2 थिस्सलुनीकी 1:4 - Garhwali

⁴ इख तक कि जुलम अर विरोध सौण का बाद भि, तुम लोग अपणु बिस्वास पिता परमेस्वर पर बणै के रखद्‍यां, अर तुमरि ईं बात का बारा मा ही हम लोग परमेस्वर का दुसरा बिस्वासी समुदाय मा बड़ु मोन कैरिके तुमरा बारा मा बतौन्दु।

गढवली नयो नियम

⁴ इलै हम पिता परमेश्वर कि मण्डलियों मा विश्वासियों का बारा मा घमण्ड करदां, कि जथग दुःख अर क्लेश तुम सिणा छा, फिर भि तुम यु तैं बड़ा धीरज का दगड़ी लगातार सहन करदां अर यीशु मसीह पर विश्वास पर विश्वास करदां।

2 थिस्सलुनीकी 1:4 Referans Kwoze

इब्रानी 10:36

मगर तुमतै सबर रखण की भौत जरुरत च, ताकि तुम परमेस्वर की मनसा तैं पूरु कैरिके करार का इनाम तैं पै सैका।

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।

1 थिस्सलुनीकी 2:19

अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

दिब्य दरस 14:12

अर जु लोग यीशु पर बिस्वास रखदिन अर परमेस्वर की आज्ञा को पालन करदिन, इन्द्रया बगत मा परमेस्वर का ऊं पवित्र लोगु तैं सबर रखण की जरुरत च।

1 कुरिन्थि 7:17

हे मेरा दगड़्यों, साधारण सि बात च कि पिता परमेस्वर न हरेक मनखि तैं एक अलग हिस्सा दियूं च। अर जै मनखि तैं वेन जिं दसा मा बुलै, वेतैं वीं दसा मा ही चलण चयेणु। अर मि बिस्वासी समुदाय का सब लोगु तैं इन ही आज्ञा देन्दु।

2 पतरस 1:6

अर वे ज्ञान से तुम खुद तैं वस मा रखिल्या, फिर खुद तैं वस मा रखण से सबर रखण जणिल्या, अर सबर रखण से भक्‍ति करण आली,

याकूब 5:11

देखा, जु लोग दुख का बगत मा भि सबर रखदिन, ऊंकू हम धन्य बुल्द्‍यां। अर तुमुन अय्यूब का सबर रखण का बारा मा त सुणी ही च, अर आखिरी मा प्रभु न वेतैं क्या कुछ देई वेका बारा मा भि तुम जणदा ही छाँ। अर येसे तुमतै पता चलदु, कि प्रभु कथगा दया करण वळु अर कथगा मयळु च।

इब्रानी 6:15

अर भौत इंतजार करण का बाद पितर अब्राहम तैं वु मिली जैको करार वेका दगड़ा मा परमेस्वर न कैरी छौ।

2 थिस्सलुनीकी 3:5

अर हम तुम लोगु खुणि इन प्रार्थना करद्‍यां, कि यीशु मसीह तुमतै परमेस्वर का प्यार की तरफा लेके जौ, अर जन दुख-तकलीफ प्रभु यीशु न उठे, उन्‍नि दुख-तकलीफ सौणु खुणि प्रभु यीशु तुमरि मदद भि करलु।

2 कुरिन्थि 9:4

अर अगर जु मकिदुनिया का बिस्वासी लोग मेरा दगड़ा मा आला, त मि इन नि चान्दु कि ऊ ऐके देखा कि जै दान कि बात किये जाणि छै, उ त जमा ही नि च। अर अगर जु इन होलु, त तब मितैं बड़ी बेजती मैसूस होण अर तुमतै भि अफ पर बड़ी सरम आली।

2 कुरिन्थि 9:2

किलैकि मि जणदु छौं, कि तुम मदद करण खुणि तयार छाँ। अर मि मकिदुनिया नगर का बिस्वासी भै-बैंणो तैं बड़ा मोन कैरिके बतौणु छौं, कि अखया मुलक का बिस्वासी लोग पिछलै एक साल बटि मदद करणु खुणि तयार बैठयां छिन। अर तुमरा ये जोस न ऊंका भितर खुशी पैदा कैरियाली।

रोमियों 12:12

अर खुश रा, किलैकि तुमरा पास आस च। अर दुख-तकलीफ औण का बगत मा मजबूत बणयां रा, अर प्रार्थना कना रा।

रोमियों 8:25

मगर हम वे पर अपणी आस बणै के रखद्‍यां, जु हमुन देखि ही नि छिन। इलै हम सबर रखी के ऊं चीजों तैं पौण को इंतजार करद्‍यां।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

2 कुरिन्थि 7:4

अर मितैं तुम पर पूरु यकीन च, अर तुमतै देखि के मेरु मोन बड़ु ह्‍वे जान्दु। अर तुमरा द्‍वारा मेरा मन तैं बड़ी दिलासा मिलदी, अर हरेक किसम की परेसानी मा भि हमतै बड़ी खुशी मिलदी।

2 कुरिन्थि 12:10

इलै मि अपणी कमी-कमजोरी का बगत मा, बेजती होण का बगत मा, या सतयै जाण अर दुख-तकलीफ का हरेक बगत मा खुश रौन्दु। अर मेरा खुश होण की वजा या च कि जब-जब मि कमजोर होन्दु, त वे ही बगत मा पिता परमेस्वर की ताकत मेरा जीवन मा काम करदी अर मि और भि जादा मजबूत होन्दी जान्दु।

इब्रानी 6:12

इलै अळकसि नि बणा, बल्किन मा ऊं लोगु की तरौं बणा जु कि बिस्वास अर सबर रखण मा मजबूत छिन। अर इन्द्रया लोग ऊं चीजों तैं पौनदिन, जौं को करार पिता परमेस्वर न कैरी।