2 कुरिन्थि 9:8 - Garhwali

⁸ अर पिता परमेस्वर तुमतै हरेक चीज दे सकदु च ज्यां कि तुमतै जरुरत च। अर इन वु इलै करलु, ताकि तुम और भि जादा दिल खोली के दे सैका अर भलै का काम तुमरा द्‍वारा और भि जादा किये जा।

गढवली नयो नियम

⁸ पिता परमेश्वर सभि ढंग की दया तुम तैं जु भि तुम तैं जरूरत हो बहुतायत ल दे सकद। ज्यां बट्टी हर बात मा अर हर बगत, सब कुछ, जु तुम तैं जरूरी च, तुम मा रौ, तब तुम मा भला काम कनु कु जरूरत से जादा होलो।

2 कुरिन्थि 9:8 Referans Kwoze

इफिसुस 3:20

अर अब पिता परमेस्वर अपणी सामर्थ का द्‍वारा हमरा भितर काम कनु च अर जथगा हम मांगि या सोची सकद्‍यां, वु हम खुणि ऊं सब बातों से भि जादा बड़ा-बड़ा काम कैरी सकदु च,

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

2 कुरिन्थि 8:7

अर हम जणदा छां कि तुम हरेक बात मा बढदी जाणा छाँ, जन कि यीशु मसीह पर तुमरो बिस्वास और भि जादा मजबूत होन्दी जाणु च, अर शुभ समाचार तैं बतौण मा, हरेक बात तैं जनण मा, अर हम जणदा छां कि तुम लोग दुसरा की मदद करण चाणा छाँ, अर सबसे प्यार करद्‍यां। इलै मि चान्दु, जु दान तुमुन तयार कैरिके रख्युं च वेतैं दिल खोली के द्‍या।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

2 कुरिन्थि 9:11

अर पिता परमेस्वर तुमतै आसीस देके भरपूर कैरी द्‍यो, ताकि तुम दुसरो खुणि दाता बणि सैका। अर इन कैरिके तुमरा द्‍वारा दुसरा लोगु की मदद होलि, अर ये काम की वजै से वु लोग पिता परमेस्वर को धन्यवाद करला।

2 कुरिन्थि 8:2

मकिदुनिया का दुसरा लोगु न बिस्वासी लोगु तैं भौत दुख देई। हालांकि यू बिस्वासी लोग गरीब छिन, मगर फिर भि ऊं लोगु न दुसरा बिस्वासी लोगु की मदद हमेसा दिल खोली के कैरी।

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।

1 पतरस 4:10

अर पिता परमेस्वर की किरपा से जु-जु दान-बरदान तुमतै मिल्यां छिन, ऊं दान-बरदानों को इस्तेमाल एक-दुसरा की सेवा मा कैरा, अर एक अच्छु सेवक बणा।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

2 कुरिन्थि 8:19

अर इथगा ही ना, बल्किन मा समुदाय का सब लोगु न येतैं हमरा दगड़ा मा जाण खुणि ठैर्युं च। अर यू भै हमरा दगड़ा मा यरूशलेम नगर तब जालु, जब बिस्वासी भै-बैंणा दान तैं जमा कैरी द्‍याला। अर यू सब हम प्रभु तैं आदर-सम्मान देणु खुणि करणा छां, अर बिस्वासी लोगु का दगड़ा मा इन कैरिके हम ऊंकी मदद करण चाणा छां।

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

खास चेलों 9:36

अर याफा नगर मा तबीता नौ की एक बिस्वासी जनानि रौन्दी छै (अर तबीता तैं यूनानी भाषा मा दोरकास बुल्दिन, दोरकास मतलब हिरणी)। अर वा भौत अच्छा काम करदी छै, अर जरुरतमन्द लोगु तैं दान-दकछिणा देन्दी छै।

2 थिस्सलुनीकी 2:17

अर हम तुम खुणि प्रार्थना करद्‍यां, कि प्रभु यीशु मसीह अर पिता परमेस्वर तुमतै हिम्मत द्‍यो, ताकि तुम हमेसा अच्छु बोला और अच्छा काम कैरी सैका।

2 तीमुथियुस 3:17

ताकि परमेस्वर का लोग हरेक बात मा सिद्ध ह्‍वे जा, अर भलै का हरेक काम तैं करणु खुणि तयार रा।

2 कुरिन्थि 13:3

अर तुम लोग सबूत मंगद्‍यां, कि यीशु मसीह मेरा द्‍वारा बुल्दु भि च कि ना, मगर मि तुमतै बतै देन्दु कि जब उ तुमरा बीच मा काम करदु त अपणी कमजोरी से ना बल्किन मा अपणी ताकत से करदु।

फिलिप्पी 4:11

अर या बात मि इलै नि बोन्‍नु छौं कि मितैं कैं चीज की जरुरत च, पर यू त मि इलै बोन्‍नु छौं किलैकि मिन हर हालत मा सन्तुष्‍ट होण सिख्यालि।

2 तीमुथियुस 2:21

अगर कुई मनखि खुद तैं बुरै बटि दूर रखी के खुद तैं शुद्ध करलु, त उ वे भाँडा का जन च जैतैं कै खास काम खुणि इस्तेमाल लिये जान्दु। तब वे मनखि को जीवन पवित्र ह्‍वे जालु, अर वेको इस्तेमाल प्रभु का हरेक अच्छा काम खुणि किये जालु।