2 कुरिन्थि 5:13 - Garhwali

¹³ अर अगर जु हमतै अपणी सुद-बुद नि च त यू सब पिता परमेस्वर खुणि च, अर अगर जु हम चेत मा छां त वां से तुमतै ही फैदा च।

गढवली नयो नियम

¹³ कुई बुल्द कि हम पागल छा, त पिता परमेश्वर कु; अर जु होश मा छा, त तुम्हरा भला कु ही छा।

2 कुरिन्थि 5:13 Referans Kwoze

2 कुरिन्थि 12:11

मि तुमरि खातिर नासमझ बणि ग्यों, मगर वां खुणि भि तुमुन ही मितैं मजबूर कैरी, जब तुमतै मेरी तरफा बटि बुलण चयेणु, तब तुम इन नि करद्‍यां। अर भले ही मि लोगु कि नजर मा कुछ नि छौं, मगर फिर मि यीशु मसीह का खास चेलों मा बटि कम भि नि छौं।

2 कुरिन्थि 12:6

उन त मि बड़ु मोन कैरी सकदु छौं अर मितैं मूरख भि नि समझै जालु किलैकि मि सच्‍च बुल्दु, मगर मि खुद तैं बड़ु मोन करण से रुकदु छौं, किलैकि मि चान्दु कि जु कुछ भि मेरा दगड़ा मा ह्‍वे वेकी वजै से लोग मितैं महान नि समझा, मगर मि त बस इथगा ही चान्दु कि लोग मेरा बारा मा वेका मुताबिक ही जाणा अर समझा, जु कुछ भि बुल्दु अर करदु छौं।

2 कुरिन्थि 11:1

हे मेरा दगड़्यों, जन तुम दुसरा लोगु तैं स्वीकार करद्‍यां जु कि अपणी ही बातों पर बड़ु मोन करदिन, कास, उन्‍नि तुम मितैं भि स्वीकार करदा जब कि मि तुमरि नजर मा एक मूरख मनखि का जन बरतौ करदु।

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

2 तीमुथियुस 2:10

अर जौं लोगु तैं परमेस्वर न चुण्यूं च, ऊंतैं भि यीशु मसीह का द्‍वारा छुटकारा मिललु। अर जिं जगा मा परमेस्वर का दगड़ा सदनि को आदर-सम्मान मिलदु, वीं जगा पर वु लोग भि जीवन ज्याला। इलै मि ऊं खुणि यू दुख उठाणु छौं।

1 थिस्सलुनीकी 1:5

किलैकि हमुन तुमतै जु शुभ समाचार सुणै वु सब केवल बुलण वळी बात ही नि छै, बल्किन मा वु सामर्थ का काम तुमरा बीच मा भि ह्‍वे छिन। अर वु सब काम पवित्र आत्मा का छा, अर पवित्र आत्मा न ही यां को परमाण दिनी कि यू शुभ समाचार सच्‍चु च। अर तुम खुद ही जणद्‍यां, कि तुमरि मदद का खातिर हमरु व्यौहार तुमरा बीच मा कन्द्रयो छौ।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

2 कुरिन्थि 7:12

अर ज्वा चिठ्‍ठी मिन पैलि भेजि वा मिन वे आदिम की वजै से नि भेजि छै जैन बुरु काम कैरी छौ, अर ना ही वेकी वजै से लिखी जैका दगड़ा मा अन्यो ह्‍वे छौ। बल्किन मा मिन इलै लिखी छै ताकि परमेस्वर का समणि यू साबित ह्‍वे जौ कि तुम हमरि बात को पालन करणु खुणि कन्दरि इच्छा रखद्‍यां।

मरकुस 3:21

अर जब यीशु का परिवार का लोगु न यू सुणी, त वु यीशु तैं पकड़णु कू गैनी, किलैकि वु इन बुल्दा छा कि, “वेकू दिमाग ठिकणा पर नि च।”