2 कुरिन्थि 8:3 - Garhwali

³ अर ईं बात का बारा मा मि तुमतै बतै देन्दु कि ऊंन अपणी हैसियत का मुताबिक दिनी, बल्किन मा जथगा ऊंका पास छौ ऊंन वेसे जादा ही दिनी, अर यू सब कुछ ऊंन अपणी मनसा का मुताबिक कैरी।

गढवली नयो नियम

³ अर ऊंका बारा मा मेरी य गव्है च, कि ऊंल अपड़ी सामर्थ से भि बड़ी के अपड़ा मन से दान द्ये।

2 कुरिन्थि 8:3 Referans Kwoze

फिलेमोन 1:14

मगर मि तेरी इजाजत का बगैर कुछ नि करण चान्दु, ताकि भलै का जु काम तू मि खुणि करदी ऊ जोर-जबरदस्ती से ना हो, बल्किन मा तेरा द्‍वारा बड़ी खुशी से किये जा।

1 कुरिन्थि 16:2

तुम लोग हरेक इतवार खुणि अपणी-अपणी कमै का मुताबिक कुछ अलग कैरिके रख्यां। अर ये दान तैं समाळि के रख्यां, ताकि जब मि उख औंऽऽ, त तुमतै दान जमा करण की जरुरत नि पोड़ो।

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

1 कुरिन्थि 9:17

अर यू काम मि अपणी मरजी से करदु अर वु भि बड़ी खुशी-खुशी से। हे मेरा दगड़्यों, मि खुणि एक इनाम रख्युं च, पर अगर जु मि ये काम तैं अपणी मरजी से नि करलु, त यां को मतलब यू च कि मि केवल अपणी जबाबदारी तैं पूरु कनु छौं।

1 पतरस 5:2

जु दल पिता परमेस्वर न तुमरा हाथों मा सौप्युं च, वेकी देख-रेख अच्छी तरौं से कैरा। अर दल की देख-रेख कैं मजबूरी मा ना, बल्किन मा पिता परमेस्वर की मनसा का मुताबिक कैरा। अर सेवा को यू काम तुम कै लालच खुणि ना, बल्किन मा मन लगै के कैरा।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

1 थिस्सलुनीकी 2:8

अर हमतै तुम बटि इथगा लगौ ह्‍वे गै कि हमुन तुमतै नऽ त केवल परमेस्वर को शुभ समाचार सुणै, बल्किन मा तुम खुणि अपणा पराण तैं भि देणु कू तयार ह्‍वे ग्यां, किलैकि हम तुम बटि प्यार करद्‍यां।

कुलुसी 4:13

अर मि ईं बात मा इपफ्रास भै को गवा छौं, कि वु तुम खुणि अर लौदीकिया नगर अर हियरापुलिस नगर का लोगु खुणि बड़ी मेनत कनु रौन्दु।

फिलिप्पी 2:13

किलैकि परमेस्वर ही च जु कि अपणी मनसा का मुताबिक तुमरा जीवनों मा काम कनु च, अर उ ही च जु की इन इच्छा पैदा करदु कि तुम वेका मुताबिक चलि सैका।

रोमियों 10:2

अर ऊंका बारा मा मि या गवै दे सकदु छौं, कि ऊंका भितर पिता परमेस्वर का पिछनै चलण को जोस भौत जादा च, मगर ऊंतैं यू पता नि च कि वेका पिछनै चलण को सही तरीका क्या च।

गलातियों 4:15

अर मितैं इन बता, कि जु आसिरबाद तुमतै मिल्यूं छौ उ कख हरचि गै? अर मि खुद ईं बात की गवै देन्दु कि एक बगत वु छौ, कि जब मि तुमकु बुल्दु कि अपणा आंखा निकळि के मितैं दे द्‍या, त तुम मि खुणि उन्‍नि कैरी देन्दा।

मरकुस 14:8

अर जु कुछ वीं से ह्‍वे सकदु छौ वींन वु काम कैरी, अर मेरा सरील तैं कबरुन्द रखण की तयारी मा वींन यू खुशबुदार इतर लगै।