2 तीमुथियुस 2:16 - Garhwali

¹⁶ अर जु लोग परमेस्वर का वचन का खिलाप मा सिखौन्दिन, तू इन्दरि गळत शिक्षा देण वळो बटि अलग रौ। किलैकि इन्दरि बातों से लोग परमेस्वर बटि दूर ह्‍वे जनदिन।

गढवली नयो नियम

¹⁶ पर बेकार की बकवास कन से बच्युं रौ, किलैकि इन लोग और भि जादा अधर्मी हवे जाला अर पिता परमेश्वर बट्टी दूर हवे जाला।

2 तीमुथियुस 2:16 Referans Kwoze

तीतुस 3:9

मगर फालतु की बकवास, अर पितरों का वंश का बारा मा, अर नियम-कानूनों का बारा मा घपरोळ करण वळो, अर झगड़ा करण वळो से दूर रौ, किलैकि वु बेकार अर कै काम का नि छिन।

1 तीमुथियुस 6:20

तीमुथियुस, जु सच्‍चै का वचन त्वेतै दिये गैनी, वु वचन लोगु तैं सिखौणु रौ। अर जु लोग ईं सच्‍चि शिक्षा का खिलाप मा सिखौन्दिन, ऊं लोगु बटि अर ऊंकी बातों से दूर रौ। अर कुछ लोग गळती से वीं गळत शिक्षा तैं “ज्ञान” समझदिन अर वेका बारा मा सिखौन्दिन।

तीतुस 1:14

अर यहूदी लोगु की मनगणत कथा पर, अर सच्‍चै का बाटा बटि भटक्यां लोगु का आदेसों पर ध्यान नि द्‍या।

2 तीमुथियुस 2:14

हे तीमुथियुस, तू यों सब बातों तैं बिस्वासी लोगु तैं याद करै दे। अर परमेस्वर तैं गवा माणी के ऊंतैं आदेस दे, कि यू लोग पवित्रशास्‍त्र का एक-एक शब्द का बानो बहसबाजी नि कैरा। किलैकि इन कैरिके कुई फैदा नि होन्दु, पर सुनण वळो का बिस्वास मा उळझण पोड़ि जान्दी अर ऊंका बिस्वास को नास ह्‍वे जान्दु।

दिब्य दरस 13:3

अर वे दैंत का मुण्ड़ पर एक इन्दरि चोट लगि छै कि वेका बचण की उम्मीद नि छै, मगर वेको उ घौ खूब ह्‍वे गै। अर वेका खूब होण की वजै से पूरि धरती का लोग बड़ु ताजुब कैरिके वेका पिछनै-पिछनै चलण लगि गैनी।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

2 पतरस 2:2

अर इथगा ही ना बल्किन मा भौत सा बिस्वासी लोग त ऊं झूठ्‍ठा गुरु लोगु का पिछनै चलला। तब जु लोग सच्‍चै का बारा नि जणदिन ऊ लोग झूठ्‍ठा गुरु लोगु का चाल-चलन तैं देखि के सच्‍चै का बाटा का बारा मा बुरु बुलला।

इब्रानी 12:15

अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

तीतुस 1:11

अर यू लोग गळत कमै करणु खुणि गळत शिक्षा सिखौन्दिन, अर इन शिक्षा देके यू लोग, परिवारों का सब लोगु को बिस्वास खतम कैरी देन्दिन, इन्द्रया लोगु की त बोलती बन्द कैरी देण चयेणी।

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

1 तीमुथियुस 4:7

पर तू झूठ्‍ठा उपदेस देण वळो बटि अर फालतु की मनगणत कथा से दूर रै, पर परमेस्वर की भक्‍ति करण की आदत डाल दे।

1 कुरिन्थि 15:33

इलै तुम धोखा मा नि रयां किलैकि, “कुसंगति को संग नि करण अर डुण्डी लखड़ी कन्ध नि धरण।”

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

दिब्य दरस 13:14

अर उ धरती का लोगु तैं भरमौणु रै, किलैकि ये दैंत का पास समुन्दर वळा दैंत की तरौं चमत्कार करण को अधिकार दिये गै। अर ये दैंत न धरती का लोगु तैं समुन्दर वळा दैंत की मूरत बणौणु कू बोलि, हाँ वे ही दैंत की जैका मुण्ड़ पर तलवार से एक इन्दरि चोट लगि छै कि वेकी बचण की उम्मीद नि छै, मगर वेको उ घौ खूब ह्‍वे गै छौ।

1 तीमुथियुस 1:9

अर हम यू भि जणद्‍यां, कि परमेस्वर का नियम-कानून धरमी लोगु खुणि नि दिये गैनी, पर ऊं लोगु खुणि दिये गैनी जु लोग नियम-कानूनों तैं नि मणदिन, अर अधिकारी लोगु की बात नि मणदिन, परमेस्वर को आदर-सम्मान नि करदिन, पाप करदिन, दुष्‍ट जीवन जीण वळा छिन, अर परमेस्वर की बातों तैं नि मणदिन, अर ब्वे-बबों तैं जान से मरण वळा, अर हत्या भि करदिन।

2 तीमुथियुस 2:21

अगर कुई मनखि खुद तैं बुरै बटि दूर रखी के खुद तैं शुद्ध करलु, त उ वे भाँडा का जन च जैतैं कै खास काम खुणि इस्तेमाल लिये जान्दु। तब वे मनखि को जीवन पवित्र ह्‍वे जालु, अर वेको इस्तेमाल प्रभु का हरेक अच्छा काम खुणि किये जालु।