2 थिस्सलुनीकी 3:6 - Garhwali

⁶ हे मेरा भै-बैंणो, हम प्रभु यीशु मसीह का द्‍वारा दियां अधिकार से तुमतै आज्ञा देन्द्‍यां, कि बिस्वासी लोगु मा जु अळकसि छिन अर हमरि दिईं शिक्षा को पालन नि करदिन, ऊंका दगड़ा मा नि रा।

गढवली नयो नियम

⁶ हे विश्वासी भयों, हम तुम तैं वे अधिकार ल जु प्रभु यीशु मसीह ल हम तैं द्ये; कि तुम हरेक इन्दारया भैय से अलग रावा जु ठिक से जीवन बसर नि करदो हो, जु ऊं आदेशों कु पालन नि करद जु हम ल तुम तैं सिखै छो।

2 थिस्सलुनीकी 3:6 Referans Kwoze

2 थिस्सलुनीकी 3:7

किलैकि तुम खुद जणद्‍यां, कि जन हमुन कैरी उन्‍नि तुमतै भि करण चयेणु। अर जब हम तुमरा दगड़ा मा छा, त हम अळकसि बणि के नि रयां।

रोमियों 16:17

हे मेरा प्यारा भै-बैंणो, मि तुम से बिन्ती करदु कि ऊं लोगु की खोज कैरा, जु कि लोगु तैं एक-दुसरा का खिलाप मा भड़कै देन्दिन, यू लोग इन्द्रया छिन जु कि बिस्वासी लोगु तैं ऊंका बिस्वास मा बटि भटके देन्दिन। अर यू लोग वीं सच्‍चि शिक्षा का खिलाप मा छिन, ज्वा तुम मा च। इलै तुम इन्द्रया लोगु से दूर रा।

1 थिस्सलुनीकी 5:14

अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।

2 थिस्सलुनीकी 2:15

इलै हे मेरा भै-बैंणो, बिस्वास मा मजबूत बणयां रा। अर जु-जु बात हमुन तुमतै वचनों का द्‍वारा अर चिठ्‍ठी-पतरीयों का द्‍वारा सिखैनी, ऊं बातों तैं माणा।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

2 तीमुथियुस 3:5

अर लोगु तैं दिखाणु खुणि केवल परमेस्वर की भक्‍ति करला, पर परमेस्वर की ताकत तैं नकारी द्‍याला। अर इन्द्रया लोगु बटि तुम अलग रयां।

1 थिस्सलुनीकी 4:11

अर जन हमुन तुमतै आज्ञा दे छै, ठिक उन्‍नि तुम एक-दुसरा तैं बिना तकलीफ दियां अपणु जीवन बसर कैरा। अर अपणा-अपणा काम-काजों मा लग्यां रा, अर अपणा हाथोंळ की मेनत खुद कमै कैरिके अपणु जीवन ज्यां।

1 कुरिन्थि 11:2

दगड़्यों, तुम मेरी हर बात तैं याद रखद्‍यां, अर ज्वा शिक्षा अर जु-जु नियम मिन तुमतै बतैनि, तुम ऊंको पालन करद्‍यां, इलै ईं बात मा मि तुमरि तारीफ करदु।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

1 कुरिन्थि 5:4

जब तुम हमरा प्रभु यीशु का नौ से इकट्‍ठा होनद्‍यां, त इन समझि ल्या कि पवित्र आत्मा की ताकत से मि भि तुमरा बीच मा ही छौं।

मत्ती 18:17

अगर जु वु मनखि ऊं गवाओ की भि नि माणो, त बिस्वासी समुदाय का लोगु कू बोलि दे, अर अगर वु समुदाय का लोगु की भि नि माणो, त फिर तू वेतैं चुंगी लेण वळो अर ऊं लोगु का जन माण जु परमेस्वर तैं नि मणदिन।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

1 तीमुथियुस 6:5

अर इन्द्रया लोगु को दिमाग खराब ह्‍वे गै, अर सच्‍च क्या च यू ऊंतैं पता नि ही च। अर वु लोग समझदिन कि परमेस्वर की भक्‍ति करण कमै को एक साधन च। इन्द्रया लोगु मा हमेसा लड़ै-झगड़ा होनदिन।

2 कुरिन्थि 2:10

अर अभि तक जु कुछ भि मिन बोलि तुमुन वेका मुताबिक ही कैरी, इलै अब तुम वे आदिम तैं माफ कैर द्‍या, किलैकि मिन भि वेतैं माफ कैरियाली। अर अगर कैन भि कुछ बुरु काम कैरी, त हमरु फरज बणदु च कि हम ऊंतैं माफ कैरा अर इन हमतै यीशु मसीह की वजै से करण चयेणु, किलैकि वेन हमतै माफ कैरी। अर यू सब कुछ मि तुमरि भलै खुणि ही बोन्‍नु छौं।

1 तीमुथियुस 5:21

हे तीमुथियुस, मि परमेस्वर अर यीशु मसीह अर चुण्यां स्वर्गदूतों तैं गवा माणी के त्वेतै या आज्ञा देन्दु, कि तू खुला मन से यों सब बातों को पालन कैर, अर कै का दगड़ा मा भि पक्षपात नि कैरी।

1 कुरिन्थि 5:9

अर मिन अपणी पैलि चिठ्‍ठी मा लिखी छौ, कि तुम गळत सम्बन्ध रखण वळा लोगु का दगड़ा मा मेल-जोल रखण छोड़ि द्‍या।

2 यूहन्ना 1:10

अर अगर कुई मनखि तुमरा पास अऽ, अर इन्दरि शिक्षा तैं द्‍यो, त इन्द्रया मनखि तैं अपणा घौर मा नि औण द्‍या, इख तक की वेकू सलाम भि नि बोला।