2 कुरिन्थि 9:6 - Garhwali

⁶ हे मेरा भै-बैंणो, जु मनखि कम बुतदु वेतैं कम ही कटण पोड़लु, अर जैन भौत जादा बूति वेतैं जादा फसल कटण पोड़लि।

गढवली नयो नियम

⁶ पर बात त या च, जु जरा सी बुतलो उ जरा सी ही कटलो; अर जु जादा कै बुतलो उ जादा कै आशीष का दगड़ी कटलो।

2 कुरिन्थि 9:6 Referans Kwoze

लूका 6:38

अर द्‍या, त तुमतै भि दिये जालु। अर पूरा नापळ दबै-दबै के अर हिल्‍लै-हिल्‍लै के भरपूरी से तुमरा थैलुन्द भि डळै जालु, किलैकि जै नापळ तुम नापी के दिल्या, वे ही नापळ तुमतै भि नापी के दिये जालु।”

2 कुरिन्थि 9:10

अर जन पिता परमेस्वर बुतण वळा किसानों तैं बीज अर खाणु खुणि रुट्‍टी देन्दु, ठिक उन्‍नि उ तुमतै भि हरेक चीज द्‍यालु अर इन उ हमेसा करलु, ताकि तुमरा पास सब कुछ हो अर तुम दुसरो की मदद कैरी सैका।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

गलातियों 5:16

मगर मि तुमतै बतै देन्दु, कि तुम पवित्र आत्मा तैं अपणा जीवन मा काम करण द्‍या। तब तुम सरील की इच्छा तैं कभि भि पूरु नि करिल्या।

गलातियों 3:17

दगड़्यों मेरु बोन्‍न को मतलब इन च कि जै करार तैं पिता परमेस्वर न अब्राहम का दगड़ा मा कैरी, वेका चार सौ तीस साल बाद नियम-कानून दिये गैनी। इलै अब यू नियम-कानून वे करार तैं बदलि नि सकदिन अर ना ही रद्‍द कैरी सकदिन।

1 कुरिन्थि 15:20

मगर हे मेरा भै-बैंणो, मि तुमतै सच्‍च बतै देन्दु कि सबसे पैलु मनखि यीशु मसीह ही च जैतैं पिता परमेस्वर न मुरदो मा बटि ज्यून्दु कैरी। अर वु ईं बात को सबूत च कि पिता परमेस्वर अपणा लोगु तैं भि जरुर मुरदो मा बटि ज्यून्द करलु।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

1 कुरिन्थि 7:29

हे मेरा भै-बैंणो, मि तुमतै इन बतौण चाणु छौं कि अब बगत भौत कम च, इलै जौं को ब्यौ होयुं च ऊंतैं अपणु पूरु ध्यान अपणी जनानि और बाल-बच्‍चों पर ना, बल्किन मा परमेस्वर की सेवा मा लगौण चयेणु।

कुलुसी 2:4

अर या बात मि इलै बोन्‍नु छौं, ताकि कुई भि मनखि अपणी मिठी-मिठी बात से तुमतै भटके नि द्‍यो।

1 कुरिन्थि 1:12

अर मिन इन सुणी कि तुम लोगु मा बटि कुछ इन बुल्दिन कि, “मि पौलुस को चेला छौं,” अर कुई इन बुल्दु कि, “मि त अपुल्‍लोस को चेला छौं,” अर कुई इन बुल्दु कि, “मि त पतरस को चेला छौ” अर कुछ लोग त इन बुल्दिन कि, “हम त मसीह का छां यीशु मसीह का।”

2 कुरिन्थि 9:5

इलै मिन यू जरुरी समझि, कि पैलि मि तीतुस अर वेका दगड़ा मा दुई और भैयों तैं तुमरा पास भेजूँ, ताकि वु ऐके तुम बटि मिला। अर तुमरा दगड़ा मा मिली के वु दान तैं इकट्‍ठा करण मा तुमरि मदद कैरा, जैको करार तुमुन पैलि हमरा दगड़ा मा कैरी छौ। अर जब सब कुछ पैलि बटि तयार रालु, त हमरा पौंछण पर मेरा दगड़ा मा अयां बिस्वासी लोग दिखला कि तुमुन सच्‍चि मा मदद खुणि दान दियूं च, अर या खुणि कैन भि तुमतै मजबूर नि कैरी।