्दयां। तभि भि तुमतै उ नि मिलदु, इलै तुम लड़ै-झगड़ा करद्‍यां। अर उ तुमतै इलै नि मिलदु, किलैकि तुम परमेस्वर बटि नि मंगद्‍यां।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।

खास चेलों 23:9

अर उखो माहौल और भि जादा बिगड़ि गै। तब फरीसी दल का कुछ शास्‍त्री लोग उठनि, अर चिल्‍लै के बोन्‍न लगि गैनी, “हमतै ये मनखि मा कुई भि बुरै नि लगणि, अर क्या पता कै स्वर्गदूत या कै आत्मा न येका दगड़ा मा बात कैरी हो।”

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

2 कुरिन्थि 10:4

अर जन एक सिपै लड़ै करण का बगत मा हथियारों को इस्तेमाल करदु, ठिक उन्‍नि मि भि विरोध करण वळा लोगु का दगड़ा मा परमेस्वर की ताकत को इस्तेमाल करदु अर वेका वचन से ऊंका झूठ्‍ठा विचारों को नास कैरी देन्दु।

खास चेलों 15:2

तब पौलुस अर बरनबास की ऊं लोगु का दगड़ा मा ईं बात का बानो वाद-विवाद ह्‍वे, अर यू वाद-विवाद कुछ जादा ही बढी गै। तब बिस्वासी समुदाय का लोगु न ये सवाल का जबाब तैं पौण का बानो पौलुस अर बरनबास तैं अर ऊंका दगड़ा मा बिस्वासी समुदाय का कुछ और लोगु तैं यरूशलेम नगर कू भेजि, ताकि ऊ उख जैके खास चेलों अर अध्यक्षों बटि ईं बात को जबाब पै सैका।

यूहन्ना 6:52

तब ईं बात पर यहूदी आपस मा घपरोळ करण लगि गैनी कि, “यू मनखि कनकै हमतै अपणु बदन खाणु कू दे सकदु च?”

2 कुरिन्थि 6:4

मगर हम हरेक बगत इन दिखौन्द्‍यां कि हम लोग बड़ी इमानदारी से पिता परमेस्वर कि सेवा करद्‍यां, अर चै कन्दरि भि बात किलै नि ह्‍वे जौ, या दुख-तकलीफ को बगत हो या बगत बड़ु कठिन हो, या मुस्किल पर मुस्किल औणी हो, पर फिर भि सबर रखी के सेवा का काम मा लग्यां रौन्द्‍यां।