2 कुरिन्थि 9:2 - Garhwali

² किलैकि मि जणदु छौं, कि तुम मदद करण खुणि तयार छाँ। अर मि मकिदुनिया नगर का बिस्वासी भै-बैंणो तैं बड़ा मोन कैरिके बतौणु छौं, कि अखया मुलक का बिस्वासी लोग पिछलै एक साल बटि मदद करणु खुणि तयार बैठयां छिन। अर तुमरा ये जोस न ऊंका भितर खुशी पैदा कैरियाली।

गढवली नयो नियम

² किलैकि मि तुम्हरी मन की दींणै की इच्छा तैं जंणदु छो, जैका कारण मि तुम्हरा बारा मा मकिदुनिया प्रान्त का विश्वासियों का संमणी गर्व दिखांदु, कि अखाया प्रान्त का तुम लोग पिछला बरस बट्टी तैयार हुयां छा, अर तुम्हरा उत्साह ल और भौतों तैं भि उभारी।

2 कुरिन्थि 9:2 Referans Kwoze

2 कुरिन्थि 8:10

अर मि तुमतै इन बतौण चाणु छौं अर मेरी या बात तुमरा फैदे की च, किलैकि पिछलै साल जन तुमुन यहूदिया मुलक का बिस्वासी लोगु की मदद करणु खुणि दान जमा कैरिके वेतैं देण की इच्छा कैरी,

2 कुरिन्थि 8:8

हे मेरा दगड़्यों, इन बोलि के मि तुमतै कुई आदेस नि देणु छौं, बल्किन मा मि तुमरो ध्यान ईं बात पर लगौण चाणु कि तुमरो प्यार कथगा सच्‍चु च अर तुमतै दुसरो की कथगा चिन्ता च।

2 कुरिन्थि 8:24

इलै ऊंतैं अपणु प्यार को सबूत द्‍या, ताकि समुदाय का सब लोगु पर तुमरो प्यार परगट ह्‍वे जौ। अर ऊ इन भि जाणि जा कि आखिर हम लोग तुमरि खातिर किलै बड़ु मोन करद्‍यां।

इब्रानी 10:24

अर हमरा सभौ मा प्यार अर भलै का कामों तैं करण ही हो, अर यां खुणि हम एक-दुसरा की हिम्मत बढा ताकि वु भि इन्‍नि कैरा।

1 कुरिन्थि 16:15

हे मेरा दगड़्यों, तुम लोग स्तिफनास भै का घौर मा रौण वळा लोगु का बारा मा त जणदा छाँ, ऊ लोग अखया मुलक का पैला बिस्वासी लोग छिन। अर पिता परमेस्वर का लोगु की सेवा करणु खुणि वु हमेसा तयार रौनदिन।

1 थिस्सलुनीकी 1:7

अर तुम लोगु न इन कैरी, इलै अखया मुलक का सब बिस्वासी लोगु मा, अर ठिक उन्‍नि मकिदुनिया मुलक का दुसरा हिस्सा का लोगु खुणि भि तुम लोग एक नमूना बणि ग्यां।

2 कुरिन्थि 8:19

अर इथगा ही ना, बल्किन मा समुदाय का सब लोगु न येतैं हमरा दगड़ा मा जाण खुणि ठैर्युं च। अर यू भै हमरा दगड़ा मा यरूशलेम नगर तब जालु, जब बिस्वासी भै-बैंणा दान तैं जमा कैरी द्‍याला। अर यू सब हम प्रभु तैं आदर-सम्मान देणु खुणि करणा छां, अर बिस्वासी लोगु का दगड़ा मा इन कैरिके हम ऊंकी मदद करण चाणा छां।

2 कुरिन्थि 7:4

अर मितैं तुम पर पूरु यकीन च, अर तुमतै देखि के मेरु मोन बड़ु ह्‍वे जान्दु। अर तुमरा द्‍वारा मेरा मन तैं बड़ी दिलासा मिलदी, अर हरेक किसम की परेसानी मा भि हमतै बड़ी खुशी मिलदी।

2 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै तीमुथियुस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि परमेस्वर का समुदाय छाँ। अर या चिठ्‍ठी ऊं सब पवित्र मनखियों खुणि भि च जु कि पूरा अखया मुलक मा छिन।

खास चेलों 18:12

अर जौं दिनों मा अखया मुलक को गवर्नर गल्‍लियो छौ, ये बगत यहूदी लोग एक मन ह्‍वेके पौलुस का खिलाप मा खड़ा ह्‍वे गैनी, अर वेतैं पकड़ी के न्याय आसन का समणि लि गैनी।

खास चेलों 24:17

अर भौत सालों का बाद मि अपणा गरीब लोगु मा दान-दकछिणा देणु खुणि, अर परमेस्वर खुणि बलिदान चड़ौणु कू इख ऐ छौं।

रोमियों 15:26

किलैकि मकिदुनिया अर अखया मुलक का बिस्वासी लोगु न चन्दा इकट्‍ठा कर्युं च, अर या बात ऊंतैं अच्छी लगि कि ऊ यरूशलेम नगर का बिस्वासी लोगु मा बटि जु लोग गरीब छिन ऊंकी मदद कैरा।

2 कुरिन्थि 8:11

अब वे ही जोस का साथ वेतैं पूरु भि कैरा। अर जब तुम इन करिल्या, तब सब लोगु तैं पता चलि जालु कि तुम लोग इन दान देणु खुणि तयार छाँ। अर या बात मि इलै बुलणु छौं, किलैकि तुमुन जमा करण शुरु कैरी छौ अर तुम इथगा लैख छैई भि छाँ च कि तुम यू कैरी सकद्‍यां।