2 कुरिन्थि 6:11 - Garhwali

¹¹ हे कुरिन्थि नगर का लोगु, मिन अपणी बात तैं तुमरा समणि खोली के रखी, अर सुणा, हमरा मनों मा क्या च वु तुम जणदा ही छाँ।

गढवली नयो नियम

¹¹ हे कुरिन्थुस का विश्वासियों, हम ल खुलि के तुम बट्टी बात कैरी, हम तुम तैं अपड़ा पूरा दिल से प्रेम करदा।

2 कुरिन्थि 6:11 Referans Kwoze

फिलिप्पी 1:8

अर ईं बात का बारा मा परमेस्वर मेरु गवा च, कि मि तुम सभ्यों बटि मिलणु खुणि कथगा तड़पदु। अर दया कैरिके जन प्यार यीशु न कैरी, ठिक उन्‍नि मि भि तुम से करदु।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 2:4

अर जब मिन तुम खुणि पैलि चिठ्‍ठी लिखी छै, त वे बगत मि अपणा मन मा भौत परेसान अर दुखी छौ, अर रुवे-रुवे के वा चिठ्‍ठी मिन तुम खुणि लिखीं छै। अर मिन अपणी पैलि चिठ्‍ठी तुमतै दुख देणु खुणि नि लिखी छै, बल्किन मा ईं बात तैं याद दिलौणु खुणि लिखी छै कि मि तुम से कथगा प्यार करदु।

दिब्य दरस 22:12

तब यीशु न मिकू बोलि, “देख मि जल्द ही औण वळु छौं, अर हरेक मनखि तैं वेका कामों का मुताबिक बदला मा दिये जालु।

फिलिप्पी 4:15

हे फिलिप्पी नगर का बिस्वासी लोगु, तुम त जणदा ही छाँ, कि शुभ समाचार तैं शुरु करण का ऊं दिनों मा जब मि मकिदुनिया मुलक बटि निकळि छौ, त लेण-देण का काम मा तुमरा बिस्वासी समुदाय का अलावा कैन भि मेरी मदद नि कैरी।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

इफिसुस 6:8

किलैकि तुम जणदा छाँ, कि हरेक मनखि चै ऊ नौकर हो या आजाद, अगर उ अच्छु काम करलु त प्रभु बटि इनाम भि पालु।

खास चेलों 18:1

येका बाद पौलुस एथेन्स नगर तैं छोड़ि के कुरिन्थि नगर कू चलि गै।

खास चेलों 18:8

तब प्रार्थना भवन का मुखिया क्रिस्पुस अर वेका घौर का सब लोग न प्रभु पर बिस्वास कैरी। अर कुरिन्थि नगर का भौत सा लोगु न पौलुस का द्‍वारा वचन तैं सुणी के बिस्वास कैरी, अर बपतिस्मा भि लिनी।

गलातियों 4:12

हे मेरा बिस्वासी भै-बैंणो, तुम जु यहूदी जाति का नि छाँ तुमुन मेरु कुछ नि बिगाड़ि, अर मि एक यहूदी होण का बाद भि तुम लोगु खुणि तुमरि तरौं ही ह्‍वे ग्यों, पर अब मि तुम बटि बिन्ती करदु कि तुम मसीह जीवन मा अब मि जन ह्‍वे जा।

इफिसुस 6:19

हे मेरा भै-बैंणो, मि पौलुस खुणि भि प्रार्थना कर्यां, ताकि मितैं वचन बोन्‍न का बगत मा इन्द्रयो वचन दिये जौ, जैतैं मि हिम्मत से बोलि सैकु अर शुभ समाचार को पवित्र राज लोगु तैं बतै सैकु,