2 पतरस 3:12 - Garhwali

¹² अर तुम परमेस्वर का वे दिन को इंतजार कना रा, अर पूरि कोसिस कैरा कि उ दिन जल्द से जल्द ऐ जौ। अर वे दिन आसमान फुकै के नास ह्‍वे जालु, अर वेमा रौण वळी सब चीज भि खतरनाक गरमी से गैळ जालि।

गढवली नयो नियम

¹² इन कै बरतौ कैरा जबकि तुम वे दिन को इन्तेजार कना छा जु पिता परमेश्वर ल चुणि जब मसीह दुबरा वापिस आलो, अर यांका जल्दी आंणु कु अपड़ी तरपां बट्टी पूरी कोशिश कैरा। वे दिन पिता परमेश्वर आसमान तैं आग बट्टी नाश कैरी दयालो, वीं आग की गर्मी आसमान का पिंडों तैं गलै द्याली।

2 पतरस 3:12 Referans Kwoze

2 पतरस 3:10

मगर प्रभु को वु दिन एक चोर का जन अचानक से ऐ जालु, अर वे दिन आसमान बड़ी आवाज कैरिके नास ह्‍वे जालु। अर सब चीज बड़ी खतरनाक गरमी से गैळ जालि, धरती अर जु कुछ भि वेमा च वु सब कुछ खतम ह्‍वे जालु।

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

यहूदा 1:21

खुद तैं पिता परमेस्वर का प्यार मा और भि जादा मजबूत बणै के रखा। अर सदनि का जीवन तैं पौणु खुणि हमरा प्रभु यीशु मसीह की दया को इंतजार कैरा।

फिलिप्पी 1:6

अर मितैं ईं बात पर पूरु यकीन च कि जै परमेस्वर न तुमरा भितर अच्छा काम की शुरुवात कैरी, उई तब तक तुमरा भितर काम कनु रालु जब तक यीशु मसीह को वापस औण को दिन ऐ नि जौ।

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

मत्ती 16:28

मि तुम बटि सच्‍च बोन्‍नु छौं कि जथगा लोग इख खड़ा छिन, ऊंमा बटि कुछ इन्द्रया भि छिन, जु कि तब तक नि मुरला जब तक की वु मनखि का पुत्र तैं वेका राज का दगड़ा मा औन्द देखि नि द्‍याला।”

2 पतरस 3:4

अर इन बुलला कि, “अरे, यीशु मसीह न वापस औण को जु करार कैरी छौ वेको क्या ह्‍वे? किलैकि हमरा पितर त मोरि गैनी, अर जब बटि या दुनियां बणि तब बटि लेके अभि तक ठिक उन्‍नि होणु च जन पैलि होन्दु छौ।”

2 पतरस 3:11

अर जब यू सब कुछ इन कैरिके नास होण वळु च, त तुम सोचा तुमरो चाल चलण कन होण चयेणु? अरे तुमतै त पवित्र चाल-चलन रखण चयेणु, अर परमेस्वर की भक्‍ति का काम करण वळु मनखि बणण चयेणु।