2 पतरस 3:11 - Garhwali

¹¹ अर जब यू सब कुछ इन कैरिके नास होण वळु च, त तुम सोचा तुमरो चाल चलण कन होण चयेणु? अरे तुमतै त पवित्र चाल-चलन रखण चयेणु, अर परमेस्वर की भक्‍ति का काम करण वळु मनखि बणण चयेणु।

गढवली नयो नियम

¹¹ जबकि पिता परमेश्वर निश्चित रूप बट्टी यूं सभि चीजों तैं नाश कैरी दयालो, जन कि मिल अभि बोलि, इलै तुम तैं निश्चित रूप मा ईश्वरीय ढंग से बरतौ कन जु पिता परमेश्वर तैं खुश करद।

2 पतरस 3:11 Referans Kwoze

1 पतरस 1:15

इलै जन तुमतै बुलाण वळु परमेस्वर पवित्र च, ठिक उन्‍नि तुम भि पवित्र बणा।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

2 पतरस 3:12

अर तुम परमेस्वर का वे दिन को इंतजार कना रा, अर पूरि कोसिस कैरा कि उ दिन जल्द से जल्द ऐ जौ। अर वे दिन आसमान फुकै के नास ह्‍वे जालु, अर वेमा रौण वळी सब चीज भि खतरनाक गरमी से गैळ जालि।

1 तीमुथियुस 6:11

पर हे तीमुथियुस परमेस्वर का सेवक, तू यों सब बातों बटि अलग रौ। अर धरमी मनखि बणणे की कोसिस कैर, अर हमेसा परमेस्वर की भक्‍ति कैर अर यीशु मसीह पर बिस्वास कैर, अर सभ्यों बटि प्यार कैर। अर सबर रखण अर नमर सभौ को ह्‍वेके जीवन बितौ।

याकूब 3:13

तुम मा बटि ज्ञानी अर समझदार कु च? अर अगर कुई छैई च, त उ अपणा अच्छा चाल-चलन अर ज्ञान से भलु बणु अर अपणु काम पूरु कैरिके दिखौ।

फिलिप्पी 3:20

मगर हम त स्वर्ग का नागरिक छां, जख बटि हम लोगु तैं छुटकारा देण वळा प्रभु यीशु मसीह को वापिस औण को इंतजार बड़ी खुशी से कना छां।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

1 तीमुथियुस 6:3

अगर कुई झूठ्‍ठी शिक्षा देन्दु हो, अर अपणा प्रभु यीशु मसीह का सच्‍चा वचन तैं जु कि परमेस्वर की भक्‍ति करण की शिक्षा तैं नि मणदु हो,

1 तीमुथियुस 4:12

हे तीमुथियुस, अभि तू ज्वान छैई, अर कुई भि तेरी ज्वानी तैं सुद्‍दी नि समझु। इलै तू बोन्‍न मा अर अपणा चाल चलण मा, प्यार करण मा, अर तेरा खुद का बिस्वासी जीवन मा, अर पवित्र जीवन जीण मा बिस्वासी लोगु खुणि तू एक नमूना बणि जा।

मत्ती 8:27

अर वु हकदक ह्‍वेके बोन्‍न लगि गैनी कि “यू कन्द्रयो मनखि च जु कि तूफान अर झील भि येकी बातों तैं मणदिन?”

याकूब 1:24

अर उ वेमा खुद तैं देखि के उख बटि चलि जान्दु, अर झट बिसरी जान्दु कि उ कन्द्रयो दिखेन्दु।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

1 थिस्सलुनीकी 1:5

किलैकि हमुन तुमतै जु शुभ समाचार सुणै वु सब केवल बुलण वळी बात ही नि छै, बल्किन मा वु सामर्थ का काम तुमरा बीच मा भि ह्‍वे छिन। अर वु सब काम पवित्र आत्मा का छा, अर पवित्र आत्मा न ही यां को परमाण दिनी कि यू शुभ समाचार सच्‍चु च। अर तुम खुद ही जणद्‍यां, कि तुमरि मदद का खातिर हमरु व्यौहार तुमरा बीच मा कन्द्रयो छौ।

1 तीमुथियुस 6:6

एक मनखि तैं जथगा मिलदु च, अगर उ उथगा मा ही संतुष्‍ट ह्‍वेके परमेस्वर की भक्‍ति करदु हो, त इन कैरिके वेतैं बड़ु फैदा होलु।

2 पतरस 1:6

अर वे ज्ञान से तुम खुद तैं वस मा रखिल्या, फिर खुद तैं वस मा रखण से सबर रखण जणिल्या, अर सबर रखण से भक्‍ति करण आली,

इब्रानी 13:5

अर तुम लोग धन को लालच नि कैरा, बल्किन मा जु कुछ भि तुमरा पास च तुम वेमा खुश रा, किलैकि परमेस्वर न खुद इन बोलि कि, “मि त्वेतै कभि भि नि बिसरलु अर ना ही कभि छुड़लु।”

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

रोमियों 13:11

अर इन इलै कैरा किलैकि हम एक इन्द्रया बगत मा जीणा छां जु कि भौत अनमोल च। हे मेरा दगड़्यों, अब सिण को बगत नि रै गै, उठा, किलैकि बगत नजदीक ऐ गै। अर जब हमुन बिस्वास कैरी छौ, तब से लेके अभि तक हमरु बचयै जाण को बगत भि और नजदीक ऐ गै।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

2 पतरस 3:10

मगर प्रभु को वु दिन एक चोर का जन अचानक से ऐ जालु, अर वे दिन आसमान बड़ी आवाज कैरिके नास ह्‍वे जालु। अर सब चीज बड़ी खतरनाक गरमी से गैळ जालि, धरती अर जु कुछ भि वेमा च वु सब कुछ खतम ह्‍वे जालु।