2 पतरस 1:10 - Garhwali

¹⁰ इलै हे मेरा भै-बैंणो, इन साबित करणु खुणि तुम लोग कड़ी मेनत कैरा, कि तुम सच्‍चि मा वीं इच्छा मदि छाँ, जौं तैं पिता परमेस्वर न बुलै के चुण्यालि। अर वु काम कैरा ज्यां से वु खुश होन्दु, अर अगर जु तुम इन करिल्या त तुम कै पाप अर इळजाम मा नि फसिल्यां।

गढवली नयो नियम

¹⁰ इलै हे विश्वासी भयों, अपड़ा आप तैं अर हैंका लुखुं तैं यु दिखांणु कु और भि अच्छो बरतौ कनु को बड़ी कोशिश कैरी कि पिता परमेश्वर ल तुम तैं हकीकत मा चुणयूं च अर तुम तैं अपड़ा लोग हूंणु कु बुलै। जु तुम इन करला त तुम निश्चित ढंग से पिता परमेश्वर बट्टी अलग नि होला।

2 पतरस 1:10 Referans Kwoze

2 पतरस 3:17

इलै हे मेरा प्यारा दगड़्यों, तुम सब लोगु तैं यों बातों का बारा मा पैलि बटि ही पता होण चयेणु, चौकस रा ताकि कखि इन नि हो, कि तुम दुष्‍ट लोगु की गळत शिक्षा तैं स्वीकार कैरिके भटकी जा।

इब्रानी 6:11

पर हमरि या ही मनसा च कि तुम मा बटि हरेक मनखि आखिरी तक पूरि कोसिस कनु रौ, ताकि जौं बातों की तुमुन आस रखी ऊ पूरि ह्‍वे जौ।

2 पतरस 1:5

इलै सुणा, कि तुम यों सब बातों मा बढण की पूरि कोसिस कैरा। याने कि तुम अपणा बिस्वास मा मजबूत, अर अपणा चाल-चलन मा अच्छा होन्दी जा, अर वेका दगड़ा-दगड़ि ज्ञान भि रखा,

2 तीमुथियुस 2:19

तभि भि जु लोग परमेस्वर पर बिस्वास करदिन, वु परमेस्वर का द्‍वारा बणयां घौर की मजबूत बुनियाद का जन छिन। अर ऊंका बिस्वास को नास कभि नि होलु, बल्किन मा वु घौर की मजबूत बुनियाद का जन सदनि टिक्यां राला। इलै परमेस्वर का वचन मा इन लिख्यूं च कि, “जु प्रभु का लोग छिन, ऊंतैं उ पछ्याणदु च,” अर जु इन बुल्दा छिन कि, “हम त परमेस्वर का छां, वु लोग बुरै बटि दूर रा।”

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

1 पतरस 1:5

अर तुमरा बिस्वास करण का खातिर ही परमेस्वर अपणी ताकत से तुमरि हिफाजत कनु च, ताकि न्याय को दिन जु कि परगट होण वळु च वेमा उ तुमतै बचै सैको।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।

इब्रानी 6:19

अर जन पाणि का जाज तैं एक जगा मा टिकाणु खुणि समुन्दर मा लंगर डळै जान्दु, ठिक उन्‍नि पिता परमेस्वर का द्‍वारा दिईं आस हमतै मजबूत अर वेकी हिफाजत मा रखदी। अर यां से इन पता चलदु की हम खुद वे परदा तैं पार कैरिके परमेस्वर का समणि खड़ा ह्‍वे ग्यां।

मत्ती 22:14

तब सुनण वळा लोगु खुणि यीशु न इन भि बोलि, “बुलयां त भौत छिन, पर चुण्यां कम ही छिन।”

रोमियों 11:29

अर पिता परमेस्वर ऊं लोगु खुणि अपणा विचार नि बदल्दु, जौं लोगु तैं वु दान-बरदान देके अपणा पास बुलान्दु।

याकूब 2:10

किलैकि अगर कुई मनखि पवित्रशास्‍त्र का सब नियम-कानूनों को पालन कैरिके, बस एक ही नियम तैं नि मणदु हो, त उ सब नियम-कानूनों तैं नि मनण वळु च अर दोषी ठैरि गै।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

2 पतरस 3:14

इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।