2 थिस्सलुनीकी 3:8 - Garhwali

⁸ अर हमुन मुफत मा कै की रुट्‍टी नि खै, पर दिन-रात खून पसीना बुगै के मेनत कैरी, ताकि कै खुणि हम भारु नि बणि जां।

गढवली नयो नियम

⁸ अर कैकी रुटि मुफ्त मा नि खै; पर कष्ट उठै के मेहनत ल रात-दिन कामकाज करदां छा, कि हम तैं अपड़ी जरूरतों कु तुम मा बट्टी कै पर भि निर्भर हूंण नि पोड़ो।

2 थिस्सलुनीकी 3:8 Referans Kwoze

मत्ती 6:11

हमरा दिन-भर की रुट्‍टी हमतै रोज द्‍या।

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

खास चेलों 18:3

अर पौलुस ऊंका दगड़ा मा मिली के काम करण लगि गै, किलैकि पौलुस अर यों दुईयों को एक ही काम-धन्धा छौ, अर उ तम्बू बणौण को काम करदा छौ।

1 थिस्सलुनीकी 4:11

अर जन हमुन तुमतै आज्ञा दे छै, ठिक उन्‍नि तुम एक-दुसरा तैं बिना तकलीफ दियां अपणु जीवन बसर कैरा। अर अपणा-अपणा काम-काजों मा लग्यां रा, अर अपणा हाथोंळ की मेनत खुद कमै कैरिके अपणु जीवन ज्यां।

इफिसुस 4:28

इलै सुणा, जु चोरी करदु उ अब से चोरी नि कैरो, बल्किन मा अपणा हाथोंळ भलै का काम कैरो, ताकि जरुरतमन्द लोगु की मदद करणु खुणि वेका पास कुछ हो।

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

2 थिस्सलुनीकी 3:12

अर इन्द्रया लोगु तैं हम प्रभु यीशु मसीह का द्‍वारा दियां अधिकार से आज्ञा देन्द्‍यां, अर समझौद्‍यां कि ऊ चुपचाप काम कैरिके अपणा खाणुक खुणि खुद ही पैसा कमा।

2 कुरिन्थि 11:9

अर जब मि तुमरा बीच मा छौ त वे बगत मितैं भौत चीजों की जरुरत छै, मगर मिन तुम लोगु तैं जरा भि परेसान नि कैरी। अर जब मकिदुनिया मुलक बटि कुछ बिस्वासी लोग ऐनी, त वे बगत ऊंन मेरी जरुरतों तैं पूरु कैरी। अर वे बगत मिन पूरि कोसिस कैरी कि मि तुम पर बोझ नि बणु अर अगनै भि मेरी इन्‍नि कोसिस राली कि मि तुम पर बोझ नि बणु।

खास चेलों 20:34

अर तुम लोग त जणदा ही छाँ, कि मिन मेहनत कैरिके अपणु अर अपणा दगड़्यों की सब जरुरतों तैं पूरु कैरी।

1 कुरिन्थि 9:4

अर क्या बरनबास अर मितैं तुमरा दगड़ा मा खाण-पीण को हक नि च?

2 कुरिन्थि 11:27

हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।