2 कुरिन्थि 9:13 - Garhwali

¹³ अर दुसरा लोगु की मदद खुणि जु दान तुम देणा छाँ वेकी वजै से बिस्वासी लोग पिता परमेस्वर की बडै करदिन, किलैकि इन कैरिके तुमुन यीशु मसीह का शुभ समाचार की बात तैं पूरु कैरी। अर ऊ ईं बात खुणि पिता परमेस्वर को धन्यवाद करला कि तुमुन दिल खोली के दिनी अर वां से दुसरा लोगु को भलु ही ह्‍वे।

गढवली नयो नियम

¹³ किलैकि दूसरों की मदद कनु कु दान दींणै की य सेवकाई प्रमाणित करली कि तुम सच्चा छा अर भौत लोग पिता परमेश्वर की महिमा प्रगट करदींनि, कि जब तुम ल बोलि कि मसीह कु शुभ सन्देश सचो छो अर तुम यु तैं मणला त तुम ल अफी अपड़ा शब्दों कु पालन कैरी, अर गरीब विश्वासियों की अर और विश्वासियों का दगड़ी ही सब विश्वासियों की मदद कन मा उदारता प्रगट कैरी।

2 कुरिन्थि 9:13 Referans Kwoze

इब्रानी 13:16

अर भलै करण अर दुसरो की मदद करण नि बिसरा, किलैकि यू भि एक बलिदान का जन च, ज्यां से कि परमेस्वर खुश होन्दु।

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

गलातियों 1:24

अर अब यहूदिया मुलक का ऊ बिस्वासी लोग मेरा खातिर पिता परमेस्वर की बडै करदिन।

2 कुरिन्थि 2:12

हे मेरा दगड़्यों, जब मि यीशु मसीह का बारा मा शुभ समाचार सुनौणु कू त्रोआस नगर मा पौंछु, त मिन देखि कि प्रभु न उख अपणु काम करणु खुणि पैलि बटि लोगु तैं तयार कैरिके रख्युं च, अर मितैं एक अवसर अच्छु मिली कि मि ऊंतैं शुभ समाचार सुणौ।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

इब्रानी 10:23

अर वीं आस तैं अपणा-अपणा जीवन मा बणै के रखा जिं पर हमतै पूरु यकीन च, किलैकि जु करार पिता परमेस्वर न हमरा दगड़ा मा कर्युं च वु जरुर पूरु होलु।

इब्रानी 5:9

अर दुख-तकलीफो तैं झिलण पर भि उ खरु निकळि। अर जथगा भि लोग यीशु मसीह की आज्ञा को पालन करदिन वु ऊं सब लोगु खुणि सदनि तक बचयै जाण की वजा बणि गै।

इब्रानी 4:14

हे मेरा प्यारा भै-बैंणो, हम जणदा छां कि हमरा पास एक महा पुरोहित च जु की सबसे महान च। अर उ पिता परमेस्वर को पुत्र यीशु मसीह च, जु कि वेका पास आसमान मा मथि उठये गै।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

1 तीमुथियुस 6:12

अर बिस्वास का बाटा बटि भटकी नि जै, बल्किन मा कड़ी मेनत कैर। अर वे ही बिस्वास तैं तिन भौत सा लोगु का समणि कबूल कैरी छौ। अर कखि सदनि का जीवन तैं ख्वे नि दे, ज्यां खुणि परमेस्वर न त्वेतै बुलयूं च।

2 कुरिन्थि 10:5

अर मि तुमतै बतै देन्दु कि बिस्वासी लोगु तैं धोखा देण खुणि जौं बातों को इस्तेमाल वु लोग करदिन, वु पूरि तरौं से गळत छिन। अर जब वु अपणी बातों का द्‍वारा परमेस्वर का ज्ञान को विरोध करदिन, तब हम ऊंका विचारों को नास परमेस्वर का वचन का द्‍वारा करद्‍यां। अर ऊंकी सोच तैं बदलि के उन्‍नि बणौन्द्‍यां जन यीशु मसीह चान्दु।

2 कुरिन्थि 8:4

अर ऊंन खुद हम से इन बिन्ती कैरी कि ऊंतैं भि बिस्वासी लोगु तक राहत पौंछाणु खुणि मदद करण को मौका दिये जौ। अर या बिन्ती ऊंन हम से बार-बार कैरी, जब की हम ऊंकी हालत तैं अच्छे से जणद्‍यां।

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

खास चेलों 4:21

तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।

यूहन्ना 15:8

अर अगर जु तुम मा बिजांम फल लगदिन, त यां से मेरा पिता को भौत आदर-सम्मान होलु। तब तुम साबित कैरी दिल्या की तुम मेरा चेला छाँ।

लूका 6:46

तब यीशु न इन भि बोलि कि, “तुम मिकू ‘हे प्रभु, हे प्रभु,’ बुल्द्‍यां, पर जु मि बुल्दु, तुम वेतैं किलै नि मणद्‍यां?

मत्ती 9:8

अर यू होन्द देखि के लोग डौऽरी गैनी अर परमेस्वर की बडै करण लगि गैनी, कि परमेस्वर न मनखियों तैं इन्द्रयो अधिकार दियूं च।

रोमियों 10:16

पर सभ्यों न शुभ समाचार तैं स्वीकार नि कैरी। जन कि परमेस्वर को रैबर्या यशायाह भि बुल्दु। वेन बोलि छौ कि, “हे मेरा प्रभु, कैन हमरा रैबार पर बिस्वास कैरी?”

रोमियों 12:8

अर जु उपदेस देण वळु च, उ उपदेस देण मा लग्यूं रौ। अर जु मनखि दान देण वळु च, उ खुशी से दान द्‍यो, अर जु लोग सच्‍चै को बाटु पर चलौण वळा छिन वु अपणी पूरि मेनत से ये काम तैं कैरा। अर दया करण वळु मनखि, मन की खुशी से दया कैरो।

रोमियों 15:31

अर पिता परमेस्वर से इन भि प्रार्थना कैरा, कि मि यहूदिया मुलक का ऊं लोगु से बचि जौं, जु कि पिता परमेस्वर की आज्ञा को पालन नि करदिन। अर इन भि प्रार्थना कर्यां, कि यरूशलेम नगर मा रौण वळा बिस्वासी लोग वे दान तैं स्वीकार कैरा जैतैं लेके मि उख जाणु छौं।

2 कुरिन्थि 9:14

अर वु तुम से भौत प्यार करदिन, इलै वु तुम खुणि प्रार्थना करला, अर इन वु इलै करला किलैकि वु जणदा छिन कि तुम पर पिता परमेस्वर की बड़ी किरपा होईं च।

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,