2 थिस्सलुनीकी 2:6 - Garhwali

⁶ अर अब तुम वेका का बारा मा जणदा ही छाँ, कि जैन वे पाप का पुत्र तैं रोकी के रख्युं च, ताकि जब तक परमेस्वर का द्‍वारा ठैर्युं बगत नि ऐ जौ, तब तक उ परगट नि ह्‍वे सकदु।

गढवली नयो नियम

⁶ उ दुष्ट आदिम अभि तक प्रकट नि हवे, किलैकि कुछ इन च जु वे तैं रुकणु च, इलै जब उ बगत आलो जु पिता परमेश्वर कु ठहरयूं च, तब उ दुष्ट आदिम प्रकट होलो।

2 थिस्सलुनीकी 2:6 Referans Kwoze

2 थिस्सलुनीकी 2:3

इलै कै की भि बातों तैं सुणी के वेकी बातों मा फंसी नि जयां। किलैकि प्रभु का दुबरा औण से पैलि भौत सा लोग परमेस्वर अर वेका नियम-कानूनों को विरोध करला। तब परमेस्वर का नियम-कानूनों तैं तोड़ण वळु एक पाप को पुत्र परगट होलु, जै खुणि नरकलोक को दण्ड अर विणास ठैर्युं च।

2 थिस्सलुनीकी 2:8

अर जब पाप को पुत्र परगट होलु, त उ शैतान का द्‍वारा दिईं ताकत से आलु। अर हरेक किसम का झूठ्‍ठा चमत्कारिक चिन्‍न, अर अदभुत काम कैरिके दिखालु। अर पाप का पुत्र को विणास होण से पैलि उ यू सब कुछ करलु। मगर जब प्रभु यीशु दुबरा आलु, त अपणा औण की ताकत से वेतैं अपणी फूकळ ही नास कैरी द्‍यालु।

रोमियों 1:18

हे मेरा दगड़्यों, पिता परमेस्वर स्वर्ग बटि अपणु गुस्सा ऊं सब लोगु पर दिखान्दु जु कि दुष्‍ट छिन अर वेकी भक्‍ति तैं नि करदिन, अर जु लोग अन्यो कैरिके सच्‍च तैं दबै के रखदिन।

2 थिस्सलुनीकी 2:7

अर वेन पाप का पुत्र तैं तब तक रोकी के रख्युं च, जब तक की उ वेका बाटा बटि हटये नि जौ। अर या बात सच्‍चि भि च, कि शैतान लुकि-छिपी के लोगु का बीच मा काम कनु च, ताकि लोग परमेस्वर का नियम-कानूनों तैं अपणा जीवनों मा स्वीकार नि कैरी सैका।