13 मगर हे मेरा भै-बैंणो, तुम जु प्रभु का प्रिय लोग छाँ, हमरि या जिमेदारी बणदी की हम तुमरा खातिर पिता परमेस्वर को धन्यवाद हमेसा कैरा। किलैकि परमेस्वर न तुमतै शुरुवात बटि ही चुण्यालि, कि तुमतै बचयै जौ। अर जब हम वेका सच्चा वचन पर बिस्वास करद्यां, तब पवित्र आत्मा हमतै पवित्र बणादु ताकि वेका द्वारा हम पूरि तरौं से बचि जां।
13 हे विश्वासी भयों, अर हम तैं लगातार पिता परमेश्वर कु धन्यवाद कन चयणु च किलैकि प्रभु तुम बट्टी प्रेम करद। किलैकि पिता परमेश्वर ल दुनिया की सृष्टि से पैली ही तुम तैं चुणि कि तुम तैं बचै साको; उ पवित्र आत्मा का कामों का द्वारा जु तुम तैं पवित्र बणांद अर तुमारा द्वारा प्रभु यीशु मसीह का बारा मा सच्चा संदेश पर विश्वास कन से तुम तैं बचांद की तुम उद्धार पां।
अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।
मगर दुई जौंळ्या बच्चों तैं जनम देण से पैलि, पिता परमेस्वर न रिबका कू बोलि छौ कि, “बड़ु नौनु अपणा छुटा भै की सेवा करलु।” अर ना ही ऊं नौनो न कुई अच्छु या बुरु काम कैरी छौ। मगर पिता परमेस्वर न इन इलै बोलि, ताकि वेन जैतैं चुण्यूं च, वेका द्वारा पिता परमेस्वर की योजना बणि रौ। अर यू सब त इलै ह्वे, ताकि इन साबित ह्वे जौ कि कै मनखि को चुणै जाण परमेस्वर की मनसा का मुताबिक ही होन्दु। अर पिता परमेस्वर की योजना कै मनखि का काम का मुताबिक नि बणदी, बल्किन मा वेन वेतैं किलै बुलै वेका मुताबिक होन्दी।
अर या बात सुणी के दुसरि जाति का लोग भौत खुश ह्वे गैनी, अर प्रभु का वचन की बडै करण लगि गैनी। अर ऊं मदि जथगा लोगु तैं सदनि का जीवन जीणु खुणि चुणै गै छौ, ऊं सभ्यों न प्रभु यीशु पर बिस्वास कैरी।
अर यू सब हम इलै करद्यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्चा शुभ समाचार का द्वारा सुण्यालि।
हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।
अर इन कैरिके वेन हम यहूदी लोगु का अर ऊं लोगु का बीच मा कुई भि भेदभाव नि कैरी जु यहूदी जाति का नि छिन। अर यीशु पर बिस्वास करण से ही वेन ऊंका मनों तैं शुद्ध कैरियाली,
अर जब तू छुटो बच्चा छे, त तब बटि तू परमेस्वर का पवित्र वचन तैं जणदी औणी छैई। अर वु वचन ही त्वेतै समझौन्दिन, कि यीशु मसीह पर बिस्वास रखण से छुटकारु मिलदु।
अर तू भौत मेनत कैर, ताकि तेरी मेनत देखि के परमेस्वर त्वेतै सेवा करण का लैख समझु। अर तू अच्छा काम करण वळु, अर परमेस्वर का सच्चा वचन तैं अच्छा से सिखौण वळु बण, ताकि वेका द्वारा कुई त्वेतै छुटो नि समझु।
अर जु लोग नास होण वळा बाटा पर चलणा छिन, ऊंतैं अपणा जाल मा फसौणु खुणि पाप को पुत्र हरेक किसम का बुरा काम करलु। तब वु वेका जाल मा फंसी जाला, किलैकि ऊंन परमेस्वर का सच्चा प्यार तैं अपणा जीवन मा स्वीकार नि कैरी। अर अगर जु वु यीशु तैं स्वीकार कैरी देन्दा, त ऊंतैं बचयै जान्दु।
अर सच्चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।