2 तीमुथियुस 2:15 - Garhwali

¹⁵ अर तू भौत मेनत कैर, ताकि तेरी मेनत देखि के परमेस्वर त्वेतै सेवा करण का लैख समझु। अर तू अच्छा काम करण वळु, अर परमेस्वर का सच्‍चा वचन तैं अच्छा से सिखौण वळु बण, ताकि वेका द्‍वारा कुई त्वेतै छुटो नि समझु।

गढवली नयो नियम

¹⁵ तु जथग जादा मेहनत कैरी सकदी उथग कैर, कि पिता परमेश्वर त्वे तैं एक इन सेवक का रूप मा पूरा ढंग ल स्वीकार कैर, जु अपड़ा कामों का कारण शर्मिंदा नि हूंद, अर जु सच्चा संदेश तैं ठिक ढंग से सिखांद।

2 तीमुथियुस 2:15 Referans Kwoze

1 थिस्सलुनीकी 2:4

मगर पिता परमेस्वर न हमतै ये लैख समझि कि ये शुभ समाचार की सेवा हमरा द्‍वारा किये जौ, अर उई शुभ समाचार हम लोगु तैं सुणौन्द्‍यां। अर यू काम हम मनखि तैं खुश करणु खुणि ना, बल्किन मा परमेस्वर तैं खुश करणु खुणि करद्‍यां जु की हमरा मनों का विचारों तैं परखदु।

2 पतरस 1:10

इलै हे मेरा भै-बैंणो, इन साबित करणु खुणि तुम लोग कड़ी मेनत कैरा, कि तुम सच्‍चि मा वीं इच्छा मदि छाँ, जौं तैं पिता परमेस्वर न बुलै के चुण्यालि। अर वु काम कैरा ज्यां से वु खुश होन्दु, अर अगर जु तुम इन करिल्या त तुम कै पाप अर इळजाम मा नि फसिल्यां।

1 तीमुथियुस 4:6

हे तीमुथियुस, अगर तू यों सब बातों तैं परमेस्वर पर बिस्वास करण वळा भै-बैंणो तैं सिखैली, त तू यीशु मसीह को एक अच्छु चेला ठैरीलि। अर जु बिस्वास का वचन अर अच्छी शिक्षा तैं तू अब तक मणदी छैई, वेमा तू बढणी रैलि।

2 कुरिन्थि 10:18

किलैकि जु कुई अपणी तारीफ खुद करदु वेतैं स्वीकार नि किये जान्दु, मगर जैकी बडै प्रभु कि तरफा बटि किये जान्दी वेकी बात स्वीकार किये जान्दी।

2 कुरिन्थि 5:9

अर हमरि मनसा या ही च कि हम अपणा प्रभु तैं खुश कैरी सैका, अब चै हम ईं दुनियां मा रा या नि रा।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

2 पतरस 3:14

इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

2 पतरस 1:15

अर मि इन कोसिस कनु छौं, कि जब मि ईं दुनियां तैं छोड़ि के चलि जौलु त तुम मेरा जाण का बाद भि यों सब बातों तैं याद कना रयां।

इफिसुस 1:13

अर जब तुमुन शुभ समाचार का द्‍वारा सच्‍चै का वचन तैं सुणी, कि परमेस्वर यीशु मसीह का द्‍वारा ही बचौन्दु तब तुमुन यीशु मसीह पर बिस्वास कैरी। अर जब तुम वेका पास ऐ ग्यां, त वेन अपणी छाप का रुप मा तुमतै पवित्र आत्मा दिनी, जैको करार वेन पैलि ही कैरियाली छौ।

1 थिस्सलुनीकी 5:14

अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।

2 कुरिन्थि 3:6

अर या बात सच्‍च च कि परमेस्वर न हमतै ये काबिल बणै, कि हम नया कानून का सेवक बणा। अर नयू कानून कै लिख्यां कानून का रुप मा ना, बल्किन मा पवित्र आत्मा का द्‍वारा पूरु होन्दु। किलैकि लिख्यां कानून का द्‍वारा मौत की सजा औन्दी, मगर पवित्र आत्मा का द्‍वारा हमतै सदनि को जीवन मिलदु।

रोमियों 14:18

अर जु मनखि ये तरीका से अपणा जीवन तैं चलौन्दु, अर वेका दगड़ा-दगड़ि यीशु मसीह की सेवा करदु, उ मनखि पिता परमेस्वर तैं खुश करदु, अर दुसरा लोग भि वेकी तारीफ करदिन।

इब्रानी 4:11

इलै आ, अब हम भि वे आराम की जगा मा दाखिल होण की पूरि कोसिस कैरा, कखि इन नि हो कि हम भि ऊं लोगु कि तरौं आज्ञा नि मनण की वजै से वेसे भैर ह्‍वे जां।

याकूब 1:18

अर वेन अपणी इच्छा का मुताबिक सच्‍चा वचन का द्‍वारा हमतै नयू जनम देई, ताकि जु कुछ भि वेन बणै ऊं सभ्यों मा बटि हम पैलु इनाम बणि जा।

1 कुरिन्थि 2:6

हे मेरा दगड़्यों, जब मि कैतैं सिखौन्दु, त वे बगत मि मनखि का ज्ञान का मुताबिक बात नि करदु, मगर यीशु मसीह पर बिस्वास कैरिके जु ज्ञान मितैं मिलदु मि वेका मुताबिक ही बात करदु। अर यू सब त वेका पिछनै अटल ह्‍वेके चलण से मिलदु। अर ना ही मि ईं दुनियां का ज्ञानी अर अधिकारी लोगु का जन बात करदु। पर सुणा, ईं दुनियां का अधिकारीयों को अधिकार खतम होण वळु च।

खास चेलों 2:22

“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

खास चेलों 20:27

किलैकि परमेस्वर की ज्वा योजना तुम खुणि च वा तुमतै बतौण मा मितैं जरा भि झिझक नि लगि।

मत्ती 13:52

तब वेन ऊंतैं बतै कि, “हरेक शास्‍त्री तैं परमेस्वर का राज की शिक्षा मिली च, अर ऊ घौर का मालिक का जन छिन, जु कि अपणा कुठार बटि नई अर पुरणि चीजों तैं निकळदिन।”

रोमियों 16:10

अर अपिल्‍लेस भै तैं भि मेरु सलाम, जु कि एक भलु मनखि च अर यीशु मसीह वेतैं स्वीकार करदु। अर अरिस्तुबुलुस भै का घौर का सब बिस्वासी लोगु तैं भि मेरु सलाम।

लूका 12:42

तब यीशु न एक और उदारण देके बोलि, “उ वफादार अर अकलमन्द कर्ता-धर्ता कु च? जैको मालिक वेतैं सब नौकरों का मथि एक मुखिया बणौन्दु, ताकि उ ऊंतैं बगत-बगत खाणुक को समान द्‍यो।

मरकुस 4:33

अर यीशु न लोगु तैं सिखौणु खुणि इन्‍नि भौत सा उदारणों को इस्तेमाल कैरी, अर ऊंतैं उथगा ही बतै जथगा वु समझि सकदा छा।

रोमियों 6:13

अर नऽ त खुद तैं पाप करणु खुणि सौपा, किलैकि या बात तुम खुणि भली नि च, कखि इन नि हो कि तुम फिर से गळत काम करण लगि जा। इलै खुद तैं पिता परमेस्वर का सुपुर्द कैरी द्‍या, जु कि मुरदो तैं ज्यून्द करण की ताकत रखदु। अर इन तुम इलै कैरा, ताकि उ तुमरा जीवनों का द्‍वारा भलै का काम कैरी सैको।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।