2 थिस्सलुनीकी 1:7 - Garhwali

⁷ अर ज्वा खैरि तुम अर हम अभि खाण छां ऊं सभ्यों बटि उ हमतै जरुर छुटकारु द्‍यालु। अर यू तब होलु, जब प्रभु यीशु अपणा ताकतबर दूतों का दगड़ा मा स्वर्ग बटि खतरनाक आग का दगड़ा मा आलु, अर ऊं लोगु बटि बदला ल्यालु।

गढवली नयो नियम

⁷ अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।

2 थिस्सलुनीकी 1:7 Referans Kwoze

दिब्य दरस 14:13

फिर मिन स्वर्ग बटि एक आवाज सुणी कि, “हे यूहन्‍ना ईं बात तैं लिख ले, ‘धन्य छिन ऊ लोग जु अब प्रभु पर बिस्वास रखी के मुरदिन।’” अर पवित्र आत्मा भि इन बोन्‍नु च कि, “हाँ धन्य छिन वु लोग, जौन धरती पर दुख-तकलीफ तैं सै अर भलै का काम करिनी, इलै अब ऊंतैं स्वर्ग मा इनाम दिये जालु।”

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

दिब्य दरस 22:16

“मि यीशु छौं, अर यू सब बात तुमतै बतौणु खुणि मिन अपणु स्वर्गदूत भेजि, ताकि बिस्वासी समुदाय का लोगु को भलु हो। मि राजा दाऊद का वंश मदि छौं, अर सुबेर को चमकण वळु गैंणो भि मि ही छौं जु कि एक नया दिन को चिन्‍न च।”

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

2 कुरिन्थि 4:17

अर हमतै पूरु यकीन च कि जु आदर-सम्मान हमतै स्वर्ग मा मिलण वळु च वेन सदनि तक रौण। अर जु दुख-तकलीफ अभि हम ईं दुनियां मा झिलणा छां ऊ कुछ भि नि छिन।

दिब्य दरस 21:4

अर परमेस्वर ऊंका आंख्यों का सब आंसुओं तैं फुंजी द्‍यालु, फिर नऽ त मौत रैलि, ना शोक, नऽ रुंण-धुण अर ना ही कुई पीड़ा, किलैकि जु बात पैलि छै अब वु सब खतम ह्‍वे जालि।”

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

लूका 17:30

अर ठिक इन्‍नि वे दिन भि होलु, जब मनखि को पुत्र आलु।

मत्ती 25:31

अर यीशु न ऊंकू बोलि, “जब मनखि को पुत्र अपणी पूरि सामर्थ का दगड़ा मा आलु अर सब स्वर्गदूत वेका दगड़ा होला। तब उ बड़ा आदर-सम्मान की राजगद्‍दी पर बैठलु,

दिब्य दरस 22:9

मगर वे स्वर्गदूत न मिकू बोलि, “यूहन्‍ना इन नि कैर, किलैकि मि भि तेरी तरौं एक सेवक छौं। अर ठिक उन्‍नि दुसरा बिस्वासी भै-बैंणो अर जु लोग रैबर्या छिन ऊंकी ही तरौं छौं जु कि ईं किताब मा लिखीं बातों का मुताबिक चलदिन, इलै केवल परमेस्वर की ही भक्‍ति कैर।”

दिब्य दरस 22:6

फिर स्वर्गदूत न मिकू बोलि, “प्रभु परमेस्वर जु कि अपणा रैबर्यों तैं अपणी बातों बतौन्दु। ऊंन मितैं तेरा पास भेजि कि मि त्वेतै ऊं बातों का बारा मा बतौ जु कि जल्द पूरि होण वळी छिन। अर यू सब बात सच्‍चि अर भरोसा करण का लैख छिन।

दिब्य दरस 20:11

तब मिन सफेद रंग की एक बड़ी राजगद्‍दी देखि, और परमेस्वर वेमा बैठयूं छौ। अर वेका होण से धरती अर आसमान भागी गैनी अर ऊंतैं कखि जगा नि मिली।

दिब्य दरस 1:7

देखा, यीशु बादळों का दगड़ा-दगड़ि औण वळु च, अर हरेक आंख वेतैं दिखली, अर ऊ भि वेतैं दिखला जौन वेतैं मारी छौ। अर धरती मा जथगा भि गोत्र का लोग छिन, ऊ सभ्या का सभि अपणी-अपणी छति भटकाला। हाँ, यू ही सच्‍च च। आमीन।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

इब्रानी 4:11

इलै आ, अब हम भि वे आराम की जगा मा दाखिल होण की पूरि कोसिस कैरा, कखि इन नि हो कि हम भि ऊं लोगु कि तरौं आज्ञा नि मनण की वजै से वेसे भैर ह्‍वे जां।

इब्रानी 4:9

इलै तुम या बात जाणि ल्या, कि पिता परमेस्वर का लोगु खुणि अभि भि आराम को दिन ठिक उन्‍नि ठैर्युं, अर यू ठिक उन्‍नि च जन वेन खुद सातवां दिन मा आराम कैरी।

इब्रानी 4:1

हे मेरा भै-बैंणो सुणा, पिता परमेस्वर न अपणा लोगु तैं आराम की जगा मा दाखिल होण को जु करार कैरी वु अभि तक बणयूं च। इलै हमतै ईं बात तैं ध्यान मा रखण चयेणु, कि हम मा बटि कुई भि ये करार से दूर नि ह्‍वे जौ।

2 तीमुथियुस 2:12

अर अगर जु हम यीशु मसीह का दगड़ा मा सबर रखी के दुख उठाणा रौला, त वेका दगड़ा मा राज भि करुला। अर अगर जु हम वेतैं स्वीकार नि करुला, त उ भि हमतै स्वीकार नि करलु।

कुलुसी 1:16

किलैकि वेका द्‍वारा ही सब चीजों तैं बणयै गै, याने कि स्वर्ग अर ईं धरती की सब चीज, दिखैण वळी अर नि दिखैण वळी चीज, राजगद्‍दी अर साम्राज्य, सासक अर अधिकारी, सब कुछ वेका ही द्‍वारा बणयै गै अर वे खुणि ही बणयै गै।

इफिसुस 1:2

अर मि इन प्रार्थना करदु, कि तुमतै हमरा पिता परमेस्वर अर प्रभु यीशु की तरफा बटि वेकी महान किरपा अर शान्ति मिलदी रौ।

खास चेलों 1:11

अर यों न चेलों कू बोलि, “हे गलीली लोगु, तुम किलै खड़ु ह्‍वेके आसमान जनै टक लगै के दिखणा छाँ? यू ही यीशु जु तुमरा पास बटि स्वर्ग मा उठये गै, ठिक इन्‍नि वेन औण भि च जन तुम वेतैं स्वर्ग मा जान्द दिखणा छाँ।”

यूहन्ना 1:51

अर यीशु न वेकू यू भि बोलि, “मि तुम लोगु बटि सच्‍चि ही बोन्‍नु छौं, कि तुम स्वर्ग तैं खुल्यूं अर परमेस्वर का स्वर्गदूतों तैं उब जान्द अर जख मनखि को पुत्र, याने मि छौं, उख उतरद दिखल्या।”

यूहन्ना 1:3

अर सब कुछ वेसे बणयै गै अर जु कुछ भि बणयै गै, उ सब कुछ वेका ही द्‍वारा बणयै गै।

लूका 16:25

पर अब्राहम न बोलि, ‘बेटा, याद कैर तिन अपणा जीवन मा वु सब कुछ पै ज्यां की त्वेतै जरुरत छै, जब की लाजर न खैरि खै मगर अब वेतैं इख सुख-शान्ति मिलणी च, अर त्वेतै उख खैरि।

मरकुस 14:62

तब यीशु न बोलि, “मि छौं, तुम लोग मनखि का पुत्र तैं बड़ा आदर का साथ ताकतबर परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

मरकुस 8:38

अर कुई मनखि परमेस्वर तैं छोड़ के चलि जान्दु अर ईं पापि पीढ़ी का लोगु का समणि मि बटि अर मेरा वचनों बटि सरमान्दु, त जब मनखि को पुत्र भि अपणा पवित्र स्वर्गदूतों का दगड़ा, अर अपणा पिता की सामर्थ का दगड़ा मा वापस आलु, त उ भि वे मनखि से सरमालु।”

मत्ती 26:64

अर यीशु न बोलि, “तुमुन अफि बोलियालि। फिर भि मि तुम लोगु बटि बोन्‍नु छौं, अब बटि तुम मनखि का पुत्र तैं सबसे महान परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

मत्ती 16:28

मि तुम बटि सच्‍च बोन्‍नु छौं कि जथगा लोग इख खड़ा छिन, ऊंमा बटि कुछ इन्द्रया भि छिन, जु कि तब तक नि मुरला जब तक की वु मनखि का पुत्र तैं वेका राज का दगड़ा मा औन्द देखि नि द्‍याला।”

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

खास चेलों 3:19

इलै अपणा पापों से पस्ताप कैरा, अर परमेस्वर का पास वापिस ऐ जा, ताकि तुमरा पाप पूरि तरौं से माफ ह्‍वे जा,

1 कुरिन्थि 3:13

अर जब प्रभु सब लोगु को न्याय करलु, त हरेक मनखि का काम परगट ह्‍वे जाला कि वेन कन काम कैरी, किलैकि जन सोने की परख आग से किये जान्दी, ठिक उन्‍नि आग सब कुछ परगट कैरी द्‍याली अर इन साबित करली कि हरेक मनखि का काम कन्द्रया छिन।

1 थिस्सलुनीकी 3:13

अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

इब्रानी 10:27

फिर त सिरफ एक ही बात रै जान्दी न्याय को होण अर खतरनाक आग मा जाण को दण्ड अर यू ऊ छिन जु कि पिता परमेस्वर का दुसमनों को नास कैरी देन्दिन।

इब्रानी 12:29

किलैकि हमरु परमेस्वर भसम करण वळी आग च।

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

यहूदा 1:7

हे मेरा भै-बैंणो, मि तुमतै यू भि याद दिलौण चान्दु कि जन सदोम, अमोरा अर वेका आस-पास का नगरों का लोग गळत सम्बन्ध रखण वळा ह्‍वे गै छा, इख तक की उखा लोग अपणा सरील की इच्छा तैं पूरु करण खुणि एक बैख दुसरा बैख का दगड़ा मा सरील का गळत सम्बन्ध रखण लगि गै छा। तब वे बगत मा पिता परमेस्वर न ऊं नगरों को कभि नि बुझण वळी आग का द्‍वारा नास कैर दिनी, अर आज वु सब हम सभ्यों खुणि सदनि खुणि एक उदारण बणि गैनी।

दिब्य दरस 6:11

अर ऊंमा बटि हरेक तैं एक सफेद चोळा दिये गै। अर ऊंतैं कुछ देर तक रुकणु कू बुलै गै, जब तक कि ऊंका ही जन दुसरा बिस्वासी भैयों अर सेवकों की गिनती पूरि नि ह्‍वे जौ, जौं की हत्या ऊंकी ही तरौं किये गै।

दिब्य दरस 14:10

त परमेस्वर का परकोप वे पर आलु। अर उ इन्द्रया लोगु तैं अपणा पवित्र स्वर्गदूतों अर मेम्‍ना की नजर का समणि ही आग अर गंधक की पीड़ा मा डालि द्‍यालु, जु ऊं खुणि परमेस्वर का गुस्से की दारु च ज्वा की ऊं पर अखणै जालि।